ជាតិ
សង្គមជាតិ
មគ្គុទ្ទេសក៍ភាសាកូរ៉េនឹងទទួលការបណ្តុះបណ្តាលភាសាបន្ថែមពីទីភ្នាក់ងារKOICA
×![]()
សៀមរាប៖ ក្រសួងទេសចរណ៍ សហការនិងទីភ្នាក់ងារសហប្រតិបត្តិការអន្តរជាតិ កូយកា (Korea International Cooperation Agency) បានរៀបចំវគ្គបណ្តុះបណ្តាលភាសា ដល់មគ្គុទ្ទេសក៍ទេសចរណ៍ភាសាកូរ៉េ ដើម្បីពង្រឹងចំណេះដឹងលើភាសាមួយនេះ។ វគ្គបណ្តុះបណ្តាលនេះ នឹងចាប់ផ្តើមពីខែឧសភាតទៅ។
យោងតាមសេចក្តីជូនដំណឹងរបស់ក្រសួងទេសចរណ៍ តាមរយៈមន្ទីរទេសចរណ៍ខេត្តសៀមរាប បានឲ្យដឹងថា វគ្គបណ្តុះបណ្តាលថ្នាក់ភាសាកូរ៉េ មានទាំងកម្រិតថ្នាក់ដំបូង និងថ្នាក់បំប៉ន ដែលបង្ហាត់ដោយអ្នកស្ម័គ្រចិត្តមកពីទីភ្នាក់ងារសហប្រតិបត្តិការអន្តរជាតិ កូយកា។ ហើយការបណ្តុះបណ្តាលនេះ គឺដោយឥតគិតថ្លៃសម្រាប់ក្រុមមគ្គុទ្ទេសក៍ភាសាកូរ៉េទាំងអស់។
ក្នុងលិខិតដែលចេញផ្សាយកាលពីថ្ងៃទី២២ ខែមេសាកន្លងទៅ បានបញ្ជាក់ថា សម្រាប់ថ្នាក់អ្នកមិនទាន់ចេះសោះ នឹងចូលរៀននៅថ្ងៃទី ១៨ ឧសភា ម៉ោងសិក្សាពីម៉ោង ៨ព្រឹក ដល់ម៉ោង ១១កន្លះ ពីថ្ងៃចន្ទ ដល់ថ្ងៃសុក្រ។ សម្រាប់ថ្នាក់បំប៉ន ចាប់ផ្តើមពីថ្ងៃទី ១១ ឧសភា ម៉ោងសិក្សាពីម៉ោង ៥កន្លះព្រឹក ដល់ម៉ោង ៧កន្លះ ពីថ្ងៃចន្ទ ដល់ថ្ងៃសុក្រ។
យ៉ាងណា ក្នុងសេចក្តីជូនដំណឹងដដែលនោះ មិនបានបញ្ជាក់ពីទីតាំងសិក្សានោះទេ ប៉ុន្តែឲ្យអ្នកដែលចាប់អារម្មណ៍ ទាក់ទងចុះឈ្មោះនៅមណ្ឌលព័ត៌មានទេសចរណ៍ ដែលមានទីតាំងនៅមុខសាលាករុកោសល្យ និងវិក្រឹតការខេត្តសៀមរាប ឫតាមរយៈទូរសព្ទ ០១២ ៦២៨ ៥២២ ឫ ០៩៧ ៧៦២៨ ៥២២៕
យោងតាមសេចក្តីជូនដំណឹងរបស់ក្រសួងទេសចរណ៍ តាមរយៈមន្ទីរទេសចរណ៍ខេត្តសៀមរាប បានឲ្យដឹងថា វគ្គបណ្តុះបណ្តាលថ្នាក់ភាសាកូរ៉េ មានទាំងកម្រិតថ្នាក់ដំបូង និងថ្នាក់បំប៉ន ដែលបង្ហាត់ដោយអ្នកស្ម័គ្រចិត្តមកពីទីភ្នាក់ងារសហប្រតិបត្តិការអន្តរជាតិ កូយកា។ ហើយការបណ្តុះបណ្តាលនេះ គឺដោយឥតគិតថ្លៃសម្រាប់ក្រុមមគ្គុទ្ទេសក៍ភាសាកូរ៉េទាំងអស់។
ក្នុងលិខិតដែលចេញផ្សាយកាលពីថ្ងៃទី២២ ខែមេសាកន្លងទៅ បានបញ្ជាក់ថា សម្រាប់ថ្នាក់អ្នកមិនទាន់ចេះសោះ នឹងចូលរៀននៅថ្ងៃទី ១៨ ឧសភា ម៉ោងសិក្សាពីម៉ោង ៨ព្រឹក ដល់ម៉ោង ១១កន្លះ ពីថ្ងៃចន្ទ ដល់ថ្ងៃសុក្រ។ សម្រាប់ថ្នាក់បំប៉ន ចាប់ផ្តើមពីថ្ងៃទី ១១ ឧសភា ម៉ោងសិក្សាពីម៉ោង ៥កន្លះព្រឹក ដល់ម៉ោង ៧កន្លះ ពីថ្ងៃចន្ទ ដល់ថ្ងៃសុក្រ។
យ៉ាងណា ក្នុងសេចក្តីជូនដំណឹងដដែលនោះ មិនបានបញ្ជាក់ពីទីតាំងសិក្សានោះទេ ប៉ុន្តែឲ្យអ្នកដែលចាប់អារម្មណ៍ ទាក់ទងចុះឈ្មោះនៅមណ្ឌលព័ត៌មានទេសចរណ៍ ដែលមានទីតាំងនៅមុខសាលាករុកោសល្យ និងវិក្រឹតការខេត្តសៀមរាប ឫតាមរយៈទូរសព្ទ ០១២ ៦២៨ ៥២២ ឫ ០៩៧ ៧៦២៨ ៥២២៕
© រក្សាសិទ្ធិដោយ thmeythmey.com
