កីឡាជាតិ
×![]()
នៅសល់ប្រហែលមួយខែទៀតប៉ុណ្ណោះ ព្រឹត្តិការណ៍កីឡាស៊ីហ្គេមលើកទី២៨ ឆ្នាំ ២០១៥ នៅប្រទេសសិង្ហបុរីនឹងចាប់ផ្ដើមបើកការប្រកួតជាផ្លូវការហើយ ខណៈកម្ពុជាត្រៀមបញ្ជូនអត្តពលិករបស់ខ្លួនចំនួន ១៧៦ នាក់លើប្រភេទ ២២ កីឡាទៅដណ្ដើមមេដាយ។
បើបូកសរុបទាំង កីឡាករ គ្រូបង្វឹក និង ប្រតិភូ ភាគីកម្ពុជាមានចំនួនសរុប ២២៩ នាក់ ដោយក្នុងនោះមាន កីឡាតេក្វាន់ដូ ១៣ នាក់, ប៉េតង់ ២១ នាក់, សីឈិនឡូន និង សីប៉ាក់តាក្រ ១៩ នាក់, ទូកកាណូនិងទូកប្រពៃណី ១៧ នាក់, វ៉ូសូ ៧ នាក់, យូដូ ៨ នាក់, បាល់ទះលើក្ដា ១៥ នាក់, បាល់ទាត់បុរស ២៥ នាក់, អត្តពលកម្ម ៧ នាក់, កាយសម្ព័ន្ធ ២ នាក់, ហែលទឹក ៩ នាក់, ទ្រីយ៉ាត្លុង ៣ នាក់, បាល់បោះ ១៥ នាក់, វាយកូនឃ្លីលើតុ ៧ នាក់, វាយសី ៨ នាក់, ទោចក្រយាន្ត ៨ នាក់, គុនដាវ ៦ នាក់, ប្រណាំងសេះ ៦ នាក់, វាយកូនគោល ៥ នាក់ និង បាល់អោប ១២ នាក់។
ក្រសួងអប់រំយុវជននិងកីឡា បានប្រមូលផ្ដុំកីឡាចំនួន ២២ ប្រភេទ ចាប់តាំងពីថ្ងៃទី ៦ មករា រហូតដល់ ៥ មិថុនា ឆ្នាំ ២០១៥ ដោយមានកីឡាករកីឡាការិនីសរុបចំនួន ៣៩២ នាក់ មុនសម្រេចយកជាផ្លូវការ ក្នុងការត្រៀមចេញស៊ីហ្គេមឆ្នាំនេះ។
ស៊ីហ្គេមឆ្នាំ ២០១៥ នេះបានសម្រេចដាក់កីឡាចំនួន ៣៦ ប្រភេទ ក្នុងនោះ ៤០២ វិញ្ញាសា (ស្មើនឹង ៤០២ មេដាយមាស) ឱ្យអត្តពលិកមកពីប្រទេសចំនួន ១១ ក្នុងតំបន់អាស៊ីភាគអាគ្នេយ៍ធ្វើការប្រកួតប្រជែងគ្នាចាប់ពីថ្ងៃទី ៥ ដល់ ១៦ ខែ មិថុនា ឆ្នាំ ២០១៥។
កីឡាស៊ីហ្គេម គឺជាព្រឹត្តិការណ៍ប្រកួតកីឡាដ៏ធំប្រចាំតំបន់អាស៊ីភាគអាគ្នេយ៍ ដោយបង្កើតឡើងរាល់ ២ ឆ្នាំម្ដង ហើយប្រទេសជាសមាជិកនីមួយៗមានសិទ្ធិទទួលធ្វើជាម្ចាស់ផ្ទះ។ ប្រទេសចំនួន ១១ ក្នុងតំបន់បូកទាំងទីម័រខាងកើត តែងតែបញ្ជូនអត្តពលិករបស់ខ្លួនចូលដណ្ដើមមេដាយ។
កាលពីស៊ីហ្គេមឆ្នាំ ២០១៣ នៅទីក្រុង Naypyidaw ប្រទេសមីយ៉ាន់ម៉ា ភាគីកម្ពុជាបានបញ្ជូនកីឡាករ គ្រូបង្វឹក និង ប្រតិភូ សរុបចំនួន ២៦៧ នាក់ លើកវិញ្ញាសាកីឡាចំនួន ២១ ប្រភេទខុសៗ គ្នា ហើយដណ្ដើមបានមេដាយចំនួន ៤៧ គ្រឿងក្នុងនោះមាស ៨ ប្រាក់ ១១ និង សំរឹទ្ធិ ២៨ គ្រឿង៕
បើបូកសរុបទាំង កីឡាករ គ្រូបង្វឹក និង ប្រតិភូ ភាគីកម្ពុជាមានចំនួនសរុប ២២៩ នាក់ ដោយក្នុងនោះមាន កីឡាតេក្វាន់ដូ ១៣ នាក់, ប៉េតង់ ២១ នាក់, សីឈិនឡូន និង សីប៉ាក់តាក្រ ១៩ នាក់, ទូកកាណូនិងទូកប្រពៃណី ១៧ នាក់, វ៉ូសូ ៧ នាក់, យូដូ ៨ នាក់, បាល់ទះលើក្ដា ១៥ នាក់, បាល់ទាត់បុរស ២៥ នាក់, អត្តពលកម្ម ៧ នាក់, កាយសម្ព័ន្ធ ២ នាក់, ហែលទឹក ៩ នាក់, ទ្រីយ៉ាត្លុង ៣ នាក់, បាល់បោះ ១៥ នាក់, វាយកូនឃ្លីលើតុ ៧ នាក់, វាយសី ៨ នាក់, ទោចក្រយាន្ត ៨ នាក់, គុនដាវ ៦ នាក់, ប្រណាំងសេះ ៦ នាក់, វាយកូនគោល ៥ នាក់ និង បាល់អោប ១២ នាក់។
ក្រសួងអប់រំយុវជននិងកីឡា បានប្រមូលផ្ដុំកីឡាចំនួន ២២ ប្រភេទ ចាប់តាំងពីថ្ងៃទី ៦ មករា រហូតដល់ ៥ មិថុនា ឆ្នាំ ២០១៥ ដោយមានកីឡាករកីឡាការិនីសរុបចំនួន ៣៩២ នាក់ មុនសម្រេចយកជាផ្លូវការ ក្នុងការត្រៀមចេញស៊ីហ្គេមឆ្នាំនេះ។
ស៊ីហ្គេមឆ្នាំ ២០១៥ នេះបានសម្រេចដាក់កីឡាចំនួន ៣៦ ប្រភេទ ក្នុងនោះ ៤០២ វិញ្ញាសា (ស្មើនឹង ៤០២ មេដាយមាស) ឱ្យអត្តពលិកមកពីប្រទេសចំនួន ១១ ក្នុងតំបន់អាស៊ីភាគអាគ្នេយ៍ធ្វើការប្រកួតប្រជែងគ្នាចាប់ពីថ្ងៃទី ៥ ដល់ ១៦ ខែ មិថុនា ឆ្នាំ ២០១៥។
កីឡាស៊ីហ្គេម គឺជាព្រឹត្តិការណ៍ប្រកួតកីឡាដ៏ធំប្រចាំតំបន់អាស៊ីភាគអាគ្នេយ៍ ដោយបង្កើតឡើងរាល់ ២ ឆ្នាំម្ដង ហើយប្រទេសជាសមាជិកនីមួយៗមានសិទ្ធិទទួលធ្វើជាម្ចាស់ផ្ទះ។ ប្រទេសចំនួន ១១ ក្នុងតំបន់បូកទាំងទីម័រខាងកើត តែងតែបញ្ជូនអត្តពលិករបស់ខ្លួនចូលដណ្ដើមមេដាយ។
កាលពីស៊ីហ្គេមឆ្នាំ ២០១៣ នៅទីក្រុង Naypyidaw ប្រទេសមីយ៉ាន់ម៉ា ភាគីកម្ពុជាបានបញ្ជូនកីឡាករ គ្រូបង្វឹក និង ប្រតិភូ សរុបចំនួន ២៦៧ នាក់ លើកវិញ្ញាសាកីឡាចំនួន ២១ ប្រភេទខុសៗ គ្នា ហើយដណ្ដើមបានមេដាយចំនួន ៤៧ គ្រឿងក្នុងនោះមាស ៨ ប្រាក់ ១១ និង សំរឹទ្ធិ ២៨ គ្រឿង៕
© រក្សាសិទ្ធិដោយ thmeythmey.com
