ពីនេះ ពីនោះ
យុវជន, ចូរកុំធ្វើការងារណាដែលងាយ និងទទួលបានប្រាក់ខែខ្ពស់ ព្រោះវាគ្រោះថ្នាក់!
×![]()
ដោយ: លីម តុលា
មានបុគ្គលិកជាច្រើនចាប់យកការងារតាមកាលៈទេសៈហុចអោយ មានន័យថា ការងារណាដែលបានលុយ បុគ្គលិកនោះ ក៏ចាប់យកភ្លាម។ ប៉ុន្តែបន្តិចក្រោយមក បុគ្គលិកនោះក៏សម្រេចឈប់វិញ ពីព្រោះ ខ្លួនគេមិនស្រឡាញ់វាពីកំណើតមក។
ផ្អែកលើបទពិសោធន៍ ប្រសិនបើបុគ្គលិកម្នាក់ធ្វើការងារមួយដែលខ្លួនមិនស្រឡាញ់ មិនចូលចិត្ត ប្រឈមនឹងបរាជ័យច្រើនជាងបុគ្គលិកម្នាក់ធ្វើការដែលខ្លួនគេស្រឡាញ់។ ដូច្នេះ សរុបសេចក្តីមកវិញ មុននឹងចាប់យកការងារអ្វីមួយ អ្នកស្វែងរកការងារធ្វើគួរសួរខ្លួនឯងថា តើខ្លួនឯងចូលចិត្តការងារដែលផ្តល់អោយនោះឬទេ? ចូរកុំចាប់យកការងារដោយសារតែទទួលបានប្រាក់ខែ! ចូរចាប់យកការងារណាដែលខ្លួនស្រឡាញ់ និងទទួលបានប្រាក់ខែព្រមពេលជាមួយគ្នា! ចូរកុំធ្វើការជាថ្នូរនឹងប្រាក់ខែ! ចូរធ្វើការដោយក្តីស្រឡាញ់ ទើបអនុញ្ញាតអោយអ្នកជោគជ័យក្នុងជីវិត!
ស្ថិតក្នុងវ័យនៅក្មេង ចូរកុំប្រាថ្នាចង់ធ្វើការងារណាដែលងាយៗ ហើយទទួលបានប្រាក់ខែច្រើន! ការងារងាយៗ ទទួលបានប្រាក់ខែច្រើន ក៏ងាយនឹងថៅកែបញ្ឈប់ដែរ ពីព្រោះការងារងាយៗ ក៏ងាយនឹងរកបុគ្គលិកជំនួសដែរ។ ដូច្នេះ សូមយុវជនជ្រើសរើសយកការងារណាដែលខ្លួនចូលចិត្ត ជំនាញខ្ពស់ ជំនាញលំបាក ហើយវាជាការងារដែលថៅកែពិបាករកអ្នកផ្សេងមកជំនួស។ ការងារនេះនឹងអនុញ្ញាតអោយលោកអ្នកជាបុគ្គលិកមានតម្លៃខ្ពស់ និងជោគជ័យក្នុងជីវិត៕
© រក្សាសិទ្ធិដោយ thmeythmey.com
