កីឡាជាតិ
Singapore Cup៖ ស្វាយរៀងព្យាយាមសងសឹក Albirex Niigata Singapore នៅល្ងាចនេះ
× ក្រុមបាល់ទាត់ខេត្តស្វាយរៀងរបស់កម្ពុជា នឹងប្រកួតជាមួយក្រុមAlbirex Niigata Singapore ក្នុងវគ្គជម្រុះបឋមនៃពានរង្វាន់Singapore Cup 2015 វេលាម៉ោង ៥:៣០នាទី (ម៉ោង៦:៣០នាទីនៅសិង្ហបុរី) ថ្ងៃទី ២២ ខែ ឧសភាឆ្នាំ ២០១៥ នេះនៅកីឡដ្ឋាន Jurong East Stadium។
លោក សំ វ៉ាន់ដេតគ្រូបង្វឹករបស់ក្រុមខេត្តស្វាយរៀងបានដឹកនាំកីឡាករ ១៨នាក់ចេញដំណើរទៅប្រកួតតាំងពីថ្ងៃទី២០ ខែ ឧសភា ម្ល៉េះ ដោយមានកីឡាករខ្មែរ១៤ នាក់ និង កីឡាករបរទេស ៤នាក់។
នេះជាលើកទី២ហើយដែលក្រុមស្វាយរៀងចូលលេងក្នុងពានរង្វាន់នេះហើយក៏ជាលើកទី២ ដែរក្រុមជើងឯកHun Sen Cup 2015 នេះត្រូវប៉ះក្រុមAlbirex Niigata Singapore ខណៈជំនួបលើកទី១កាលពីឆ្នាំមុនស្វាយរៀងចាញ់ ៣ ទល់ ។
ស្វាយរៀងបានប្រកួតបានប្រកួតកម្ដៅសាច់ដុំឈ្នះក្រុមជម្រើសជាតិកម្ពុជាឈុតធំ ដោយលទ្ធផល ៣ ទល់ ០នៅទន្លេបាទី ប៉ុន្ដែប្រកួតចាញ់ក្រុមAfrican Selection Team នៅពហុកីឡដ្ឋានជាតិដោយលទ្ធផល ២ – ០មុនធ្វើដំណើរទៅសិង្ហបុរី។កីឡាករជាសមាជិកក្នុងក្រុមជម្រើសជាតិទាំងឈុតស៊ីហ្គេម និងឈុតជម្រុះWorld Cup ភាគច្រើននឹងត្រូវបង្ហាញខ្លួនលើទីលាននៅល្ងាចនេះ។
ចំណែកក្រុមAlbirex Niigata Singapore វិញកំពុងឈរលេខរៀងទី២កំពូលតារាងលីកបាល់ទាត់អាជីពសិង្ហបុរីក្រោយប្រកួតបាន ១២ លើកឈ្នះ៧ ស្មើ ២ និង ចាញ់ ៣ ប្រកួតមាន២៣ ពិន្ទុក្នុងដៃតាមពីក្រោយក្រុមកំពូលតារាងWarriors ដែលមាន២៤ ពិន្ទុ។ ក្រុមមួយនេះលេងនៅសិង្ហបុរីតែកីឡាករភាគច្រើនលើសលប់ជាកីឡាករជប៉ុនព្រោះម្ចាស់ក្លិបមានប្រភពមកពីប្រទេសអាស៊ីខាងកើតមួយនេះ
សម្រាប់វគ្គជម្រុះបឋមមាន៖
ថ្ងៃទី២២ ឧសភា Albirex Niigata Singapore (សិង្ហបុរី) vs ស្វាយរៀង (កម្ពុជា)
ថ្ងៃទី ២៦ឧសភា Geylang International FC (សិង្ហបុរី) vs Lao Police FC (ឡាវ)
ថ្ងៃទី ២៧ឧសភា Hougang United FC (សិង្ហបុរី) vs Global FC (ហ្វីលីពីន)
Singapore Cup ជាពានលំដាប់ទី៣នៅសិង្ហបុរី បន្ទាប់ពីពានលីកកំពូល S-League និងពាន League Cup ដែលរៀបចំឡើងដំបូងតាំងពីឆ្នាំ១៩៩៨ រហូតដល់ឆ្នាំ ២០១៥នេះ ហើយក្រុម Home United ជាអ្នកលើកពានបានច្រើនជាងគេពោលគឺចំនួន ៦ លើក (២០០០,២០០១,២០០៣,២០០៥,២០១១និង ២០១៣) ស្របពេលក្រុម Balestier Khalsa ជាជើងឯកឆ្នាំចាស់៕
© រក្សាសិទ្ធិដោយ thmeythmey.com