ជាតិ
សង្គមជាតិ
×![]()
កំពង់ធំ៖ រយៈពេល៥ឆ្នាំហើយ ដែលច្រកចេញចូលតែមួយត្រូវបានបង្កើតនៅក្នុងក្រុងស្ទឹងសែននៃខេត្តកំពង់ធំ។ ដំណើរការ៥ឆ្នាំនេះ បាននាំកិត្តិយស និងកិត្តិនាមដល់រដ្ឋបាលច្រកចេញចូលតែមួយនៃក្រុងស្ទឹងសែន។ ដោយសារតែមានមន្ត្រីមានសមត្ថភាពច្រើន ហើយបានអនុវត្តច្បាប់ត្រឹមត្រូវទៀតនោះ ច្រកចេញចូលតែមួយ នៃក្រុងស្ទឹងសែនបានក្លាយជា គំរូទូទាំងប្រទេស។
ក្រោយពីការអនុវត្តដោយជោគជ័យគម្រោង ការងារច្រកចេញចូលតែមួយនៅក្នុងក្រុងបាត់ដំបង និងក្រុងសៀមរាបហើយនោះ ច្រកចេញចូលតែមួយនៃក្រុងស្ទឹងសែន គឺគម្រោងក្រុមទី២ ដែលទទួលបានសរសើរពីថ្នាក់លើ។ ច្រកចេញចូលតែមួយនៃក្រុងស្ទឹងសែនក៏ក្លាយជាមេរៀនសម្រាប់ក្រុងក្រុមទី៣ ដែលត្រូវបង្កើតច្រកចេញចូលតែមួយ។ ក្នុងពេលកន្លងមក មន្ត្រីថ្នាក់ស្រុកនៃខេត្តបាត់ដំបង ស្វាយរៀង និងកំពតជាដើម បានមកធ្វើកម្មសិក្សានៅក្រុងស្ទឹងសែន។
លោក ហៀវ ប៊ុនហេង អនុប្រធានការិយាល័យច្រកចេញចូលតែមួយបានប្រាប់ឲ្យដឹងផងដែរថា ក្រសួងមហាផ្ទៃក៏បានចុះមកថតស្ពត ឬវីដេអូឃ្លីប ដើម្បីផ្សព្វផ្សាយនៅតាមទូរទស្សន៍អំពីភាពគំរូនៃការិយាល័យនេះ។ លោកអនុប្រធានបានរៀបរាប់បន្ថែមយ៉ាងដូច្នេះ៖«មន្ត្រីក្រសួងមហាផ្ទៃ បានចុះមកធ្វើការវាយតម្លៃជាច្រើនដង។ បន្ថែមលើសពីនេះ គេបានទាំងចុះសង្កេតផ្ទាល់នៅច្រកយើង ដោយបន្លំជាប្រជាជនសាមញ្ញធម្មតា ដែលមកទទួលសេវាពីខាងមន្ត្រីច្រករយៈប្រហែល១ខែកន្លះឯណោះ ដោយមិនឱ្យយើងដឹងឡើយ»។
លោកបន្តថា៖«ធម្មតាវាតែងមានទាំងចំណុចវិជ្ជមាន និងអវិជ្ជមាន។ ប៉ុន្តែច្រកយើងទទួលបានចំណុចវិជ្ជមានច្រើនចំពោះការផ្តល់សេវាពីបុគ្គលិកច្រក។ លើសពីនេះ មន្ត្រីយើងមានភាពរួសរាយ រាក់ទាក់ ស្និទ្ធស្នាល មិនមានអំពើពុករលួយ និងបម្រើសេវាបានលឿន»។
ការមានឧត្តមគតិ មនសិការការងារបម្រើពលរដ្ឋដោយស្មោះត្រង់ ថែមទាំងការជួយគ្នាក្នុងចំណោមសហការី ទាំងអស់នេះហើយ បើតាមលោក ហៀវ ប៊ុនហេង ដែលបានធ្វើឲ្យការិយាល័យច្រកចេញចូលតែមួយនៃក្រុងស្ទឹងសែនទទួលបានការទទួលស្គាល់ខ្លាំង៕
ក្រោយពីការអនុវត្តដោយជោគជ័យគម្រោង ការងារច្រកចេញចូលតែមួយនៅក្នុងក្រុងបាត់ដំបង និងក្រុងសៀមរាបហើយនោះ ច្រកចេញចូលតែមួយនៃក្រុងស្ទឹងសែន គឺគម្រោងក្រុមទី២ ដែលទទួលបានសរសើរពីថ្នាក់លើ។ ច្រកចេញចូលតែមួយនៃក្រុងស្ទឹងសែនក៏ក្លាយជាមេរៀនសម្រាប់ក្រុងក្រុមទី៣ ដែលត្រូវបង្កើតច្រកចេញចូលតែមួយ។ ក្នុងពេលកន្លងមក មន្ត្រីថ្នាក់ស្រុកនៃខេត្តបាត់ដំបង ស្វាយរៀង និងកំពតជាដើម បានមកធ្វើកម្មសិក្សានៅក្រុងស្ទឹងសែន។
លោក ហៀវ ប៊ុនហេង អនុប្រធានការិយាល័យច្រកចេញចូលតែមួយបានប្រាប់ឲ្យដឹងផងដែរថា ក្រសួងមហាផ្ទៃក៏បានចុះមកថតស្ពត ឬវីដេអូឃ្លីប ដើម្បីផ្សព្វផ្សាយនៅតាមទូរទស្សន៍អំពីភាពគំរូនៃការិយាល័យនេះ។ លោកអនុប្រធានបានរៀបរាប់បន្ថែមយ៉ាងដូច្នេះ៖«មន្ត្រីក្រសួងមហាផ្ទៃ បានចុះមកធ្វើការវាយតម្លៃជាច្រើនដង។ បន្ថែមលើសពីនេះ គេបានទាំងចុះសង្កេតផ្ទាល់នៅច្រកយើង ដោយបន្លំជាប្រជាជនសាមញ្ញធម្មតា ដែលមកទទួលសេវាពីខាងមន្ត្រីច្រករយៈប្រហែល១ខែកន្លះឯណោះ ដោយមិនឱ្យយើងដឹងឡើយ»។
លោកបន្តថា៖«ធម្មតាវាតែងមានទាំងចំណុចវិជ្ជមាន និងអវិជ្ជមាន។ ប៉ុន្តែច្រកយើងទទួលបានចំណុចវិជ្ជមានច្រើនចំពោះការផ្តល់សេវាពីបុគ្គលិកច្រក។ លើសពីនេះ មន្ត្រីយើងមានភាពរួសរាយ រាក់ទាក់ ស្និទ្ធស្នាល មិនមានអំពើពុករលួយ និងបម្រើសេវាបានលឿន»។
ការមានឧត្តមគតិ មនសិការការងារបម្រើពលរដ្ឋដោយស្មោះត្រង់ ថែមទាំងការជួយគ្នាក្នុងចំណោមសហការី ទាំងអស់នេះហើយ បើតាមលោក ហៀវ ប៊ុនហេង ដែលបានធ្វើឲ្យការិយាល័យច្រកចេញចូលតែមួយនៃក្រុងស្ទឹងសែនទទួលបានការទទួលស្គាល់ខ្លាំង៕
© រក្សាសិទ្ធិដោយ thmeythmey.com
