កីឡាជាតិ
ជាតិ
ស៊ន សៀវម៉ី ប្រកួតចាញ់កីឡាការិនីកាហ្សាក់ស្ថានក្នុងព្រឹត្តិការណ៍ដណ្តើមជើងឯកពិភពលោកនៅរុស្ស៊ី កីឡាការិនី ស៊ន សៀវម៉ី ម្ចាស់មេដាយមាស Asian Game និងស៊ីហ្គេមរបស់កម្ពុជា បានប្រកួតចាញ់កីឡាការិនីកាហ្សាក់ស្ថាន Feruza Yergeshova នៅវគ្គជម្រុះនៃព្រឹត្តិការណ៍ The 2015 World Taekwondo Championships លើកទី២២ នៅសង្វៀន Traktor Arena ក្រុង Chelyabinsk ប្រទេសរុស្ស៊ី នាថ្ងៃទី១៤ ខែឧសភា ឆ្នាំ២០១៥ ។
ក្រោយឈ្នះក្នុងលទ្ធផល ៩ ទល់នឹង៦ លើ ស៊ន សៀវម៉ី កីឡាការិនីកាហ្សាក់ស្ថាន Feruza ត្រូវឡើងទៅជួបកីឡាការិនីតួកគី Nur Tatar នៅវគ្គ៣២ក្រុមចុងក្រោយសម្រាប់ប្រភេទទម្ងន់ក្រោម៦៧គីឡូក្រាម។
ព្រឹត្តិការណ៍ប្រកួតជើងឯកតេក្វាន់ពិភពលោកឆ្នាំ២០១៥ (The 2015 World Taekwondo Championships) ប្រព្រឹត្តទៅពីថ្ងៃទី១២ ដល់ថ្ងៃទី១៨ ខែឧសភា ដោយមានអត្តពលិក៨៧៣នាក់ (ស្រី៣៤៨នាក់) មកពី១៣៩ប្រទេស ប្រកួតដណ្តើមមេដាយលើ១៦ប្រភេទទម្ងន់ផ្សេងៗគ្នា (ប្រុស៨ និងស្រី៨ )។
ព្រឹត្តិការណ៍នេះ ក៏ជាការធ្វើតេស្តិ៍សមត្ថភាពដ៏សំខាន់សម្រាប់ព្រឹត្តិការណ៍កីឡាអូឡាំពិកនៅទីក្រុង Rio ប្រទេសប្រេស៊ីល ឆ្នាំ២០១៦ ផងដែរ៕
ការប្រកួតរវាង ស៊ន សៀវម៉ី និង Feruza ចាប់ពីនាទី ទី៣៧៖
© រក្សាសិទ្ធិដោយ thmeythmey.com