ពីនេះ ពីនោះ
×![]()
ដោយ: ថ្មីៗ
បុគ្គលិកភាគច្រើនខំធ្វើការងារឲ្យបានច្រើន ធ្វើកិច្ចការណាធំៗ លំបាកៗ ដើម្បីចង់បានប្រាក់ខែច្រើន ចង់បានតួនាទីធំ និងចង់ផ្គាប់ចិត្តមេ។ ល។ ប៉ុន្តែ ពួកគេបែរជាមើលរម្លងពីរបៀបធ្វើការឲ្យក្លាយជាបុគ្គលិកដ៏ឆ្នើមទៅវិញ។ នៅពេលដែលពួកគេក្លាយជាបុគ្គលិកឆ្នើមហើយ នោះប្រាក់ខែ និងតួនាទីក៏ត្រូវឡើងតាមសមត្ថភាពដូចគ្នាដែរ។ តើមានគន្លឹះអ្វីខ្លះ ដើម្បីអភិវឌ្ឍន៍ខ្លួនឲ្យក្លាយជាបុគ្គលិកឆ្នើម?
១) ធ្វើការងារជាក្រុម៖ ធ្វើការជាមួយគ្នាត្រូវចេះរៀបចំបែងចែក សហការ និងស្មារតីទទួលខុសត្រូវលើការងារ។
២) ទំនាក់ទំនង៖ ត្រូវមានទំនាក់ទំនងល្អរវាងបុគ្គលិក ទៅអ្នកគ្រប់គ្រង និងពីអ្នកគ្រប់គ្រង ត្រឡប់មកបុគ្គលិកវិញ ក្នុងគោលបំណងបង្កើនភាពស្និទ្ធស្នាលពេលបំពេញការងារជាមួយគ្នា។
៣) ចាត់អាទិភាពការងារ៖ ត្រូវបែងចែកពេលវេលា និងចាត់អាទិភាពការងារឲ្យបានច្បាស់ថាតើការងារណាមួយត្រូវធ្វើមុន ការងារណាត្រូវធ្វើបន្ទាប់។
៤) មានភាពជាអ្នកដឹកនាំ៖ ត្រូវមានស្មារតីទទួលខុសត្រូវ និងមានគំនិតច្នៃប្រឌិតខ្ពស់ក្នុងការបំពេញការងារ ហើយត្រូវចេះលើកទឹកចិត្ត និងជួយការងារគ្នាទៅវិញទៅមក។
៥) អត្តចរិត៖ ត្រូវតែចេះបើកចិត្តទទួលយកគំនិតអ្នកដទៃ ត្រូវមានឥរិយាបទ ពាក្យសម្តីសមរម្យនិងទម្លាប់ល្អៗក្នុងការបំពេញការងារ និងទំនាក់ទំនងជាមួយអ្នកដទៃ។
៦) ខំធ្វើការឲ្យអស់ពីលទ្ធភាព៖ ត្រូវចៀសវាងការយកលេស ថា មិនអាចធ្វើបានទេ ឬ រវល់ធ្វើនេះ រវល់ធ្វើនោះជាដើម។ ផ្ទុយមកវិញ អ្នកត្រូវខំព្យាយាមធ្វើការឲ្យអស់ពីលទ្ធភាពតាមអ្វីដែលអ្នកអាចធ្វើបាន នោះលទ្ធផលនឹងបានដូចអ្វីដែលអ្នកខិតខំយ៉ាងដូច្នេះដែរ។ ល៕
© រក្សាសិទ្ធិដោយ thmeythmey.com
