ជាតិ
សង្គមជាតិ
រដ្ឋមន្ត្រីបរិស្ថានបំភ្លឺការដោះស្រាយជម្លោះដីធ្លីនៅកោះកុងក្នុងគណៈកម្មការទី១រដ្ឋសភានៅថ្ងៃ៥ឧសភា
លោក សាយ សំអាល់ រដ្ឋមន្ត្រីក្រសួងបរិស្ថាន
×![]()
ភ្នំពេញ៖ លោក សាយ សំអាល់ រដ្ឋមន្ត្រីក្រសួងបរិស្ថាននឹងចូលទៅបំភ្លឺករណីដោះស្រាយទំនាស់ដីធ្លីនៅក្នុងខេត្តកោះកុងរវាងពលរដ្ឋ និងក្រុមហ៊ុនចិន Union development Group នៅចំពោះមុខគណៈកម្មការសិទ្ធិមនុស្សនៃរដ្ឋសភានៅរសៀលម៉ោង២ថ្ងៃទី៥ឧសភា។
ការបំភ្លឺត្រូវធ្វើឡើងតាមការកោះអញ្ជើញរបស់ប្រធានគណៈកម្មការទីមួយនៃរដ្ឋសភានេះ គឺលោក អេង ឆៃអ៊ាង។ លោក អេង ឆៃអ៊ាង បានប្រាប់សារព័ត៌មានថ្មីៗនៅព្រឹកថ្ងៃទី៤ឧសភា លោកចង់ដឹងអំពីការវិវត្តនៃការដោះស្រាយទំនាស់ដីធ្លីក្នុងករណីនេះ ខណៈលោកសង្កេតឃើញថា វាហាក់មានភាពស្ងាត់ស្ងៀម។
ប្រធានគណៈកម្មការសិទ្ធិមនុស្ស ដែលមកពីគណបក្សសង្គ្រោះជាតិបានថ្លែងយ៉ាងដូច្នេះថា៖«ខ្ញុំធ្លាប់បានជួបពិភាក្សាជាមួយលោកអភិបាលខេត្ត និងលោករដ្ឋមន្ត្រីរួចហើយ លើករណីនេះ ប៉ុន្តែហាក់ដូចជាគ្មានអ្វីទៅមុខ។ ផ្ទុយទៅវិញ ខ្ញុំមានតែទទួលព័ត៌មានដែលថា ក្រុមហ៊ុននៅតែបន្តឈូសឆាយដីប្រជាជន បើទោះជាមានអនុក្រឹតរបស់រដ្ឋាភិបាលបញ្ជាឲ្យផ្អាកការឈូសឆាយក៏ដោយ»។
ក្រុមហ៊ុន Union Development Group បានទទួលសិទ្ធិវិនិយោគពីរដ្ឋាភិបាលលើផ្ទៃដីជាង៤ម៉ឺនហិចតា ដែលលោក អេង ឆៃអ៊ាង អះអាងវាបានចូលក្នុងផ្ទៃដីនៃឧទ្យានជាតិបុទុមសាគរទៀតផង។ ហើយថា បើតាមអ្នកតំណាងរាស្ត្រដដែល រហូតដល់ពេលនេះ ក្រុមហ៊ុនបានកសាងផ្លូវមួយ សណ្ឋាគារ និងកន្លែងលេង Golf ។
«មានសៀវភៅបន្ទុករបស់រដ្ឋាភិបាលដែលក្រុមហ៊ុនចិននេះត្រូវអនុវត្តតាម។ ប៉ុន្តែក្រុមហ៊ុនមិនបានធ្វើ ហើយការដោះស្រាយក៏គ្មានភាពយុត្តិធម៌ដែរ។ ប្រជាជនជាង៣០០គ្រួសារដែលមិនព្រមទទួលសំណង និងចង់ឲ្យក្រុមហ៊ុនឆ្វៀលដីឲ្យពួកគេ ក៏ក្រុមហ៊ុនមិនបានធ្វើ»។ នេះជាការបញ្ជាក់របស់លោក អេង ឆៃអ៊ាង ដោយបន្ថែមថា លោកបានទទួលព័ត៌មាននានាដែលថា មានភាពអយុត្តិធម៌ខ្លាំងនៅក្នុងការដោះស្រាយសំណងដល់ពលរដ្ឋម្ចាស់ដីដែលព្រមទទួលសំណង។ លោក អេង ឆៃអ៊ាង អះអាងថា៖«ម្ចាស់ដីខ្លះជាមន្ត្រីរាជការ ដែលទទួលបានសំណងពេញលេញ តែម្ចាស់ដីខ្លះទៀតមិនបានសំណងឡើយ។ ទាំងអស់នេះគឺជាសំណួរដែលគណៈកម្មការទីមួយនៃរដ្ឋសភានឹងចោទសួរទៅរដ្ឋមន្ត្រីក្រសួងបរិស្ថាន លោក សាយ សំអាល់៕
ការបំភ្លឺត្រូវធ្វើឡើងតាមការកោះអញ្ជើញរបស់ប្រធានគណៈកម្មការទីមួយនៃរដ្ឋសភានេះ គឺលោក អេង ឆៃអ៊ាង។ លោក អេង ឆៃអ៊ាង បានប្រាប់សារព័ត៌មានថ្មីៗនៅព្រឹកថ្ងៃទី៤ឧសភា លោកចង់ដឹងអំពីការវិវត្តនៃការដោះស្រាយទំនាស់ដីធ្លីក្នុងករណីនេះ ខណៈលោកសង្កេតឃើញថា វាហាក់មានភាពស្ងាត់ស្ងៀម។
ប្រធានគណៈកម្មការសិទ្ធិមនុស្ស ដែលមកពីគណបក្សសង្គ្រោះជាតិបានថ្លែងយ៉ាងដូច្នេះថា៖«ខ្ញុំធ្លាប់បានជួបពិភាក្សាជាមួយលោកអភិបាលខេត្ត និងលោករដ្ឋមន្ត្រីរួចហើយ លើករណីនេះ ប៉ុន្តែហាក់ដូចជាគ្មានអ្វីទៅមុខ។ ផ្ទុយទៅវិញ ខ្ញុំមានតែទទួលព័ត៌មានដែលថា ក្រុមហ៊ុននៅតែបន្តឈូសឆាយដីប្រជាជន បើទោះជាមានអនុក្រឹតរបស់រដ្ឋាភិបាលបញ្ជាឲ្យផ្អាកការឈូសឆាយក៏ដោយ»។
ក្រុមហ៊ុន Union Development Group បានទទួលសិទ្ធិវិនិយោគពីរដ្ឋាភិបាលលើផ្ទៃដីជាង៤ម៉ឺនហិចតា ដែលលោក អេង ឆៃអ៊ាង អះអាងវាបានចូលក្នុងផ្ទៃដីនៃឧទ្យានជាតិបុទុមសាគរទៀតផង។ ហើយថា បើតាមអ្នកតំណាងរាស្ត្រដដែល រហូតដល់ពេលនេះ ក្រុមហ៊ុនបានកសាងផ្លូវមួយ សណ្ឋាគារ និងកន្លែងលេង Golf ។
«មានសៀវភៅបន្ទុករបស់រដ្ឋាភិបាលដែលក្រុមហ៊ុនចិននេះត្រូវអនុវត្តតាម។ ប៉ុន្តែក្រុមហ៊ុនមិនបានធ្វើ ហើយការដោះស្រាយក៏គ្មានភាពយុត្តិធម៌ដែរ។ ប្រជាជនជាង៣០០គ្រួសារដែលមិនព្រមទទួលសំណង និងចង់ឲ្យក្រុមហ៊ុនឆ្វៀលដីឲ្យពួកគេ ក៏ក្រុមហ៊ុនមិនបានធ្វើ»។ នេះជាការបញ្ជាក់របស់លោក អេង ឆៃអ៊ាង ដោយបន្ថែមថា លោកបានទទួលព័ត៌មាននានាដែលថា មានភាពអយុត្តិធម៌ខ្លាំងនៅក្នុងការដោះស្រាយសំណងដល់ពលរដ្ឋម្ចាស់ដីដែលព្រមទទួលសំណង។ លោក អេង ឆៃអ៊ាង អះអាងថា៖«ម្ចាស់ដីខ្លះជាមន្ត្រីរាជការ ដែលទទួលបានសំណងពេញលេញ តែម្ចាស់ដីខ្លះទៀតមិនបានសំណងឡើយ។ ទាំងអស់នេះគឺជាសំណួរដែលគណៈកម្មការទីមួយនៃរដ្ឋសភានឹងចោទសួរទៅរដ្ឋមន្ត្រីក្រសួងបរិស្ថាន លោក សាយ សំអាល់៕
© រក្សាសិទ្ធិដោយ thmeythmey.com
