កីឡាជាតិ
×![]()
ក្រុមបាល់ទាត់ជម្រើសជាតិយុវជនក្រោមអាយុ២៣ឆ្នាំរបស់របស់កម្ពុជា (U-23) បានចេញដំណើរតាំងពីម៉ោង ៨ ព្រឹកថ្ងៃទី ១១ ខែ ឧសភា នេះ តាមរថយន្តទៅប្រកួតមិត្តភាពអន្តរជាតិ ២ ប្រកួតជាមួយ U-23 កូរ៉េខាងត្បូង និង U-23 ក្រុមĐồngTâm Long An U-23 នៅប្រទេសវៀតណាម ក្នុងសប្ដាហ៍នេះ។
យោងតាមការឱ្យដឹងថ្នាក់ដឹកនាំក្រុម U-23 កម្ពុជាបានប្រាប់ថា ប្រកួតទី១ ជាមួយU-23 កូរ៉េខាងត្បូង នឹងធ្វើឡើងវេលាម៉ោង ៣ រសៀលថ្ងៃទី ១៣ ខែ ឧសភា លើទីលាន ThốngNhất Stadiumខណៈប្រកួតបន្ទាប់នៅថ្ងៃទី ១៥ ខែ ឧសភា ឆ្នាំ ២០១៥ ត្រូវប៉ះក្រុមម្ចាស់ផ្ទះ ĐồngTâm Long An U-23ក្នុងខេត្តឡុងអាន។
លោក Lee Tae Hoonបានគ្រូបង្វឹកក្រុម U-23 កម្ពុជា ទើបតែដឹកនាំក្រុមមកពីប្រកួតមិត្តភាពអន្តរជាតិនៅប្រទេសម៉ាឡេស៊ី ចំនួន ២ ប្រកួត កាលពីចុងខែមេសា កន្លងទៅដោយប្រកួតទី១ ស្មើគ្នា ៣ ទល់ ៣ និងប្រកួតទី២ ចាញ់ ៣ ទល់ ២ មុនធ្វើធ្វើដំណើរទៅវៀតណាមនេះ។
សហព័ន្ធកីឡាបាល់ទាត់កម្ពុជា មានក្ដីបំណងចង់ឱ្យក្រុម U-23 របស់ខ្លួនឡើងដល់វគ្គពាក់កណ្ដាលផ្ដាច់ព្រ័ត្រ ក្នុងព្រឹត្តិការណ៍កីឡាស៊ីហ្គេមឆ្នាំ ២០១៥ នៅសិង្ហបុរី ដែលនឹងមកដល់ក្នុងខែមិថុនា នេះ ទើបបើកខ្ទង់ចំណាយឱ្យកូនក្រុមចេញទៅសាកល្បងសមត្ថភាពនៅក្រៅប្រទេសឱ្យបានច្រើន។
នៅថ្ងៃទី ១៦ ខែ ឧសភា ក្រុមកម្ពុជា នឹងត្រឡប់មកប្រទេសកំណើតវិញ ដើម្បីត្រៀមធ្វើដំណើរទៅប្រកួតស៊ីហ្គេម វិញម្ដង ដោយគ្រោងចេញដំណើរនៅថ្ងៃទី ៣១ ខែ ឧសភា ឆ្នាំ ២០១។ ស៊ីហ្គេម ឆ្នាំនេះកម្ពុជា នៅពូលជាមួយ ហ្វីលីពីន, ឥណ្ឌូណេស៊ី, សិង្ហបុរី និង មីយ៉ាន់ម៉ា៕
© រក្សាសិទ្ធិដោយ thmeythmey.com
