កីឡាជាតិ
×![]()
ដោយ: រួបរួម
លោក អ៊ុំ ម៉ារ៉ា អភិបាលខេត្តព្រះវិហារ បានចុះហត្ថលេខាលើសេចក្តីសម្រេចមួយកាលពីថ្ងៃទី៩ ខែមេសា ឆ្នាំ២០១៥ ស្តីពី «ការបង្កើតគណៈកម្មការទ្រទ្រង់កីឡាខេត្តព្រះវិហារ»។ គណៈកម្មាធិការជាតិអូឡាំពិកកម្ពុជា បានសម្តែងការគាំទ្រចំពោះការផ្តួចផ្តើមនេះ ដោយខ្លួនត្រៀមសហការក្នុងភាពជាដៃគូក្នុងការជំរុញចលនាអូឡាំពិកនៅក្នុងខេត្តព្រះវិហារទាំងមូល។
តាមរយៈសេចក្តីសម្រេច កាលពីដើមខែមេសា កន្លងមក លោក អ៊ុំ ម៉ារ៉ា អភិបាលខេត្តព្រះវិហារ បានជ្រើសរើសសមាសភាពដើម្បីទ្រទ្រង់វិស័យកីឡានៅក្នុងខេត្តទាំងមូល ដោយលោកផ្ទាល់ទទួលបន្ទុកជាប្រធានគណៈកម្មការទ្រទ្រង់កីឡា ខណៈលោក អ៊ុន ចាន់ដា អភិបាលរងខេត្ត និងលោក ហន ឆន ប្រធានមន្ទីរអប់រំ យុវជន និងកីឡាខេត្ត មានតួនាទីជាអនុប្រធាន។
សមាសភាពផ្សេងទៀតដែលជាសមាជិក មានដូចជា លោក សោម បុប្ឆារ័ត្ន មេបញ្ជាការតំបន់ប្រតិបត្តិការសឹករងព្រះវិហារ លោក កង សៅគុណ មេបញ្ជាការកងរាជអាវុធខេត្ត លោក ស៊ី គិរី ស្នងការនគរបាលខេត្ត រយមទាំងប្រធានមន្ទីរ អភិបាលក្រុង-ស្រុក និងថ្នាក់ដឹកនាំស្ថាប័ននានាក្នុងខេត្ត។ ក្នុងនោះ គេក៏សង្កេតឃើញមានសមាសភាពពីភាគីឯកជនផងដែរ ដូចជា លោក ផាន់ ចំរុង ប្រធានធនាគារអេស៊ីលីដាខេត្ត លោក រី ធារ៉ា ប្រធានក្រុមបាល់ទាត់ព្រះវិហារក្រុង លោក ជា គឹមថាន ប្រធានប្រតិបត្តិអង្គការទស្សនពិភពលោកខេត្ត លោក ជា សំអួន ប្រធានក្រុមបាល់ទាត់ ស៊ីអេសអូ និងលោក ជា សុផាណារ៉ាត់ ប្រធានក្រុមបាល់ទាត់ ស៊ីអេសអិន ជាដើម។
យោងតាមប្រការ២ គណៈកម្មការទ្រទ្រង់កីឡាខេត្តព្រះវិហារ មានតួនាទីក្នុងការពង្រឹង និងអភិវឌ្ឍសមាគមក្លឹបកីឡាមហាជននៅតាមក្រុង ស្រុក និងមន្ទីរអង្គភាពនានា ជំរុញ និងបំផុសសកម្មភាពហាត់ប្រាណឲ្យបានទូលំទូលាយ ជំរុញសកម្មភាពកីឡាជ្រើសរើសជើងឯកថ្នាក់ក្រុង ស្រុក និងថ្នាក់ខេត្ត និងបំផុសឲ្យមានការរៀបចំព្រឹត្តិការណ៍កីឡានានាដើម្បីត្រៀមចូលរួមប្រកួតប្រជែងថ្នាក់ជាតិ។
បន្ថែមពីលើនេះ លោកអភិបាលខេត្តព្រះវិហារ បានលើកទឹកចិត្តឲ្យគណៈកម្មការនេះ ស្វែងរកប្រភពធនធានផ្សេងៗ ទាំងថវិកា សម្ភារ បច្ចេកទេសដើម្បីគាំទ្រសកម្មភាពរបស់ក្រុម។ បន្ថែមពីលើនេះ សេចក្តីសម្រេច ក៏បានជំរុញផងដែរឲ្យក្រុង ស្រុក រៀបចំបង្កើតគណៈកម្មការទ្រទ្រង់កីឡា។
គំនិតផ្តួចផ្តើមនេះ ទទួលបាននូវការគាំទ្រយ៉ាងពេញទំហឹងពីសំណាក់គណៈកម្មាធិការជាតិអូឡាំពិកកម្ពុជា (NOCC) ។ តាមរយៈទំព័រហ្វេសប៊ុករបស់ខ្លួន NOCC បានសរសេរថា៖ «គណៈកម្មាធិការជាតិអូឡាំពិកកម្ពុជាសូមចូលរួមអបអរសាទរចំពោះខេត្តព្រះវិហារ ដែលបានយកចិត្តទុកដាក់ក្នុងការអភិវឌ្ឍវិស័យកីឡានៅក្នុងខេត្តនេះ ដោយបានបង្កើតគណៈកម្មការទ្រទ្រង់កីឡាខេត្តព្រះវិហារ ដែលមាន ឯកឧត្តម អ៊ុំ ម៉ារ៉ា អភិបាលនៃគណៈអភិបាលខេត្តព្រះវិហារ ជាប្រធាន»។
គណៈកម្មាធិការជាតិអូឡាំពិកកម្ពុជាសូមធ្វើការគាំទ្រយ៉ាងពេញទំហឹងចំពោះការបង្កើតគណៈកម្មការនេះ និងត្រៀមខ្លួនសហការក្នុងភាពជាដៃគូ ក្នុងការជំរុញចលនាអូឡាំពិកនៅខេត្តព្រះវិហារ និងបណ្តាខេត្តទាំងអស់ទូទាំងប្រទេសកម្ពុជា ដើម្បីត្រៀមខ្លួនក្នុងដំណើរឆ្ពោះទៅរកឧត្តមភាពជាតិនៃការរៀបចំធ្វើម្ចាស់ផ្ទះកីឡាស៊ីហ្គេម លើកទី៣២ ឆ្នាំ២០២៣ នៅព្រះរាជាណាចក្រកម្ពុជា។
សូមបញ្ជាក់ថា ការបង្កើតគណៈកម្មការទ្រទ្រង់កីឡាថ្នាក់ខេត្ត គឺធ្វើឡើងតាមសេចក្តីណែនាំរបស់ក្រសួងអប់រំ យុវជន និងកីឡា ចុះថ្ងៃទី១៩ ខែកុម្ភៈ ឆ្នាំ២០១៥ ៕
តាមរយៈសេចក្តីសម្រេច កាលពីដើមខែមេសា កន្លងមក លោក អ៊ុំ ម៉ារ៉ា អភិបាលខេត្តព្រះវិហារ បានជ្រើសរើសសមាសភាពដើម្បីទ្រទ្រង់វិស័យកីឡានៅក្នុងខេត្តទាំងមូល ដោយលោកផ្ទាល់ទទួលបន្ទុកជាប្រធានគណៈកម្មការទ្រទ្រង់កីឡា ខណៈលោក អ៊ុន ចាន់ដា អភិបាលរងខេត្ត និងលោក ហន ឆន ប្រធានមន្ទីរអប់រំ យុវជន និងកីឡាខេត្ត មានតួនាទីជាអនុប្រធាន។
សមាសភាពផ្សេងទៀតដែលជាសមាជិក មានដូចជា លោក សោម បុប្ឆារ័ត្ន មេបញ្ជាការតំបន់ប្រតិបត្តិការសឹករងព្រះវិហារ លោក កង សៅគុណ មេបញ្ជាការកងរាជអាវុធខេត្ត លោក ស៊ី គិរី ស្នងការនគរបាលខេត្ត រយមទាំងប្រធានមន្ទីរ អភិបាលក្រុង-ស្រុក និងថ្នាក់ដឹកនាំស្ថាប័ននានាក្នុងខេត្ត។ ក្នុងនោះ គេក៏សង្កេតឃើញមានសមាសភាពពីភាគីឯកជនផងដែរ ដូចជា លោក ផាន់ ចំរុង ប្រធានធនាគារអេស៊ីលីដាខេត្ត លោក រី ធារ៉ា ប្រធានក្រុមបាល់ទាត់ព្រះវិហារក្រុង លោក ជា គឹមថាន ប្រធានប្រតិបត្តិអង្គការទស្សនពិភពលោកខេត្ត លោក ជា សំអួន ប្រធានក្រុមបាល់ទាត់ ស៊ីអេសអូ និងលោក ជា សុផាណារ៉ាត់ ប្រធានក្រុមបាល់ទាត់ ស៊ីអេសអិន ជាដើម។
យោងតាមប្រការ២ គណៈកម្មការទ្រទ្រង់កីឡាខេត្តព្រះវិហារ មានតួនាទីក្នុងការពង្រឹង និងអភិវឌ្ឍសមាគមក្លឹបកីឡាមហាជននៅតាមក្រុង ស្រុក និងមន្ទីរអង្គភាពនានា ជំរុញ និងបំផុសសកម្មភាពហាត់ប្រាណឲ្យបានទូលំទូលាយ ជំរុញសកម្មភាពកីឡាជ្រើសរើសជើងឯកថ្នាក់ក្រុង ស្រុក និងថ្នាក់ខេត្ត និងបំផុសឲ្យមានការរៀបចំព្រឹត្តិការណ៍កីឡានានាដើម្បីត្រៀមចូលរួមប្រកួតប្រជែងថ្នាក់ជាតិ។
បន្ថែមពីលើនេះ លោកអភិបាលខេត្តព្រះវិហារ បានលើកទឹកចិត្តឲ្យគណៈកម្មការនេះ ស្វែងរកប្រភពធនធានផ្សេងៗ ទាំងថវិកា សម្ភារ បច្ចេកទេសដើម្បីគាំទ្រសកម្មភាពរបស់ក្រុម។ បន្ថែមពីលើនេះ សេចក្តីសម្រេច ក៏បានជំរុញផងដែរឲ្យក្រុង ស្រុក រៀបចំបង្កើតគណៈកម្មការទ្រទ្រង់កីឡា។
គំនិតផ្តួចផ្តើមនេះ ទទួលបាននូវការគាំទ្រយ៉ាងពេញទំហឹងពីសំណាក់គណៈកម្មាធិការជាតិអូឡាំពិកកម្ពុជា (NOCC) ។ តាមរយៈទំព័រហ្វេសប៊ុករបស់ខ្លួន NOCC បានសរសេរថា៖ «គណៈកម្មាធិការជាតិអូឡាំពិកកម្ពុជាសូមចូលរួមអបអរសាទរចំពោះខេត្តព្រះវិហារ ដែលបានយកចិត្តទុកដាក់ក្នុងការអភិវឌ្ឍវិស័យកីឡានៅក្នុងខេត្តនេះ ដោយបានបង្កើតគណៈកម្មការទ្រទ្រង់កីឡាខេត្តព្រះវិហារ ដែលមាន ឯកឧត្តម អ៊ុំ ម៉ារ៉ា អភិបាលនៃគណៈអភិបាលខេត្តព្រះវិហារ ជាប្រធាន»។
គណៈកម្មាធិការជាតិអូឡាំពិកកម្ពុជាសូមធ្វើការគាំទ្រយ៉ាងពេញទំហឹងចំពោះការបង្កើតគណៈកម្មការនេះ និងត្រៀមខ្លួនសហការក្នុងភាពជាដៃគូ ក្នុងការជំរុញចលនាអូឡាំពិកនៅខេត្តព្រះវិហារ និងបណ្តាខេត្តទាំងអស់ទូទាំងប្រទេសកម្ពុជា ដើម្បីត្រៀមខ្លួនក្នុងដំណើរឆ្ពោះទៅរកឧត្តមភាពជាតិនៃការរៀបចំធ្វើម្ចាស់ផ្ទះកីឡាស៊ីហ្គេម លើកទី៣២ ឆ្នាំ២០២៣ នៅព្រះរាជាណាចក្រកម្ពុជា។
សូមបញ្ជាក់ថា ការបង្កើតគណៈកម្មការទ្រទ្រង់កីឡាថ្នាក់ខេត្ត គឺធ្វើឡើងតាមសេចក្តីណែនាំរបស់ក្រសួងអប់រំ យុវជន និងកីឡា ចុះថ្ងៃទី១៩ ខែកុម្ភៈ ឆ្នាំ២០១៥ ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
