ជាតិ
សង្គមជាតិ
CNC ពង្រីកកម្មវិធីផ្សាយជាមួយទូរទស្សន៍ល្បីរបស់កូរ៉េ MBC
× ទូរទស្សន៍ព័ត៌មាន CNC បានប្រកាសចាប់ដៃគូជាមួយទូរទស្សន៍ MBC (Munhwa Broadcasting Corporation) របស់កូរ៉េខាងត្បូង ដើម្បីពង្រីកកម្មវិធីរបស់ខ្លួនចាប់ពីថ្ងៃទី២ខែឧសភានេះទៅ។ កម្មវិធីព័ត៌មាន ខ្សែភាពយន្តភាគ កម្មវិធីកំប្លែង កីឡា តន្ត្រី និងកម្មវិធីផ្សេងៗដ៏សម្បូរបែប នឹងត្រូវបានបង្ហាញនៅកញ្ចក់ទូរទស្សន៍ CNC របស់លោកសេដ្ឋី គិត ម៉េង។ នេះបើយោងតាមសេចក្តីប្រកាសព័ត៌មានរបស់ទូរទស្សន៍ CNC។
«នេះគឺជាឱកាសនៃការផ្សព្វផ្សាយអំពីកម្ពុជានៅមុនការចាប់ផ្តើមសហគមន៍សេដ្ឋកិច្ចអាស៊ាននៅចុងឆ្នាំ២០១៥នេះ។ វាក៏នឹងផ្តល់បទពិសោធន៍ថ្មីទៀតដល់ពលរដ្ឋកម្ពុជាជាមួយនឹងកម្មវិធីទូរទស្សន៍ដ៏មានសារប្រយោជន៍ពីប្រព័ន្ធផ្សព្វផ្សាយដ៏ល្បីនៅអាស៊ី»។ នេះជាការគូសបញ្ជាក់នៅក្នុងសេចក្តីប្រកាសព័ត៌មាន ដែលបន្ថែមថា ក្រុមការងារនៃទូរទស្សន៍ MBC នឹងជួយផ្តល់ជំនួយបច្ចេកទេស ការបង្កើតកម្មវិធី រួមទាំងភាពយន្ត និងផ្នែកតន្ត្រីទៀតផង។
MBC គឺស្ថានីយទូរទស្សន៍មួយដែលនាំមុខគេនៅក្នុងសាធារណៈរដ្ឋកូរ៉េ ហើយក៏កំពុងប្រារព្ធខួបឆ្នាំទី៥០ នៃការបង្កើតទូរទស្សន៍នេះនៅក្នុងឆ្នាំ២០១៥នេះដែរ៕
© រក្សាសិទ្ធិដោយ thmeythmey.com