ពីនេះ ពីនោះ
តើពាក្យ «បាទ, បាត» ប្រើខុសគ្នាដូចម្តេច?
×
មនុស្សមួយចំនួននៅតែប្រើពាក្យទាំងពីរខុស ដោយមិនបានបែងចែកពីអត្ថន័យនៃការប្រើប្រាស់ពាក្យពីរនេះឡើយ។ បើតាមវចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ពីភាពខុសគ្នានៃការប្រើពាក្យទាំងពីរនេះយ៉ាងដូច្នេះថា៖
ទី១ ពាក្យ «បាទ» មានន័យថា ឃ្លាសង្កាត់របស់គាថា, របស់កាព្យឃ្លោង គឺបាទទី១, បាទទី២..។ ឈ្មោះប្រាក់បុរាណតម្លៃ ៦០សេន គឺប្រាក់បាទ។ ឬម្យ៉ាងទៀត ពាក្យនេះសម្រាប់បុរសឆ្លើយថា ឆ្លើយបាទ, ទៅកុំខានហ្ន៎, បាទ!។ ល។
ទី២ ពាក្យ «បាត» មានន័យថា ប៉ែកខាងក្រោមនៃជម្រៅ ដូចជា៖ បាតបឹង, បាតទន្លេ, បាតសមុទ្រ, បាតឆ្នាំង, បាតដី, បាតដៃ, បាតជើង។ ល៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com