ពីនេះ ពីនោះ
×![]()
ដោយ: ថ្មីៗ
នៅក្នុងប្រទេសកម្ពុជា មានប្រចៀវពីរប្រភេទដែលស្ថិតនៅក្នុងអំបូរ Megaderma ។ ពួកវាជាប្របៀវដែលរស់នៅតាមតំបន់ព្រៃភ្នំ ដែលរកស៊ីចាប់ចំណីជាប្រភេទសត្វតូចៗ ដូចជាប្រភេទពស់តូចៗ កណ្តុរតូចៗ និងប្រភេទសត្វល្អិតមួយចំនួន ហើយវាក៏ស៊ីសត្វប្រចៀវតូចៗគ្នាវាផងដែរ។
ភិនភាគ និងជីវសាស្ត្រ៖ ប្រចៀវប្រភេទនេះមានស្លឹកត្រចៀកធំរាងមូលស្តួចនៅផ្នែកគល់ និងមានច្រមុះរាងដូចជាបន្ទះដុះខ្ពស់ឡើងលើ។ វាមានរោមពណ៌ប្រផេះទៅពណ៌ត្នោត ហើយមានកន្ទុយមិនវែង ហួសពីប្រវែងដងខ្លួន។ វាមានប្រវែងក្បាល-ដងខ្លួន ៦៥-១៤០ម.ម កំភួនដៃ៥០-១១៥ម.ម។ ពួកវាមានថ្គាមធំមាំខ្លាំង ហើយជារឿយៗ វាតោងសំយ៉ុងខ្លួននៅតាមមែកឈើដើម្បីចាំបាច់ចំណីហើរមកជិតវា។
រប៉ាយរស់នៅ៖ ប្រភេទប្រចៀវនេះត្រូវបានគេឃើញមាននៅគ្រប់តំបន់ព្រៃស្រោងក្នុងប្រទេសកម្ពុជា។ ប្រភេទនេះរស់នៅឯកកោ ឬជាហ្វូងចាប់ពី ៥០-១០០ក្បាល ដែលគេបានរកឃើញវត្តមានវានៅតាមរូងភ្នំ ប្រហោងដើមឈើ និងក្នុងបំពង់លូបង្អូរទឹកធំ។
ស្ថានភាពអភិរក្ស៖ ជាប្រភេទស្ថិតក្នុងក្រុមមានដោយបង្គួរ៕
© រក្សាសិទ្ធិដោយ thmeythmey.com
