ជាតិ
សង្គមជាតិ
អ្នកជំនាញគ្រោងសង់វិមាននយោបាយឈ្នះឈ្នះ សម្រាប់តម្កល់រូបចម្លាក់វីរជនខ្មែរ
×![]()
ភ្នំពេញ៖ អ្នកប្រវត្តិសាស្ត្រ និងអ្នកជំនាញរបស់រដ្ឋាភិបាល នឹងធ្វើការកសាងវិមានទុកជាប្រវត្តិសាស្ត្រមួយ ដែលគេឲ្យឈ្មោះថា វិមាននយោបាយឈ្នះឈ្នះ។ ពួកគេអះអាងថា វិមាន ប្រវត្តិសាស្ត្រនេះ នឹងដាក់តម្កល់រូបវីរបុរស និងវីរនារីខ្មែរគ្រប់ជំនាន់ ដែលអ្នកធ្វើឲ្យសង្គមជាតិមានសន្តិភាព និងការអភិវឌ្ឍរីកចំរើន។
ស្តាប់សំឡេង៖
**audio1**
ប្រធានសមាគមអ្នកប្រវត្តិសាស្ត្រកម្ពុជា និងជាទីប្រឹក្សារដ្ឋាភិបាល លោក ស៊ន សំណាង មានប្រសាសន៍ថា រដ្ឋាភិបាលមានគម្រោងសាងសង់វិមាននយោបាយឈ្នះឈ្នះនេះឡើង ក្នុងគោលបំណងរំឭកគុណវីរបុរសជាតិ ដូចដែលបណ្តាប្រទេសជឿនលឿនជាច្រើនបានអនុវត្ត ដើម្បីទុកឲ្យកូនចៅគោរពបូជា។ លោកបន្ថែមថា វិមានជាប្រវត្តិសាស្ត្រនេះ មិនមែនជាការសាងសង់លើកដំបូងនោះទេ។
លោកបញ្ជាក់ដូច្នេះ៖«យើងធ្លាប់កសាងវិមានព្រះបរមរូប និងបដិមាព្រះបរមរតនកោដ្ឋ សម្តេចព្រះនរោត្ត សីហនុ ។ ក្រៅពីនេះយើងក៏បានកសាងរូបសំណាកជាច្រើន ដូចជា រូបសំណាកព្រះបាទជ័យវរ្ម័នទី៧ សម្តេចព្រះសង្ឃរាជ ជួន ណាត លោកតាក្រមង៉ុយ រូបសំណាកលោកយាយពេញជាដើម»។
ជាងនេះទៀត វិមាននយោបាយឈ្នះឈ្នះដែលនឹងត្រូវសាងសង់ខាងមុខនេះ ត្រូវបាន លោក ស៊ន សំណាង ឲ្យដឹងថា វិមាននេះ នឹងប្រមូលផ្តុំដោយរូបចម្លាក់វីរជនខ្មែរ និងព្រមទាំងមានចម្លាក់ ដែលបង្ហាញពីប្រវត្តិនៃកកើតទឹកដីខែ្មរដែរ។
អ្នកប្រវត្តិសាស្ត្ររូបនេះ ប្រាប់ថា៖«នៅក្នុងវិមានវិមានរំឭកគុណនេះ យើងមានគម្រោងនឹង ដាក់តម្កល់រូបចម្លាក់ វីរបុរសខ្មែរចាប់ពីសតវត្សទី៣ មុនគ.ស រហូតដល់សម័យបច្ចុប្បន្ន ជាពិសេសគឺ យើងលើសម័យអាណាចក្រអង្គរ គឺសម័យព្រះបាទជ័យវរ្ម័នទី។ យើងមានវីរជនខ្មែរកាន់ច្រើននោះ ជាតិយើងនឹង មានការរីកចំរើន»។
ទោះជាយ៉ាងណា គម្រោងនេះកំពុងស្ថិតក្នុងសិក្សា និងពិភាក្សារកគំនិតសាងសង់នៅឡើយ។ អ្នកជំនាញពុំទាន់កំណត់ច្បាស់លាស់នូវចំនួនវិស្វករ ស្ថាបត្យករ និងវិចិត្រករ ព្រមទាំងទីតាំង និងថវិកាដែលនឹងត្រូវចំណាយក្នុងការសាងសង់នោះទេ។ «យើងមិនទាន់កំណត់ការចំណាយ និងទីតាំងមួយជាក់លាក់នៅឡើយ ដោយសារគម្រោងស្ថិតក្នុងការសិក្សាពិភាក្សា»។ នេះជាប្រសាសន៍បញ្ជាក់របស់លោកបណ្ឌិត ស៊ន សំណាង។
បើតាមគម្រោងដែលបង្ហាញក្នុងកិច្ចពិភាក្សា កន្លងមក វិមាននយោបាយឈ្នះឈ្នះនេះ នឹងធ្វើលើផ្ទៃដីទំហំ ១២៦ ម៉ែត្រការ៉េ ដោយកំណត់យកតួវិមានកម្ពស់៦ម៉ែត្រ ហើយរូបចម្លាក់វីរជនទាំងនោះ កំណត់យកកម្ពស់ ១,៧០ម៉ែត្រ ដែលរូបចម្លាក់នោះធ្វើអំពីថ្មភ្នំពណ៌ខៀវ៕
© រក្សាសិទ្ធិដោយ thmeythmey.com
