ពីនេះ ពីនោះ
អភិវឌ្ឍ និងពុករលួយ មិនអាចស៊ីសងគ្នាបានទេ
× សាងបាប បានបាប សាងបុណ្យ បានបុណ្យ។ អ្នកបដិបត្តិព្រះពុទ្ធសាសនាបានយល់ច្បាស់អំពីពាក្យមួយឃ្លានេះថា បុណ្យមិនអាចស៊ីសងជាមួយបាបនោះទេ។ អ្នកណាសាងបាប១ នឹងទទួលបានបាប១ ហើយបើទោះជា ជនដដែលសាងបុណ្យចំនួន៣ ក៏ជននោះនៅតែមានបាប១ដដែល។ ជននោះគ្រាន់តែមានបុណ្យ៣ ដែលមិនអាចរំលាយបាប១ នោះឡើយ។
ត្រឡប់មកការដឹកនាំប្រទេស ក៏ដូចគ្នា។ អ្នកនយោបាយ មិនគួរភ្លេចពីចំនុចនេះទេ។ កសាងច្រើនប៉ុណ្ណា ឬធ្វើអំពើល្អជូនជាតិច្រើនប៉ុណ្ណាក៏ដោយ ប៉ុន្តែបើសិនជាអ្នកនយោបាយរូបនោះមិនបន្ថយអំពើល្មើសច្បាប់ ពុករលួយ ធ្វើឲ្យខាតបង់ប្រយោជន៍ជាតិដែលពលរដ្ឋអ្នកបោះឆ្នោតអាចមើលឃើញ និងយល់បាននោះទេ ពលរដ្ឋអ្នកបោះឆ្នោតក៏មិនអាចផ្តល់ការយល់យោគដល់អ្នកនយោបាយរូបនោះដែរ។
និយាយបែបម្យ៉ាងទៀត ពលរដ្ឋម្ចាស់ឆ្នោតពិតជាបានទទួលស្គាល់គុណសម្បត្តិមហាសាលរបស់អ្នកនយោបាយរូបនោះចំពោះប្រទេសជាតិមែន ប៉ុន្តែបើគុណវិបត្តិក៏ច្រើន ហើយក៏ចេះតែកើនឡើងរាល់ថ្ងៃដែរនោះ ពលរដ្ឋច្បាស់ជាធ្វើការពិចារណា នៅលើមូលដ្ឋាននៃគុណវិបត្តិរបស់អ្នកនយោបាយរូបនោះមិនខាន៕
© រក្សាសិទ្ធិដោយ thmeythmey.com