កីឡាជាតិ
×![]()
ក្រុមបាល់ទាត់ជម្រើសជាតិឈុតធំ របស់កម្ពុជា សម្រាប់ត្រៀមជម្រុះពានរង្វាន់បាល់ទាត់ 2018 FIFA World Cup ជុំទី២ ប្រចាំទ្វីបអាស៊ី នឹងត្រូវប្រកួតមិត្តភាពកម្ដៅសាច់ដុំជាមួយក្រុមកីឡាករជប៉ុនដែលប្រកួតអាជីពនៅកម្ពុជា (Japanese All Stars) វេលាម៉ោង ៦:៣០ នាទីល្ងាចថ្ងៃទី ១៧ ខែ ឧសភា ឆ្នាំ ២០១៥ នេះលើទីលានស្មៅសិប្បនិមិត្តក្នុងពហុកីឡដ្ឋានជាតិ។
នេះជាការប្រកួតផ្លូវការដំបូងគេបង្អស់នៅលើវាលស្មៅសិប្បនិមិត្ត ដែលទើបតែសាងសង់រួចកាលពីពេលថ្មីៗ ក្រោមជំនួយ Goal Project របស់សហព័ន្ធកីឡាបាល់ទាត់អន្តរជាតិ FIFA មុនបើកទ្វាទទួលភ្ញៀវ សិង្ហបុរី និង អាហ្វហ្គានីស្ថាន ក្នុងវគ្គជម្រុះ FIFA World Cup ដើមខែក្រោយ។
សម្រាប់ក្រុមជម្រើសជាតិកម្ពុជា ធ្លាប់ប្រកួតឈ្នះក្រុម Tiger Cambodia (អតីតត្រាយអាស៊ីភ្នំពេញ) កាលពីថ្ងៃទី ៩ ខែ ឧសភា នៅទីលានរបស់ក្រុមវេស្ទើន ម្ដុំទួលគោក ដោយលទ្ធផល ២ ទល់ ១ ហើយនៅថ្ងៃទី ១៣ ខែ ឧសភា ក្រុមកម្ពុជា ប្រកួតចាញ់ក្រុមជើងឯក Hun Sen Cup 2015 ខេត្តស្វាយរៀង ៣ ទល់ ០ នៅមជ្ឍមណ្ឌលនិងសាលាបាល់ទាត់ជាតិបាទី។
ដំណឹងក្រៅផ្លូវការមួយមកពីសហព័ន្ធកីឡាបាល់ទាត់ឡាវ បានឱ្យដឹងថា ក្រុមជម្រើសជាតិកម្ពុជា នឹងប្រកួតមិត្តភាពអន្តរជាតិជាមួយក្រុមជម្រើសជាតិឡាវ នៅថ្ងៃទី ២ ខែ មិថុនា លើទីលានពហុកីឡដ្ឋានជាតិដូចគ្នា មុនប៉ះក្រុម សិង្ហបុរី នៅថ្ងៃទី ១១ ខែ មិថុនា និង អាហ្វហ្គានីស្ថាន នៅថ្ងៃទី ១៦ ខែ មិថុនា ឆ្នាំ ២០១៥ ក្នុងវគ្គជម្រុះពូល E ប្រចាំទ្វីបអាស៊ីនៃពានរង្វាន់បាល់ទាត់ពិភពលោក។
លោកគ្រូបង្គោលបណ្ដោះអាសន្នជនជាតិជប៉ុន Ohara Kazunori បានប្រមូលផ្ដុំក្រុមកម្ពុជាចំនួន ៤០ នាក់ មុនជម្រុះយកតែ ២៥ នាក់ សំងំហ្វឹកហាត់នៅមជ្ឍមណ្ឌលនិងសាលាបាល់ទាត់ជាតិបាទីតាំងពីចុងខែមេសា មកម្ល៉េះ។
សម្រាប់ការប្រកួតនៅល្ងាចនេះបើកទូលាយឱ្យទស្សនិកជនទស្សនាដោយសេរី ចាប់ពីម៉ោង ៦:៣០ នាទីល្ងាចតទៅ។ យោងតាមប្រភពមកពីសហព័ន្ធកីឡាបាល់ទាត់កម្ពុជា ជំនួបនេះមិនមានផ្សាយផ្ទាល់តាមប៉ុស្តិ៍ទូរទស្សន៍ណាមួយឡើយ។
នេះជាការប្រកួតផ្លូវការដំបូងគេបង្អស់នៅលើវាលស្មៅសិប្បនិមិត្ត ដែលទើបតែសាងសង់រួចកាលពីពេលថ្មីៗ ក្រោមជំនួយ Goal Project របស់សហព័ន្ធកីឡាបាល់ទាត់អន្តរជាតិ FIFA មុនបើកទ្វាទទួលភ្ញៀវ សិង្ហបុរី និង អាហ្វហ្គានីស្ថាន ក្នុងវគ្គជម្រុះ FIFA World Cup ដើមខែក្រោយ។
សម្រាប់ក្រុមជម្រើសជាតិកម្ពុជា ធ្លាប់ប្រកួតឈ្នះក្រុម Tiger Cambodia (អតីតត្រាយអាស៊ីភ្នំពេញ) កាលពីថ្ងៃទី ៩ ខែ ឧសភា នៅទីលានរបស់ក្រុមវេស្ទើន ម្ដុំទួលគោក ដោយលទ្ធផល ២ ទល់ ១ ហើយនៅថ្ងៃទី ១៣ ខែ ឧសភា ក្រុមកម្ពុជា ប្រកួតចាញ់ក្រុមជើងឯក Hun Sen Cup 2015 ខេត្តស្វាយរៀង ៣ ទល់ ០ នៅមជ្ឍមណ្ឌលនិងសាលាបាល់ទាត់ជាតិបាទី។
ដំណឹងក្រៅផ្លូវការមួយមកពីសហព័ន្ធកីឡាបាល់ទាត់ឡាវ បានឱ្យដឹងថា ក្រុមជម្រើសជាតិកម្ពុជា នឹងប្រកួតមិត្តភាពអន្តរជាតិជាមួយក្រុមជម្រើសជាតិឡាវ នៅថ្ងៃទី ២ ខែ មិថុនា លើទីលានពហុកីឡដ្ឋានជាតិដូចគ្នា មុនប៉ះក្រុម សិង្ហបុរី នៅថ្ងៃទី ១១ ខែ មិថុនា និង អាហ្វហ្គានីស្ថាន នៅថ្ងៃទី ១៦ ខែ មិថុនា ឆ្នាំ ២០១៥ ក្នុងវគ្គជម្រុះពូល E ប្រចាំទ្វីបអាស៊ីនៃពានរង្វាន់បាល់ទាត់ពិភពលោក។
លោកគ្រូបង្គោលបណ្ដោះអាសន្នជនជាតិជប៉ុន Ohara Kazunori បានប្រមូលផ្ដុំក្រុមកម្ពុជាចំនួន ៤០ នាក់ មុនជម្រុះយកតែ ២៥ នាក់ សំងំហ្វឹកហាត់នៅមជ្ឍមណ្ឌលនិងសាលាបាល់ទាត់ជាតិបាទីតាំងពីចុងខែមេសា មកម្ល៉េះ។
សម្រាប់ការប្រកួតនៅល្ងាចនេះបើកទូលាយឱ្យទស្សនិកជនទស្សនាដោយសេរី ចាប់ពីម៉ោង ៦:៣០ នាទីល្ងាចតទៅ។ យោងតាមប្រភពមកពីសហព័ន្ធកីឡាបាល់ទាត់កម្ពុជា ជំនួបនេះមិនមានផ្សាយផ្ទាល់តាមប៉ុស្តិ៍ទូរទស្សន៍ណាមួយឡើយ។
© រក្សាសិទ្ធិដោយ thmeythmey.com
