ជាតិ
សង្គមជាតិ
×![]()
កំពង់ធំ៖ ប៉ុន្មានឆ្នាំចុងក្រោយនេះ នៅក្នុងភូមិក្រចាប់ ហាក់មានការរីកចម្រើនច្រើន ដោយសារប្រជាពលរដ្ឋនាំគ្នា បង្កើតក្រុមសន្សំប្រាក់និងបញ្ញើប្រាក់។ ការបង្កើតក្រុមសន្សំប្រាក់នេះ មានអត្ថប្រយោជន៍ជាច្រើនដូចជា បង្កភាពងាយស្រួលក្នុងការរកប្រាក់កម្ចី ចំណេញពេលវេលា មានចំណូលភាគលាភពីប្រាក់សន្សំ និងបង្ហាញពីសាមគ្គីភាពរបស់ពលរដ្ឋផងដែរ។
“បើនិយាយពីប្រាក់សន្សំយូរហើយ ប៉ុន្តែពីមុននោះ សុទ្ធតែក្រុមតូចៗមានប្រមាណជាជិត១០ក្រុមឯណោះ ប៉ុន្តែមកដល់សព្វថ្ងៃនេះ យើងបានបង្រួមក្រុមតូចៗទាំងនោះ ជាក្រុមធំវិញ។ នេះបើតាមការឱ្យដឹងរបស់មេភូមិក្រចាប់។ អ៊ំប្រុស ខេង ឃាង មានប្រសាសន៍បន្តថា ក្រុមសន្សំប្រាក់នេះអត្ថប្រយោជន៍ជាច្រើនដូចជា ទី១ គឺមានប្រាក់សម្រាប់ចែករំលែកទៅសមាជិកក្រុមក៏ដូចជាអ្នកភូមិ ដើម្បីធ្វើជាទុនរកស៊ីឬធ្វើអាជីវកម្មខ្នាតតូច។ ទី២ គឺមានអត្រាការប្រាក់ទាប បើធៀបទៅនឹងស្ថាប័នកម្ចីប្រាក់ផ្សេងៗ ។ ទី៣ ចំណេញពេលវេលា ព្រោះក្រុមសន្សំមានទីតាំងស្ថិតក្នុងភូមិតែម្តង។ ទី៤ សមាជិកក្រុមនឹងទទួលបានការប្រាក់ពីប្រាក់សន្សំរបស់គាត់។
អ៊ំប្រុសក៏បានបន្តទៀតថា គំនិតនៃការបង្កើតក្រុមសន្សំប្រាក់នេះ គឺចេញពីអង្គការសេដាក។អង្គការមួយនេះបានជួយជំរុញឱ្យបង្កើតក្រុមនេះឡើងដើម្បីបង្កភាពងាយស្រួលដល់ការបង្កបង្កើនផលកសិកម្មដូចជា ការដាំដំណាំ ការធ្វើស្រែ និងការចិញ្ចឹមជ្រូកជាដើម។ មួយវិញទៀត ដោយសារសង្កេតឃើញថា ក្រុមសន្សំប្រាក់បានកើតមានក្នុងខេត្តមួយចំនួនរួចមកហើយ ដូចជាកំពង់ចាម បាត់ដំបងជាដើម និង វាមានអត្ថប្រយោជន៍ច្រើន ទើបអ៊ំប្រុសបានបំផុសគំនិតឱ្យមានការចូលរួមពីប្រជាជនក្នុងភូមិ។ នេះក៏ចាត់ទុកជាជោគជ័យធំមួយ សម្រាប់ភូមិរបស់គាត់ផងដែរ។
“សមាជិកក្រុម អាចខ្ចីប្រាក់បានចំនួន២លានរៀលចុះត្រូវមានអ្នកធានា២នាក់ និងបើខ្ចីលើសពី២លានរៀល ត្រូវមានប្លង់ដីដាក់បញ្ចាំ។ នេះបើតាមសម្តីរបស់ប្រធានក្រុមសន្សំប្រាក់ឈ្មោះថា “ក្រុមសន្សំអភិវឌ្ឍកសិកម្មចម្រុះ។ បងស្រី ធុន សុខនិ បានបន្តថា ក្រុមសន្សំប្រាក់មួយនេះបានកើតឡើងតាំងពី២០០៥ មកម្ល៉េះ។ នេះជាគំនិតផ្តួចផ្តើមពីអង្គការសេដាក។ បើគិតមកដល់បច្ចុប្បន្ននេះ សមាជិក្រុមបានកើនឡើងចំនួន២៤០នាក់ និងមានសន្សំរហូតដល់ជា២០០លានរៀល។ ចំណែកលក្ខខណ្ឌនៃការចូលជាសមាជិក លុះត្រាតែបុគ្គលនោះគឺជាអ្នកភូមិ មានដី មានទីលំនៅក្នុងភូមិផ្ទាល់ ទើបយើងអនុញ្ញាតឱ្យជាសមាជិកក្រុមសន្សំប្រាក់នេះបាន។ ចំណែកអត្រាការប្រាក់វិញ ពីមុនយើងយក៣ភាគរយ ប៉ុន្តែឥឡូវនេះ យើងយកត្រឹមតែ២.៥ភាគរយប៉ុណ្ណោះ។
“ក្រៅពីនេះ ក្រុមសន្សំនេះយក១ភាគនៃភាគលាភមកធ្វើជាប្រាក់ទ្រទ្រង់ក្នុងភូមិដូចជា ត្រូវចាក់ដីផ្លូវ ត្រូវធ្វើសាលាបុណ្យ និងបានផ្តល់ទៅខាងកាកបាតក្រហមផងដែរ។ នេះបើតាមការឱ្យដឹងពីលោក ម៉ែន សេងវុធ ជាគណៈកម្មការនៃប្រាក់សន្សំ។ លោកក៏បន្តទៀតថា បន្ថែមលើនេះ នៅក្នុងប្រាក់ទ្រទ្រង់នេះ យើងអាចជួយដល់សមាជិកក្រុមចំនួន៥ម៉ឺនរៀលផងដែរ ក្នុងករណីមានធុរៈចាំបាច់ដូចឈឺថ្កាត់ជាដើម៕
“បើនិយាយពីប្រាក់សន្សំយូរហើយ ប៉ុន្តែពីមុននោះ សុទ្ធតែក្រុមតូចៗមានប្រមាណជាជិត១០ក្រុមឯណោះ ប៉ុន្តែមកដល់សព្វថ្ងៃនេះ យើងបានបង្រួមក្រុមតូចៗទាំងនោះ ជាក្រុមធំវិញ។ នេះបើតាមការឱ្យដឹងរបស់មេភូមិក្រចាប់។ អ៊ំប្រុស ខេង ឃាង មានប្រសាសន៍បន្តថា ក្រុមសន្សំប្រាក់នេះអត្ថប្រយោជន៍ជាច្រើនដូចជា ទី១ គឺមានប្រាក់សម្រាប់ចែករំលែកទៅសមាជិកក្រុមក៏ដូចជាអ្នកភូមិ ដើម្បីធ្វើជាទុនរកស៊ីឬធ្វើអាជីវកម្មខ្នាតតូច។ ទី២ គឺមានអត្រាការប្រាក់ទាប បើធៀបទៅនឹងស្ថាប័នកម្ចីប្រាក់ផ្សេងៗ ។ ទី៣ ចំណេញពេលវេលា ព្រោះក្រុមសន្សំមានទីតាំងស្ថិតក្នុងភូមិតែម្តង។ ទី៤ សមាជិកក្រុមនឹងទទួលបានការប្រាក់ពីប្រាក់សន្សំរបស់គាត់។
អ៊ំប្រុសក៏បានបន្តទៀតថា គំនិតនៃការបង្កើតក្រុមសន្សំប្រាក់នេះ គឺចេញពីអង្គការសេដាក។អង្គការមួយនេះបានជួយជំរុញឱ្យបង្កើតក្រុមនេះឡើងដើម្បីបង្កភាពងាយស្រួលដល់ការបង្កបង្កើនផលកសិកម្មដូចជា ការដាំដំណាំ ការធ្វើស្រែ និងការចិញ្ចឹមជ្រូកជាដើម។ មួយវិញទៀត ដោយសារសង្កេតឃើញថា ក្រុមសន្សំប្រាក់បានកើតមានក្នុងខេត្តមួយចំនួនរួចមកហើយ ដូចជាកំពង់ចាម បាត់ដំបងជាដើម និង វាមានអត្ថប្រយោជន៍ច្រើន ទើបអ៊ំប្រុសបានបំផុសគំនិតឱ្យមានការចូលរួមពីប្រជាជនក្នុងភូមិ។ នេះក៏ចាត់ទុកជាជោគជ័យធំមួយ សម្រាប់ភូមិរបស់គាត់ផងដែរ។
“សមាជិកក្រុម អាចខ្ចីប្រាក់បានចំនួន២លានរៀលចុះត្រូវមានអ្នកធានា២នាក់ និងបើខ្ចីលើសពី២លានរៀល ត្រូវមានប្លង់ដីដាក់បញ្ចាំ។ នេះបើតាមសម្តីរបស់ប្រធានក្រុមសន្សំប្រាក់ឈ្មោះថា “ក្រុមសន្សំអភិវឌ្ឍកសិកម្មចម្រុះ។ បងស្រី ធុន សុខនិ បានបន្តថា ក្រុមសន្សំប្រាក់មួយនេះបានកើតឡើងតាំងពី២០០៥ មកម្ល៉េះ។ នេះជាគំនិតផ្តួចផ្តើមពីអង្គការសេដាក។ បើគិតមកដល់បច្ចុប្បន្ននេះ សមាជិក្រុមបានកើនឡើងចំនួន២៤០នាក់ និងមានសន្សំរហូតដល់ជា២០០លានរៀល។ ចំណែកលក្ខខណ្ឌនៃការចូលជាសមាជិក លុះត្រាតែបុគ្គលនោះគឺជាអ្នកភូមិ មានដី មានទីលំនៅក្នុងភូមិផ្ទាល់ ទើបយើងអនុញ្ញាតឱ្យជាសមាជិកក្រុមសន្សំប្រាក់នេះបាន។ ចំណែកអត្រាការប្រាក់វិញ ពីមុនយើងយក៣ភាគរយ ប៉ុន្តែឥឡូវនេះ យើងយកត្រឹមតែ២.៥ភាគរយប៉ុណ្ណោះ។
“ក្រៅពីនេះ ក្រុមសន្សំនេះយក១ភាគនៃភាគលាភមកធ្វើជាប្រាក់ទ្រទ្រង់ក្នុងភូមិដូចជា ត្រូវចាក់ដីផ្លូវ ត្រូវធ្វើសាលាបុណ្យ និងបានផ្តល់ទៅខាងកាកបាតក្រហមផងដែរ។ នេះបើតាមការឱ្យដឹងពីលោក ម៉ែន សេងវុធ ជាគណៈកម្មការនៃប្រាក់សន្សំ។ លោកក៏បន្តទៀតថា បន្ថែមលើនេះ នៅក្នុងប្រាក់ទ្រទ្រង់នេះ យើងអាចជួយដល់សមាជិកក្រុមចំនួន៥ម៉ឺនរៀលផងដែរ ក្នុងករណីមានធុរៈចាំបាច់ដូចឈឺថ្កាត់ជាដើម៕
© រក្សាសិទ្ធិដោយ thmeythmey.com
