កីឡាជាតិ
ជាតិ
ឈុត World Cup កម្ពុជា ចេញប្រកួតមិត្តភាពលើកដំបូង នៅម៉ោង ៤ រសៀលថ្ងៃនេះ
×
ក្រុមបាល់ទាត់ជម្រើសជាតិកម្ពុជា ដែលជាឈុតត្រៀមប្រកួតជម្រុះពានរង្វាន់ FIFA World Cup 2018 វគ្គជម្រុះជុំទី២ ប្រចាំទ្វីបអាស៊ី បានចេញយុទ្ធនាការប្រកួតសាកល្បងសមត្ថភាពរបស់ខ្លួនជាលើកដំបូង ក្រោយពេលប្រមូលផ្ដុំអស់មួយរយៈពេលមក នៅមជ្ឍមណ្ឌលនិងសាលាបាល់ទាត់ជាតិបាទី។
ក្រុមកម្ពុជា ត្រូវជួបប្រកួតមិត្តភាពជាតិជាមួយក្រុម Cambodia Tiger (អតីត ត្រាយអាស៊ីភ្នំពេញ) នៅវេលាម៉ោង ៤ ល្ងាចថ្ងៃទី ១០ ខែ ឧសភា ឆ្នាំ ២០១៥ នេះ នៅទីលានបាល់ទាត់ស្មៅសិប្បនិមិត្តវេស្ទើន លើទឹកដីខណ្ឌទួលគោក រាជធានីភ្នំពេញ។
លោកគ្រូបង្គោលបណ្ដោះអាសន្នជនជាតិជប៉ុន Ohara Kazunori បានប្រមូលផ្ដុំកីឡាករ ៤០ នាក់កាលពីចុងខែមេសា កន្លងទៅដោយប្រើពេល ៥ ថ្ងៃជម្រុះយកតែ ២៥ នាក់ហ្វឹកហាត់រួមគ្នាត្រៀមធ្វើជាម្ចាស់ផ្ទះក្នុងប្រកួតដំបូងនៅវគ្គជម្រុះ FIFA World Cup ជាមួយសិង្ហបុរី និង អាហ្វហ្គានីស្ថាន។
តាមគម្រោងសហព័ន្ធកីឡាបាល់ទាត់កម្ពុជា នឹងបញ្ជូនក្រុមជម្រើសជាតិរបស់ខ្លួនទៅប្រកួតមិត្តភាពអន្តរជាតិនៅប្រទេសថៃ និង ហ្វីលីពីន មកការប្រកួតជម្រុះពានរង្វាន់លំដាប់ពិភពលោក មកដល់។
បើនិយាយពីជម្រុះ FIFA World Cup 2018 ក្រុមកម្ពុជា ត្រូវជួប សិង្ហបុរី នៅថ្ងៃទី ១១ ខែ មិថុនា ឆ្នាំ ២០១៥ នៅពហុកីឡដ្ឋានជាតិវេលាម៉ោង ម៉ោង ៤ រសៀល និងបន្តធ្វើម្ចាស់ផ្ទះមួយប្រកួតដោយប៉ះក្រុមអាហ្វហ្គានីស្ថាន នៅវេលាម៉ោង ៦:៣០ នាទីយប់ថ្ងៃទី ១៦ ខែ មិថុនា ឆ្នាំ ២០១៥ ៕
© រក្សាសិទ្ធិដោយ thmeythmey.com