កីឡាជាតិ
មិនទាន់មានការវាយតម្លៃលើការសាងសង់ពហុកីឡដ្ឋានថ្មីឡើយ ប៉ុន្តែចិនសន្យាធ្វើឲ្យកម្ពុជាពេញចិត្ត
× នាពិធីចែកសញ្ញាបត្រដល់និស្សិតសាកលវិទ្យាល័យភូមិន្ទភ្នំពេញ កាលពីព្រឹកថ្ងៃអង្គារ ទី១៩ ខែឧសភាលោកនាយករដ្ឋមន្ត្រី ហ៊ុន សែន បានបដិសេធព័ត៌មានរបស់កាសែតភ្នំពេញ ប៉ុស្តិ៍ដែលបានផ្សាយថា ចិនបានជួយកម្ពុជា១០០លានដុល្លារអាមេរិកសម្រាប់ការសាងសង់ពហុកីឡដ្ឋានថ្មីសម្រាប់ព្រឹត្តិការណ៍កីឡាស៊ីហ្គេមឆ្នាំ២០២៣ ។
មានសំឡេង
លោក ហ៊ុន សែន បានបញ្ជាក់ថា លោកមិនបានលើកឡើងពីចំនួនទឹកប្រាក់ដែលភាគីចិនសន្យាជួយកម្ពុជាក្នុងការសាងសង់ពហុកីឡដ្ឋានថ្មី នោះឡើយ ប៉ុន្តែភាគីចិនបានសន្យាធ្វើឲ្យកម្ពុជា ជាពិសេសនាយករដ្ឋមន្ត្រី ពេញចិត្ត ដែលទឹកប្រាក់នៃការសាងសង់អាចក្រោម ឬលើស១០០លានដុល្លារអាមេរិក។
នាជំនួបកាលពីថ្ងៃទី១៨ ខែឧសភា នៅវិមានសន្តិភាព ជាមួយប្រតិភូកីឡាកម្ពុជាដែលត្រូវចូលរួមក្នុងព្រឹត្តិការណ៍កីឡាស៊ីហ្គេម លោកនាយករដ្ឋមន្ត្រី បានលើកឡើងពីការអនុម័តយកប្លង់នៃ«ពហុកីឡដ្ឋាន មរតកតេជោ» នៅជាយរាជធានីភ្នំពេញ។ ក្នុងចំណោមប្លង់ចំនួនពីរ លោកបានសម្រេចយកប្លង់ «ដេ» ដែលអាចជម្លៀសអ្នកចូលរួមក្នុងរយៈពេលត្រឹមតែ៧នាទី ក្នុងករណីមានហេតុការណ៍មិនស្រួលណាមួយ ហើយជាប្លង់ដែលងាយស្រួលថែទាំ៕
© រក្សាសិទ្ធិដោយ thmeythmey.com