ជាតិ
សង្គមជាតិ
×![]()
កំពង់ធំ៖ ព្រឹកថ្ងៃទី២៧ ខែមេសា នេះ ថ្នាក់ដឹកនាំខេត្តកំពង់ធំបានរៀបចំពិធីបួងសួងសុំសេចក្តីសុខជូនដល់ប្រជាពលរដ្ឋរបស់ខ្លួន។ ព្រះសង្ឃចំនួន៣១៧អង្គត្រូវបាននិមន្តបិណ្ឌបាត និងប្រោះព្រំដល់ប្រជាជន ពិសេសអ្នកដែលចូលរួមជាច្រើនរយនាក់។
អភិបាលខេត្តកំពង់ធំ និងថ្នាក់ដឹកនាំក្រុងស្ទឹងសែនបានរួមគ្នារៀបចំពិធីបែបសាសនាមួយនៅព្រឹកថ្ងៃទី២៧មេសានេះ ដើម្បីសុំសេចក្តីសុខឲ្យប្រជាពលរដ្ឋរបស់ខ្លួន។ ពិធីដែលចាប់ផ្តើមតាំងពីរសៀលថ្ងៃអាទិត្យ ត្រូវបានរៀបចំធ្វើនៅក្បែរស្ពានត្បូងចាម ក្នុងសង្កាត់ដំរីជាន់ខ្លា នៃក្រុងស្ទឹងសែន។
អភិបាលរងក្រុងស្ទឹងសែន លោក ខែក ផា បានអះអាងឲ្យដឹងថាពិធីបួងសួងសុំសេចក្តីសុខនេះមិនធ្លាប់មានការរៀបចំពីមុនមកនោះទេ នៅក្នុងខេត្តកំពង់ធំនេះ បើទោះជាពិធីតាមបែបសាសនានេះធ្លាប់ត្រូវបានរៀបចំនៅក្នុងខេត្តសៀមរាប បាត់ដំបង និងបន្ទាយមានជ័យជាដើមនោះ។
អភិបាលក្រុងស្ទឹងសែន លោក ហង់ សុភីន បានរៀបរាប់បន្ថែមថា ក្រៅពីពិធីរាប់បាត្រព្រះសង្ឃ៣១៧អង្គហើយនោះ ក៏មានពិធីបាំងសង្សកូលឧទ្ទិសកុសលជូនដល់បុព្វការីជននានា ដែលបានបូជាជីវិតក្នុងការពារទឹកដីជូនជាតិមាតុភូមិហើយក៏បួងសួងសុំសេចក្តីសុខក្សេមក្សាន្តពីវីរបុរសទាំងនោះវិញដែរ។ ប្រជាពលរដ្ឋវិញ ពួកគេបានបានរៀបចំដាក់ទឹកមុខផ្ទះសឹងគ្រប់ៗគ្នាដើម្បីទទួលបានការប្រោះព្រំពីព្រះសង្ឃទាំងនោះ៕
អភិបាលខេត្តកំពង់ធំ និងថ្នាក់ដឹកនាំក្រុងស្ទឹងសែនបានរួមគ្នារៀបចំពិធីបែបសាសនាមួយនៅព្រឹកថ្ងៃទី២៧មេសានេះ ដើម្បីសុំសេចក្តីសុខឲ្យប្រជាពលរដ្ឋរបស់ខ្លួន។ ពិធីដែលចាប់ផ្តើមតាំងពីរសៀលថ្ងៃអាទិត្យ ត្រូវបានរៀបចំធ្វើនៅក្បែរស្ពានត្បូងចាម ក្នុងសង្កាត់ដំរីជាន់ខ្លា នៃក្រុងស្ទឹងសែន។
អភិបាលរងក្រុងស្ទឹងសែន លោក ខែក ផា បានអះអាងឲ្យដឹងថាពិធីបួងសួងសុំសេចក្តីសុខនេះមិនធ្លាប់មានការរៀបចំពីមុនមកនោះទេ នៅក្នុងខេត្តកំពង់ធំនេះ បើទោះជាពិធីតាមបែបសាសនានេះធ្លាប់ត្រូវបានរៀបចំនៅក្នុងខេត្តសៀមរាប បាត់ដំបង និងបន្ទាយមានជ័យជាដើមនោះ។
អភិបាលក្រុងស្ទឹងសែន លោក ហង់ សុភីន បានរៀបរាប់បន្ថែមថា ក្រៅពីពិធីរាប់បាត្រព្រះសង្ឃ៣១៧អង្គហើយនោះ ក៏មានពិធីបាំងសង្សកូលឧទ្ទិសកុសលជូនដល់បុព្វការីជននានា ដែលបានបូជាជីវិតក្នុងការពារទឹកដីជូនជាតិមាតុភូមិហើយក៏បួងសួងសុំសេចក្តីសុខក្សេមក្សាន្តពីវីរបុរសទាំងនោះវិញដែរ។ ប្រជាពលរដ្ឋវិញ ពួកគេបានបានរៀបចំដាក់ទឹកមុខផ្ទះសឹងគ្រប់ៗគ្នាដើម្បីទទួលបានការប្រោះព្រំពីព្រះសង្ឃទាំងនោះ៕
© រក្សាសិទ្ធិដោយ thmeythmey.com
