កីឡាជាតិ
ជាតិ
ទោះបីចាញ់នៅរុស្ស៊ី សៀវម៉ី នៅតែសម្លឹងឆ្ពោះទៅមុខសម្រាប់កីឡាអូឡាំពិកនៅប្រេស៊ីល
×![]()
ដោយ: រួបរួម
កីឡាការិនីតេក្វាន់ដូ ស៊ន សៀវម៉ី បានធ្លាក់ចេញពីព្រឹត្តិការណ៍ដណ្តើមពានរង្វាន់តេក្វាន់ដូពិភពលោកលើកទី២២ នៅទីក្រុង Chelyabinsk ប្រទេសរុស្ស៊ី ក្រោយចាញ់កីឡាការិនីកាហ្សាក់ស្ថាននៅវគ្គ៣២នាក់ដំបូងកាលពីថ្ងៃទី១៤ ខែឧសភា។ ប៉ុន្តែទោះបីជាយ៉ាងណាក៏ដោយ បរាជ័យនេះ មិនអាចរារាំងការតាំងចិត្តរបស់ម្ចាស់មេដាយមាសកីឡាអាស៊ីលើកដំបូងរបស់កម្ពុជា ក្នុងការដណ្តើមយកមេដាយជូនជាតិពីកីឡាអូឡាំពិកនៅក្នុងទីក្រុង Rio ប្រទេសប្រេស៊ីល នាឆ្នាំ២០១៦នោះឡើយ។ នេះបើតាមការអះអាងតាមរយៈឃ្លីបវីដេអូមួយពីប្រទេសរុស្ស៊ី។
«ទោះបីជានាងខ្ញុំចាញ់នៅពេលនេះក្តី តែគោលដៅរបស់នាងខ្ញុំនៅតែមាន ព្រោះថាការប្រកួតនេះមិនមែនជាគោលដៅពិតប្រាកដរបស់នាងខ្ញុំទេ។ គោលដៅពិតប្រាកដរបស់នាងខ្ញុំ គឺយកមេដាយអូឡាំពិកនៅប្រទេសប្រេស៊ីលនាឆ្នាំ២០១៦ »។ នេះជាការតាំងចិត្តរបស់កីឡាការិនីតេក្វាន់ដូ ស៊ន សៀវម៉ី តាមរយៈឃ្លីបវីដេអូមួយពីប្រទេសរុស្ស៊ី។
សៀវម៉ី ដែលត្រូវបានចាត់ទុកជាវីរនារីក្រោយការឈ្នះមេដាយមាសកីឡាអាស៊ីលើកដំបូងសម្រាប់កម្ពុជា បើគិតចាប់តាំងពីឆ្នាំ១៩៥៤មកនោះ បានប្រកួតចាញ់កីឡាការិនី Feruza Yergeshova របស់កាហ្សាក់ស្ថាន ក្នុងលទ្ធផល ៦ ទល់នឹង៩ នាវគ្គដំបូងនៃការប្រកួតដណ្តើមពានរង្វាន់តេក្វាន់ដូ ពិភពលោកលើកទី២២ (The 2015 World Taekwondo Championships)នៅសង្វៀន Traktor Arena ក្រុង Chelyabinsk ប្រទេសរុស្ស៊ី កាលពីថ្ងៃទី១៤ ខែឧសភា ឆ្នាំ២០១៥ ។
ស៊ន សៀវម៉ី បកស្រាយថា ការប្រកួតក្រោមទម្ងន់៦៧គីឡូក្រាម មិនមែនជាទម្ងន់ដែលខ្លួនធ្លាប់ប្រកួតកន្លងមកនោះឡើយ ដូច្នេះ កីឡាការិនីវ័យ១៩ឆ្នាំរូបនេះត្រូវសម្រកអស់៤គីឡូក្រាម ហើយការសម្រកនេះ បានធ្វើឲ្យប៉ះពាល់ដល់កម្លាំងរបស់ខ្លួន។
ព្រឹត្តិការណ៍ប្រកួតជើងឯកតេក្វាន់ពិភពលោកឆ្នាំ២០១៥ ប្រព្រឹត្តទៅពីថ្ងៃទី១២ ដល់ថ្ងៃទី១៨ ខែឧសភា ដោយមានអត្តពលិក៨៧៣នាក់ (ស្រី៣៤៨នាក់) មកពី១៣៩ប្រទេស ប្រកួតដណ្តើមមេដាយលើ១៦ប្រភេទទម្ងន់ផ្សេងៗគ្នា (ប្រុស៨ និងស្រី៨ )។ ព្រឹត្តិការណ៍នេះ ក៏ជាការធ្វើតេស្តិ៍សមត្ថភាពដ៏សំខាន់សម្រាប់ព្រឹត្តិការណ៍កីឡា អូឡាំពិកនៅទីក្រុង Rio ប្រទេសប្រេស៊ីល ឆ្នាំ២០១៦ ផងដែរ។
ម្ចាស់មេដាយមាសកីឡាអាស៊ី ស៊ន សៀវម៉ី និង ស៊ន ដាវីន ដែលជាបងស្រីស្ថិតក្នុងចំណោមអត្តពលិក៥នាក់ដែលទទួលបានអាហារូបករណ៍សម្រាប់ការហ្វឹកហាត់ត្រៀមប្រកួតជម្រុះក្នុងដំណើរទៅកាន់ព្រឹត្តិការណ៍កីឡាអូឡាំពិក នៅក្នុងទីក្រុង Rio de Janeiro ប្រទេសប្រេស៊ីល នាអំឡុងខែសីហា ឆ្នាំ២០១៦ ។ ក្រៅពីកីឡាការិនីតេក្វាន់ដូឆ្នើមទាំង៣រូបនេះ មានអត្តពលិកចំបាប់ពីររូបគឺ កីឡាការិនី ចូវ សុធារ៉ា និងកីឡាករ ងួន មករា រួមជាមួយកីឡាការិនីហែលទឹក ហែមថុន វិទិនី។
កាលពីព្រឹត្តិការណ៍កីឡាអូឡាំពិកនៅទីក្រុងឡុងដ៍នាឆ្នាំ២០១២ កម្ពុជាមានអត្តពលិកចំនួន៦នាក់ចូលរួមដែលក្នុងនោះមាន គៀង សាម៉ន (រត់ចម្ងាយ៨០០ម៉ែត្រ) ចាន់ សីហា (រត់ចម្ងាយ២០០ម៉ែត្រ) ហែម ថុនពន្លឺ (ហែលសេរី៥០ម៉ែត្រ) ហែម ថុនវិទិនី (ហែលសេរី៥០ម៉ែត្រ) ខុម រតនៈមុន្នី (យូដូក្រោមទម្ងន់៦០គីឡូក្រាម) និង ស៊ន ដាវីន (តេក្វាន់ដូទម្ងន់លើស៦៧គីឡូក្រាម)។ នាពេលនោះ កម្ពុជាសុទ្ធតែបានធ្លាក់នៅវគ្គជម្រុះដំបូង។ កីឡាការិនីតេក្វាន់ដូ ស៊ន ដាវីន ដែលទទួលបាន Wild Card (ចូលរួមប្រកួតដោយមិនចាំបាច់ឆ្លងកាត់ការជម្រុះ) បានចាញ់កីឡាការិនីម៉ិចស៊ិក María Espinoza នៅវគ្គ១៦នាក់ដំបូង។
ដោយឡែក សម្រាប់ព្រឹត្តិការណ៍កីឡាស៊ីហ្គេមនៅប្រទេសសិង្ហបុរីនាពេលខាងមុខ ស៊ន សៀវម៉ី មិនមានឈ្មោះក្នុងបញ្ជីនោះឡើយ ដោយសារក្រុមម្ចាស់ផ្ទះរៀបចំឲ្យការប្រកួតដណ្តើមយកមេដាយតែសម្រាប់ទម្ងន់ក្រោម៦២គីឡូក្រាមប៉ុណ្ណោះ។ សៀវម៉ី ដែលបានឈ្នះមេដាយមាសផងដែរក្នុងព្រឹត្តិការណ៍ថ្នាក់តំបន់នេះ កាលពីឆ្នាំ២០១៣ ក្នុងទម្ងន់ក្រោម៧៣គីឡូក្រាម បានសម្តែងការសោកស្តាយ ប៉ុន្តែកីឡាការិនីរូបនេះ បានសន្យាព្យាយាមហ្វឹកហាត់ដើម្បីដណ្តើមឲ្យបានមេដាយក្នុងព្រឹត្តិការណ៍កីឡាអូឡាំពិក៕
«ទោះបីជានាងខ្ញុំចាញ់នៅពេលនេះក្តី តែគោលដៅរបស់នាងខ្ញុំនៅតែមាន ព្រោះថាការប្រកួតនេះមិនមែនជាគោលដៅពិតប្រាកដរបស់នាងខ្ញុំទេ។ គោលដៅពិតប្រាកដរបស់នាងខ្ញុំ គឺយកមេដាយអូឡាំពិកនៅប្រទេសប្រេស៊ីលនាឆ្នាំ២០១៦ »។ នេះជាការតាំងចិត្តរបស់កីឡាការិនីតេក្វាន់ដូ ស៊ន សៀវម៉ី តាមរយៈឃ្លីបវីដេអូមួយពីប្រទេសរុស្ស៊ី។
សៀវម៉ី ដែលត្រូវបានចាត់ទុកជាវីរនារីក្រោយការឈ្នះមេដាយមាសកីឡាអាស៊ីលើកដំបូងសម្រាប់កម្ពុជា បើគិតចាប់តាំងពីឆ្នាំ១៩៥៤មកនោះ បានប្រកួតចាញ់កីឡាការិនី Feruza Yergeshova របស់កាហ្សាក់ស្ថាន ក្នុងលទ្ធផល ៦ ទល់នឹង៩ នាវគ្គដំបូងនៃការប្រកួតដណ្តើមពានរង្វាន់តេក្វាន់ដូ ពិភពលោកលើកទី២២ (The 2015 World Taekwondo Championships)នៅសង្វៀន Traktor Arena ក្រុង Chelyabinsk ប្រទេសរុស្ស៊ី កាលពីថ្ងៃទី១៤ ខែឧសភា ឆ្នាំ២០១៥ ។
ស៊ន សៀវម៉ី បកស្រាយថា ការប្រកួតក្រោមទម្ងន់៦៧គីឡូក្រាម មិនមែនជាទម្ងន់ដែលខ្លួនធ្លាប់ប្រកួតកន្លងមកនោះឡើយ ដូច្នេះ កីឡាការិនីវ័យ១៩ឆ្នាំរូបនេះត្រូវសម្រកអស់៤គីឡូក្រាម ហើយការសម្រកនេះ បានធ្វើឲ្យប៉ះពាល់ដល់កម្លាំងរបស់ខ្លួន។
ព្រឹត្តិការណ៍ប្រកួតជើងឯកតេក្វាន់ពិភពលោកឆ្នាំ២០១៥ ប្រព្រឹត្តទៅពីថ្ងៃទី១២ ដល់ថ្ងៃទី១៨ ខែឧសភា ដោយមានអត្តពលិក៨៧៣នាក់ (ស្រី៣៤៨នាក់) មកពី១៣៩ប្រទេស ប្រកួតដណ្តើមមេដាយលើ១៦ប្រភេទទម្ងន់ផ្សេងៗគ្នា (ប្រុស៨ និងស្រី៨ )។ ព្រឹត្តិការណ៍នេះ ក៏ជាការធ្វើតេស្តិ៍សមត្ថភាពដ៏សំខាន់សម្រាប់ព្រឹត្តិការណ៍កីឡា អូឡាំពិកនៅទីក្រុង Rio ប្រទេសប្រេស៊ីល ឆ្នាំ២០១៦ ផងដែរ។
ម្ចាស់មេដាយមាសកីឡាអាស៊ី ស៊ន សៀវម៉ី និង ស៊ន ដាវីន ដែលជាបងស្រីស្ថិតក្នុងចំណោមអត្តពលិក៥នាក់ដែលទទួលបានអាហារូបករណ៍សម្រាប់ការហ្វឹកហាត់ត្រៀមប្រកួតជម្រុះក្នុងដំណើរទៅកាន់ព្រឹត្តិការណ៍កីឡាអូឡាំពិក នៅក្នុងទីក្រុង Rio de Janeiro ប្រទេសប្រេស៊ីល នាអំឡុងខែសីហា ឆ្នាំ២០១៦ ។ ក្រៅពីកីឡាការិនីតេក្វាន់ដូឆ្នើមទាំង៣រូបនេះ មានអត្តពលិកចំបាប់ពីររូបគឺ កីឡាការិនី ចូវ សុធារ៉ា និងកីឡាករ ងួន មករា រួមជាមួយកីឡាការិនីហែលទឹក ហែមថុន វិទិនី។
កាលពីព្រឹត្តិការណ៍កីឡាអូឡាំពិកនៅទីក្រុងឡុងដ៍នាឆ្នាំ២០១២ កម្ពុជាមានអត្តពលិកចំនួន៦នាក់ចូលរួមដែលក្នុងនោះមាន គៀង សាម៉ន (រត់ចម្ងាយ៨០០ម៉ែត្រ) ចាន់ សីហា (រត់ចម្ងាយ២០០ម៉ែត្រ) ហែម ថុនពន្លឺ (ហែលសេរី៥០ម៉ែត្រ) ហែម ថុនវិទិនី (ហែលសេរី៥០ម៉ែត្រ) ខុម រតនៈមុន្នី (យូដូក្រោមទម្ងន់៦០គីឡូក្រាម) និង ស៊ន ដាវីន (តេក្វាន់ដូទម្ងន់លើស៦៧គីឡូក្រាម)។ នាពេលនោះ កម្ពុជាសុទ្ធតែបានធ្លាក់នៅវគ្គជម្រុះដំបូង។ កីឡាការិនីតេក្វាន់ដូ ស៊ន ដាវីន ដែលទទួលបាន Wild Card (ចូលរួមប្រកួតដោយមិនចាំបាច់ឆ្លងកាត់ការជម្រុះ) បានចាញ់កីឡាការិនីម៉ិចស៊ិក María Espinoza នៅវគ្គ១៦នាក់ដំបូង។
ដោយឡែក សម្រាប់ព្រឹត្តិការណ៍កីឡាស៊ីហ្គេមនៅប្រទេសសិង្ហបុរីនាពេលខាងមុខ ស៊ន សៀវម៉ី មិនមានឈ្មោះក្នុងបញ្ជីនោះឡើយ ដោយសារក្រុមម្ចាស់ផ្ទះរៀបចំឲ្យការប្រកួតដណ្តើមយកមេដាយតែសម្រាប់ទម្ងន់ក្រោម៦២គីឡូក្រាមប៉ុណ្ណោះ។ សៀវម៉ី ដែលបានឈ្នះមេដាយមាសផងដែរក្នុងព្រឹត្តិការណ៍ថ្នាក់តំបន់នេះ កាលពីឆ្នាំ២០១៣ ក្នុងទម្ងន់ក្រោម៧៣គីឡូក្រាម បានសម្តែងការសោកស្តាយ ប៉ុន្តែកីឡាការិនីរូបនេះ បានសន្យាព្យាយាមហ្វឹកហាត់ដើម្បីដណ្តើមឲ្យបានមេដាយក្នុងព្រឹត្តិការណ៍កីឡាអូឡាំពិក៕
© រក្សាសិទ្ធិដោយ thmeythmey.com
