កីឡាជាតិ
ជាតិ
Singapore Cup៖ ស្វាយរៀងធ្លាក់ចេញជាលើកទីពីរដោយសារ Albirex Niigata Singapore
× ដំណើរទៅកាន់វគ្គបន្តនៃពានរង្វាន់ Singapore Cup នៅប្រទេសសឹង្ហបុរី ត្រូវបានបង្អាក់សារជាថ្មីម្តងទៀតដោយសារក្លិបជប៉ុន Albirex Niigata Singapore កាលពីល្ងាចថ្ងៃទី២២ ខែឧសភា នៅកីឡដ្ឋាន Jurong East Stadium។ Albirex Niigata Singapore បានយកឈ្នះស្វាយរៀង ២-១ ខណៈកាលពីឆ្នាំមុនពួកគេបានទទួលជ័យជម្នះ ៣-០ ។
ខ្សែប្រយុទ្ធជប៉ុន Shotaro Ihata ដែលធ្លាប់មានប្រវត្តិលេងនៅក្លិប Roasso Kumamoto នៃក្របខណ្ឌ J. League Division 2 ជប៉ុន រកបានគ្រាប់បាល់បញ្ចូលទីនាំមុខសម្រាប់ Albirex នៅនាទី ទី១៩ ប៉ុន្តែ៧នាទីក្រោយមក Reijin Tani ដែលជាជនជាតិជប៉ុនផងដែរនោះ បានវាយបកតាមស្មើសម្រាប់ក្រុមខេត្តស្វាយរៀង។ ខ្សែប្រយុទ្ធ Atsushi Kawata ជាអ្នករកគ្រាប់បាល់ជ័យជម្នះសម្រាប់ Albirex នៅនាទី ទី៦៩ ។
Albirex Niigata Singapore ត្រូវឡើងទៅជួបជាមួយក្លិប Balestier Khalsa ដែលលេងក្នុងក្របខណ្ឌកំពូលសឹង្ហបុរីដូចគ្នានៅវគ្គ១/៤ផ្តាច់ព្រ័ត្រ។ ក្រៅពីស្វាយរៀង ក្រុមភ្ញៀវហ្វីលីពីន Global ត្រូវប៉ះជាមួយ Hougang United នៅថ្ងៃទី២៣ ខែឧសភានេះ ខណៈក្លិបឡាវ Lao Police Club ប៉ះ Geylang International នៅថ្ងៃទី២៦ ខែឧសភា៕
© រក្សាសិទ្ធិដោយ thmeythmey.com