កីឡាជាតិ
ជាតិ
ប្រធានក្រុម U-23 ចង់បានការយកចិត្តទុកដាក់ខ្ពស់ពី FFC និងការលើកទឹកពីអ្នកគាំទ្រ
×![]()
ដោយ: រួបរួម
តាមរយៈលិខិតចំហរមួយនៅលើគណនីហ្វេសប៊ុករបស់ខ្លួននាថ្ងៃទី៧ ខែឧសភា កីឡាករ ប្រាក់ មុន្នីឧត្តម ប្រធានក្រុមកីឡាបាល់ទាត់ជម្រើសជាតិយុវជនក្រោមអាយុ២៣ឆ្នាំ បានបង្ហាញអារម្មណ៍ និងសំណូមពរមួយចំនួនដល់សហព័ន្ធកីឡាបាល់ទាត់កម្ពុជា (FFC) និងក្រុមអ្នកគាំទ្រ។
ក្រោមការដឹកនាំរបស់គ្រូបង្វឹកកូរ៉េខាងត្បូង លោក Lee Tae Hoon ក្រុម U-23 កម្ពុជាកំពុងត្រៀមខ្លួនចូលរួមប្រកួតកីឡាស៊ីហ្គេមលើកទី២៨ នៅប្រទេសសិង្ហបុរី ចាប់ពីថ្ងៃទី៣១ ខែឧសភា ខាងមុខ។ ក្នុងនាមជាប្រធានក្រុម កីឡាករប្រាក់ មុន្នីឧត្តម ដែលទើបឈានចូលវ័យ២១ឆ្នាំ បានស្នើដល់សហព័ន្ធកីឡាបាល់ទាត់កម្ពុជា (FFC) ឲ្យជួយផ្គត់ផ្គង់ឲ្យបានពេញលេញទាំងប្រាក់ឧបត្ថម្ភ អាហារបំប៉ន សម្ភារៈ និងការលើកទឹកចិត្តផ្សេងៗ មិនថាជាការប្រកួតសាកល្បងបច្ចេកទេស ឬការប្រកួតកផ្លូវការនោះឡើយ។
ស្របពេលជាមួយគ្នា ប្រាក់ មុន្នីឧត្តមដែលទទួលបានស្បែកមាស ខណៈក្លិបស្វាយរៀងរបស់គេឈ្នះពានរង្វាន់សម្តេច ហ៊ុន សែន ឆ្នាំ២០១៥ បានសំណូមពរដល់ក្រុមអ្នកគាំទ្រមួយចំនួនឲ្យបង្វែរពីការតិះទៀន បន្តុះបង្អាប់ មកជាការលើកទឹកចិត្តគាំទ្រវិញ។
យុវជនដែលកើតចេញពីគ្រួសារកីឡារូបនេះ បានសរសេរថា៖ «ការប្រកួតមិត្តភាពដកស្រង់បច្ចេកទេសប៉ុន្មានប្រកួតមកនេះពួកយើងបានខិតខំខ្លាំងណាស់ បើទោះជាពួកយើងបានលេងទៅហើយមិនបានការសរសើរ លើកទឹកចិត្តប៉ុណ្ណោះទេ តែបែរជាចោទពួកយើងខ្ញុំថាមានគំនិតមិនល្អក្នុងការប្រកួតជាដើម»។
ឧត្តម បានអះអាងថា ការលេងក្នុងឈុតជម្រើសមានសម្ពាធយ៉ាងខ្លាំងបើប្រៀបធៀបនឹងការលេងឲ្យក្លិប។ «បើការលេងឲ្យជម្រើសជាតិ បានលទ្ធផលល្អនោះ គឺមិនមានអ្វីជាសម្ពាធទេ តែបើចាញ់គឺ ច្បាស់ជាលឺសូរតែពាក្យមិនគួរគប្បីពីសំណាក់បងប្អូនអ្នកគាំទ្រមួយចំនួនមិនខាន។
ដោយហេតុនេះ ពួកយើងសឹងតែនឹងអស់ទឹកចិត្តក្នុងការលេងឱ្យជម្រើសជាតិណាស់»។ នេះជាការបរិយាយបន្ថែមរបស់ប្រធានក្រុម។
នៅក្នុងលិខិតចំហរដ៏វែងដែលមិនធ្លាប់មានពីមុន ឧត្តម បង្ហាញនូវការអន់ចិត្តយ៉ាងខ្លាំងចំពោះក្រុមអ្នកគាំទ្រមួយចំនួនដែលតែងតែតិះដៀលក្រុមកីឡាករនៅពេលពួកគេប្រកួតចាញ់។ ខ្សែបម្រើរូបនេះដែលជាក្មួយប្រុសបង្កើតរបស់អតីតគ្រូបង្វឹកជម្រើសជាតិ លោក ប្រាក់ សុវណ្ណារ៉ា បានត្អូញត្អែថា ការហ្វឹកហាត់នៅក្រុមជម្រើសជាតិ បានបង្ខំឲ្យពួកគេឃ្លាតពីផ្ទះ ចាកឆ្ងាយគ្រួសារ និងខកខានការរៀនសូត្រ។
ឧត្តម បានតាំងចិត្តជំនួសក្រុមទាំងមូលថា៖ «ពួកយើងជិតទៅប្រកួតតំណាងឲ្យជាតិយើងហើយ ដូច្នេះពួកយើងគ្មានអ្វីក្រៅតែអំពីខិតខំហ្វឹកហាត់ដើម្បីទទួលនូវលទ្ធផលល្អយកត្រលប់មកជូនជាតិមាតុភូមិយើងវិញ ។ ពួកយើងសូមប្តេជ្ញាខិតខំប្រឹងប្រែងធ្វើការនៅលើទីលានឱ្យអស់ពីសមត្ថភាព»។
សម្រាប់ព្រឹត្តិការណ៍ស៊ីហ្គេមនាពេលខាងមុខ U-23 កម្ពុជា ត្រូវប៉ះជាមួយម្ចាស់ផ្ទះសឹង្ហបុរី ឥណ្ឌូនេស៊ី មីយ៉ាន់ម៉ា និងហ្វីលីពីន។ សហព័ន្ធកីឡាបាល់ទាត់កម្ពុជា បានកំណត់គោលដៅឲ្យក្រុមឆ្លងចូលវគ្គពាក់កណ្តាលផ្តាច់ព្រ័ត្រជាលើកដំបូងក្នុងប្រវត្តិសាស្ត្ររបស់ខ្លួន។ នេះបើតាមការបញ្ជាក់របស់លោក បើតាមលោក ខៀវ សាម៉េត អនុប្រធានសហព័ន្ធ៕
ក្រោមការដឹកនាំរបស់គ្រូបង្វឹកកូរ៉េខាងត្បូង លោក Lee Tae Hoon ក្រុម U-23 កម្ពុជាកំពុងត្រៀមខ្លួនចូលរួមប្រកួតកីឡាស៊ីហ្គេមលើកទី២៨ នៅប្រទេសសិង្ហបុរី ចាប់ពីថ្ងៃទី៣១ ខែឧសភា ខាងមុខ។ ក្នុងនាមជាប្រធានក្រុម កីឡាករប្រាក់ មុន្នីឧត្តម ដែលទើបឈានចូលវ័យ២១ឆ្នាំ បានស្នើដល់សហព័ន្ធកីឡាបាល់ទាត់កម្ពុជា (FFC) ឲ្យជួយផ្គត់ផ្គង់ឲ្យបានពេញលេញទាំងប្រាក់ឧបត្ថម្ភ អាហារបំប៉ន សម្ភារៈ និងការលើកទឹកចិត្តផ្សេងៗ មិនថាជាការប្រកួតសាកល្បងបច្ចេកទេស ឬការប្រកួតកផ្លូវការនោះឡើយ។
ស្របពេលជាមួយគ្នា ប្រាក់ មុន្នីឧត្តមដែលទទួលបានស្បែកមាស ខណៈក្លិបស្វាយរៀងរបស់គេឈ្នះពានរង្វាន់សម្តេច ហ៊ុន សែន ឆ្នាំ២០១៥ បានសំណូមពរដល់ក្រុមអ្នកគាំទ្រមួយចំនួនឲ្យបង្វែរពីការតិះទៀន បន្តុះបង្អាប់ មកជាការលើកទឹកចិត្តគាំទ្រវិញ។
យុវជនដែលកើតចេញពីគ្រួសារកីឡារូបនេះ បានសរសេរថា៖ «ការប្រកួតមិត្តភាពដកស្រង់បច្ចេកទេសប៉ុន្មានប្រកួតមកនេះពួកយើងបានខិតខំខ្លាំងណាស់ បើទោះជាពួកយើងបានលេងទៅហើយមិនបានការសរសើរ លើកទឹកចិត្តប៉ុណ្ណោះទេ តែបែរជាចោទពួកយើងខ្ញុំថាមានគំនិតមិនល្អក្នុងការប្រកួតជាដើម»។ ឧត្តម បានអះអាងថា ការលេងក្នុងឈុតជម្រើសមានសម្ពាធយ៉ាងខ្លាំងបើប្រៀបធៀបនឹងការលេងឲ្យក្លិប។ «បើការលេងឲ្យជម្រើសជាតិ បានលទ្ធផលល្អនោះ គឺមិនមានអ្វីជាសម្ពាធទេ តែបើចាញ់គឺ ច្បាស់ជាលឺសូរតែពាក្យមិនគួរគប្បីពីសំណាក់បងប្អូនអ្នកគាំទ្រមួយចំនួនមិនខាន។
ដោយហេតុនេះ ពួកយើងសឹងតែនឹងអស់ទឹកចិត្តក្នុងការលេងឱ្យជម្រើសជាតិណាស់»។ នេះជាការបរិយាយបន្ថែមរបស់ប្រធានក្រុម។នៅក្នុងលិខិតចំហរដ៏វែងដែលមិនធ្លាប់មានពីមុន ឧត្តម បង្ហាញនូវការអន់ចិត្តយ៉ាងខ្លាំងចំពោះក្រុមអ្នកគាំទ្រមួយចំនួនដែលតែងតែតិះដៀលក្រុមកីឡាករនៅពេលពួកគេប្រកួតចាញ់។ ខ្សែបម្រើរូបនេះដែលជាក្មួយប្រុសបង្កើតរបស់អតីតគ្រូបង្វឹកជម្រើសជាតិ លោក ប្រាក់ សុវណ្ណារ៉ា បានត្អូញត្អែថា ការហ្វឹកហាត់នៅក្រុមជម្រើសជាតិ បានបង្ខំឲ្យពួកគេឃ្លាតពីផ្ទះ ចាកឆ្ងាយគ្រួសារ និងខកខានការរៀនសូត្រ។
ឧត្តម បានតាំងចិត្តជំនួសក្រុមទាំងមូលថា៖ «ពួកយើងជិតទៅប្រកួតតំណាងឲ្យជាតិយើងហើយ ដូច្នេះពួកយើងគ្មានអ្វីក្រៅតែអំពីខិតខំហ្វឹកហាត់ដើម្បីទទួលនូវលទ្ធផលល្អយកត្រលប់មកជូនជាតិមាតុភូមិយើងវិញ ។ ពួកយើងសូមប្តេជ្ញាខិតខំប្រឹងប្រែងធ្វើការនៅលើទីលានឱ្យអស់ពីសមត្ថភាព»។
សម្រាប់ព្រឹត្តិការណ៍ស៊ីហ្គេមនាពេលខាងមុខ U-23 កម្ពុជា ត្រូវប៉ះជាមួយម្ចាស់ផ្ទះសឹង្ហបុរី ឥណ្ឌូនេស៊ី មីយ៉ាន់ម៉ា និងហ្វីលីពីន។ សហព័ន្ធកីឡាបាល់ទាត់កម្ពុជា បានកំណត់គោលដៅឲ្យក្រុមឆ្លងចូលវគ្គពាក់កណ្តាលផ្តាច់ព្រ័ត្រជាលើកដំបូងក្នុងប្រវត្តិសាស្ត្ររបស់ខ្លួន។ នេះបើតាមការបញ្ជាក់របស់លោក បើតាមលោក ខៀវ សាម៉េត អនុប្រធានសហព័ន្ធ៕
© រក្សាសិទ្ធិដោយ thmeythmey.com
