ពីនេះ ពីនោះ
×![]()
ដោយ: ថ្មីៗ
១. មានគំនិតច្នៃប្រឌិត៖ ជាមេដឹកនាំដែលគិតបែបវិជ្ជាមាន និងមានគំនិតថ្មីៗ ហើយយកគំនិតច្នៃប្រឌិតទាំងនោះទៅអនុវត្តន៍ឲ្យទទួលបានជោគជ័យ។
២. ការផ្តួចផ្តើគំនិត៖ ជាមេដឹកនាំដែលលើកពីគោលគំនិតធំៗ ដើម្បីឲ្យសមាជិក្រុមជជែកពិភាក្សា និងវិភាគឲ្យបានលម្អិតល្អន់និងស៊ីជម្រៅ រួចយកមករៀបចំជាផែនការយុទ្ធសាស្ត្រ ដើម្បីអនុវត្តន៍ឲ្យចេញជាលទ្ធិផល។
៣. ពង្រឹងសម្ថភាពក្រុម៖ ជាមេដឹកនាំដែលផ្តល់វគ្គបណ្តុះបណ្តាល ផ្តល់ចំណេះដឹងថ្មីៗ និងពង្រឹងស្មារតីដល់សមាជិកក្រុម។
៤. ការលើកទឹកចិត្ត៖ ជាមេដឹកនាំដែលចូលចិត្តលើកទឹកចិត្តតាមរយៈការសរសើរ ការយកចិត្តទុកដាក់ សួរសុខទុក្ខ និងឲ្យតម្លៃលើសមាជិកក្រុម។
៥. បង្កើនភាពស្និតស្នាល៖ ជាមេដឹកនាំដែលមិនប្រកាន់ឋាន តួនាទីរវាងមេ និងកូនចៅឡើយ។ ផ្ទុយមកវិញ ជាមេដឹកនាំដែលដាក់ខ្លួនស្មើរនឹងកូនចៅ យកចិត្តទុកដាក់ និងមានទំនាក់ទំនងល្អជាមួយកូនចៅ។
៦. ជឿជាក់លើខ្លួនឯង និងក្រុម៖ ជាមេដឹកនាំដែលមានទំនុកចិត្តលើខ្លួនឯងចំពោះការបំពេញការ និងទុកចិត្តលើសមត្ថភាពរបស់សមាជិកក្រុម។
៧. ការទទួលខុសត្រូវ៖ ជាមេដឹកនាំដែលមានទំនួលខុសត្រូវខ្ពស់ក្នុងការបំពេញការងារ និងការសម្រេចចិត្ត។ មិនមែនមានបញ្ហាទំលាក់កំហុសដាក់កូនចៅ ឬរត់គេចពីបញ្ហាទេ ហើយក៏មិនយកលេសថា មកពីហេតុនេះ ឬហេតុផលនោះដែរ។
៨. មានភាពស្មោះត្រង់៖ ជាមេដឹកនាំដែលគោរពតាមគោលការណ៍ តាមច្បាប់របស់ស្ថាប័ន មិនពុករលួយ និងមិនប្រកាន់បក្សពួកនិយមឡើយ។
៩. ធ្វើការសកម្មជាងអ្នកដទៃ៖ ជាមេដឹកនាំដែលចេញមុខធ្វើសកម្មភាពមុនគេ បើទោះជាការងារនោះលំបាកយ៉ាងណាក្តី មានហានីភ័យយ៉ាងណាក្តី ក៏នៅតែចេញមុខធ្វើការងារនោះមុនគេរហូត។
១០. ការវិនិច្ឆ័យ៖ ជាមេដឹកនាំដែលមានការវិនិច្ឆ័យទៅតាមគោលការណ៍ តាមលក្ខខណ្ឌរបស់ស្ថាប័ន និងយោងទៅតាមហេតុផល និងភ័ស្តុតាងច្បាស់លាស់៕
© រក្សាសិទ្ធិដោយ thmeythmey.com
