កីឡាជាតិ
ជាតិ
លោក ឆាំង ពិសិដ្ឋ៖ សំណូមពរអ្នកគាំទ្រគួររិះគន់ក្នុងន័យស្ថាបនាជាជាងមើលបំណាំ
លោក ឆាំង ពិសិដ្ឋ អង្គុយក្បែរលោកគ្រូបង្វឹក Lee Tae Hoon នាព្រឹត្តិការណ៍ AFF Suzuki Cup កន្លងមក
×![]()
លោក ឆាំង ពិសិដ្ឋ អ្នកចាត់ការទូទៅក្រុមជម្រើសជាតិកម្ពុជា បានសរសេរនៅលើគណនីហ្វេសប៊ុករបស់ខ្លួន ដោយស្នើសុំឱ្យអ្នកនិយមកីឡាបាល់ទាត់ជាតិទាំងអស់មេត្តារិះគន់ក្នុងន័យស្ថាបនា ជាជាងរិះគន់ក្នុងន័យមើលបំណាំ។
ក្នុងអត្ថន័យទាំងស្រុងលោកបានសរសេរថា៖ «ជូនអ្នកគាំទ្រ និង ស្រឡាញ់បាល់ទាត់ជាតិទាំងអស់ជាទីរាប់អាន ! តាំងនាមឱ្យ សហព័ន្ធកីឡាបាល់ទាត់កម្ពុជា (ស.ប.ក) និង ក្រុមជម្រើសជាតិយុវជនកម្ពុជា ត្រៀមចូលរួមប្រកួតកីឡាអាស៊ីអាគ្នេយ៍លើកទី២៨ នៅសិង្ហបុរីឆ្នាំ២០១៥ ខ្ញុំសូមអំពាវនាវដល់អ្នកទាំងអស់គ្នា មេត្តាជួយលើកទឹកចិត្តដល់សមាជិកក្រុមកីឡាបាល់ទាត់ជាតិយើងផង»។
«យើងទាំងអស់គ្នាបានខិតខំធ្វើការហាត់ហ្វឹកហ្វឺនស្ទើរតែគ្មានពេលសម្រាកនៅជួបជុំក្រុមគ្រួសារ ទាំងបេសកកម្មក្នុង និង ក្រៅប្រទេស។ ការប្រកួតផ្លូវការជិតឈានចូលមកដល់ហើយ ហើយការជំរុញ និងលើកទឹកចិត្តគឺជាកត្តាសំខាន់ណាស់សម្រាប់ពួកយើងខ្ញុំ។ ដូច្នេះសូមបងប្អូនទាំងអស់មេត្តាផ្ដល់ជាកម្លាំងចិត្ត (ស្ថាបនា) ជាជាងការមើលបំណាំ (រិះគន់)។ យើងខ្ញុំដឹងហើយថា បងប្អូនរិះគន់ដើម្បីស្ថាបនា(មានន័យដោយងាយថាបងប្អូនបញ្ចេញមតិតាមអ្វីដែលចង់ហើយនោះ សូមមេត្តាលើកទឹកចិត្តវិញផង)»។ លោក ពិសិដ្ឋ បន្ថែម។
ប្រភពខាងលើសង្កត់ធ្ងន់ថា៖ «យើងខ្ញុំដឹងថាបងប្អូនស្រឡាញ់បាល់ទាត់ជាតិណាស់ហើយយើងខ្ញុំ ក៏មិនខុសពីបងប្អូនឡើយ។ បងប្អូនគឺយើងខ្ញុំហើយយើងខ្ញុំក៏ជាបងប្អូនដែរ។ដូច្នេះសូមបងប្អូននៅជាមួយយើងខ្ញុំទាំងយើងខ្ញុំទទួលជ័យជំនះក៏ដូចជាបរាជ័យ ដើម្បីអភិវឌ្ឍបាល់ទាត់ជាតិយើងទាំងអស់គ្នា»។
ក្រុម U-23 កម្ពុជាបានត្រឡប់មកប្រកួតមិត្តភាពអន្តរជាតិកម្ដៅសាច់ដុំជាមួយម្ចាស់ផ្ទះម៉ាឡេស៊ី ចំនួន ២ ប្រកួតកាលពីថ្ងៃទី ២ ខែ ឧសភា ខណៈប្រកួតបន្ទាប់ត្រូវធ្វើដំណើរទៅប្រទេសវៀតណាម ដើម្បីជួបក្រុម U-23 កូរ៉េខាងត្បូង នៅទីក្រុងហូជីមិញថ្ងៃទី ១៣ ខែ ឧសភា ឆ្នាំ ២០១៥ និងប្រកួតទី២ ត្រូវជួបឈុត U-23 របស់ក្រុមខេត្ត Đồng Tâm Long An នៅថ្ងៃទី ១៥ ខែ ឧសភា។
ងាកទៅកីឡាស៊ីហ្គេមវិញ ក្រុម U-23 កម្ពុជា ស្ថិតក្នុងពូល A ជាមួយម្ចាស់ផ្ទះសិង្ហបុរី, មីយ៉ាន់ម៉ា, ហ្វីលីពីន និង ឥណ្ឌូណេស៊ី ហើយពូល B មាន ថៃ, ម៉ាឡេស៊ី, វៀតណាម, ឡាវ,ប្រ៊ុយណេ និង ទីម័រខាងកើត។ ប្រកួតបើកឆាកកម្ពុជា ជួប ហ្វីលីពីន នៅថ្ងៃទី ៣ ខែមិថុនា ឆ្នាំ ២០១៥ វេលាម៉ោង ៨:៣០ នាទីយប់ (ម៉ោង ៧:៣០នាទី នៅកម្ពុជា) នៅកីឡដ្ឋានJalan Besar Stadium៕
ក្នុងអត្ថន័យទាំងស្រុងលោកបានសរសេរថា៖ «ជូនអ្នកគាំទ្រ និង ស្រឡាញ់បាល់ទាត់ជាតិទាំងអស់ជាទីរាប់អាន ! តាំងនាមឱ្យ សហព័ន្ធកីឡាបាល់ទាត់កម្ពុជា (ស.ប.ក) និង ក្រុមជម្រើសជាតិយុវជនកម្ពុជា ត្រៀមចូលរួមប្រកួតកីឡាអាស៊ីអាគ្នេយ៍លើកទី២៨ នៅសិង្ហបុរីឆ្នាំ២០១៥ ខ្ញុំសូមអំពាវនាវដល់អ្នកទាំងអស់គ្នា មេត្តាជួយលើកទឹកចិត្តដល់សមាជិកក្រុមកីឡាបាល់ទាត់ជាតិយើងផង»។
«យើងទាំងអស់គ្នាបានខិតខំធ្វើការហាត់ហ្វឹកហ្វឺនស្ទើរតែគ្មានពេលសម្រាកនៅជួបជុំក្រុមគ្រួសារ ទាំងបេសកកម្មក្នុង និង ក្រៅប្រទេស។ ការប្រកួតផ្លូវការជិតឈានចូលមកដល់ហើយ ហើយការជំរុញ និងលើកទឹកចិត្តគឺជាកត្តាសំខាន់ណាស់សម្រាប់ពួកយើងខ្ញុំ។ ដូច្នេះសូមបងប្អូនទាំងអស់មេត្តាផ្ដល់ជាកម្លាំងចិត្ត (ស្ថាបនា) ជាជាងការមើលបំណាំ (រិះគន់)។ យើងខ្ញុំដឹងហើយថា បងប្អូនរិះគន់ដើម្បីស្ថាបនា(មានន័យដោយងាយថាបងប្អូនបញ្ចេញមតិតាមអ្វីដែលចង់ហើយនោះ សូមមេត្តាលើកទឹកចិត្តវិញផង)»។ លោក ពិសិដ្ឋ បន្ថែម។
ប្រភពខាងលើសង្កត់ធ្ងន់ថា៖ «យើងខ្ញុំដឹងថាបងប្អូនស្រឡាញ់បាល់ទាត់ជាតិណាស់ហើយយើងខ្ញុំ ក៏មិនខុសពីបងប្អូនឡើយ។ បងប្អូនគឺយើងខ្ញុំហើយយើងខ្ញុំក៏ជាបងប្អូនដែរ។ដូច្នេះសូមបងប្អូននៅជាមួយយើងខ្ញុំទាំងយើងខ្ញុំទទួលជ័យជំនះក៏ដូចជាបរាជ័យ ដើម្បីអភិវឌ្ឍបាល់ទាត់ជាតិយើងទាំងអស់គ្នា»។
ក្រុម U-23 កម្ពុជាបានត្រឡប់មកប្រកួតមិត្តភាពអន្តរជាតិកម្ដៅសាច់ដុំជាមួយម្ចាស់ផ្ទះម៉ាឡេស៊ី ចំនួន ២ ប្រកួតកាលពីថ្ងៃទី ២ ខែ ឧសភា ខណៈប្រកួតបន្ទាប់ត្រូវធ្វើដំណើរទៅប្រទេសវៀតណាម ដើម្បីជួបក្រុម U-23 កូរ៉េខាងត្បូង នៅទីក្រុងហូជីមិញថ្ងៃទី ១៣ ខែ ឧសភា ឆ្នាំ ២០១៥ និងប្រកួតទី២ ត្រូវជួបឈុត U-23 របស់ក្រុមខេត្ត Đồng Tâm Long An នៅថ្ងៃទី ១៥ ខែ ឧសភា។
ងាកទៅកីឡាស៊ីហ្គេមវិញ ក្រុម U-23 កម្ពុជា ស្ថិតក្នុងពូល A ជាមួយម្ចាស់ផ្ទះសិង្ហបុរី, មីយ៉ាន់ម៉ា, ហ្វីលីពីន និង ឥណ្ឌូណេស៊ី ហើយពូល B មាន ថៃ, ម៉ាឡេស៊ី, វៀតណាម, ឡាវ,ប្រ៊ុយណេ និង ទីម័រខាងកើត។ ប្រកួតបើកឆាកកម្ពុជា ជួប ហ្វីលីពីន នៅថ្ងៃទី ៣ ខែមិថុនា ឆ្នាំ ២០១៥ វេលាម៉ោង ៨:៣០ នាទីយប់ (ម៉ោង ៧:៣០នាទី នៅកម្ពុជា) នៅកីឡដ្ឋានJalan Besar Stadium៕
© រក្សាសិទ្ធិដោយ thmeythmey.com
