កីឡាជាតិ
FFC បណ្ដុះបណ្ដាលវគ្គសំខាន់ ២ ដល់មន្ត្រីមកពីតាមក្លិបបាល់ទាត់ក្នុងស្រុក
×![]()
សហព័ន្ធកីឡាបាល់ទាត់កម្ពុជា (FFC) បានបើកវគ្គបណ្ដុះបណ្ដាលសំខាន់ចំនួន ២ គឺវគ្គគ្រូបង្វឹកបាល់ទាត់ និង វគ្គគ្រប់គ្រងព្រឹត្តិការណ៍បាល់ទាត់ ដល់មន្ត្រីមកពីតាមក្លិបដែលជាសមាជិករបស់ខ្លូន មុនលីករដូវកាលថ្មីឆ្នាំ ២០១៥ ដែលនឹងមកដល់នៅថ្ងៃទី ១ ខែ កក្ដដា ខាងមុខ។
សម្រាប់វគ្គគ្រូបង្វឹកបាល់ទាត់ (FIFA MA Coaching Course 2015) រៀបចំចាប់ពីថ្ងៃទី ១៨ ដល់ ២២ ខែ ឧសភា ឆ្នាំ ២០១៥ នៅក្នុងបរិវេណពហុកីឡដ្ឋានជាតិ ដោយមានសិក្ខាកាមចូលរួមជាច្រើននាក់ដែលសុទ្ធតែជាគ្រូបង្វឹក គ្រូជំនួយ និង មន្ត្រីមកពីតាមក្លិបនានា ក្រោមការបង្ហាត់ពីលោក Frederick Roy Millar ជនជាតិអៀកឡង់ ដែលជាមន្ត្រីរបស់សហព័ន្ធកីឡាបាល់ទាត់អន្តរជាតិ (FIFA)។
វគ្គដែលសហការជាមួយ FIFA នេះផ្ដល់បទពិសោធន៍បន្ថែមដល់គ្រូបង្វឹកដែលដឹកនាំក្រុមក្នុងលីកកំពូលនៅកម្ពុជា ឱ្យកាន់តែច្បាស់ពី រៀបចំក្រុម ការរៀបចំកម្មវិធីហ្វឹកហាត់ ការរៀបចំរូបមន្ដនៃការលេង ព្រមទាំងសិក្សាពីទ្រឹស្ដី និង ការអនុវត្តន៍ផងដែរ។
ចំណែកវគ្គសិក្សាមួយទៀតគឺ បណ្ដុះបណ្ដាលមន្ត្រីគ្រប់គ្រងព្រឹត្តិការណ៍បាល់ទាត់ ដែលរៀបចំឡើងនៅថ្ងៃទី ២៣ ខែ ឧសភា ឆ្នាំ ២០១៥ នៅក្នុងពហុកីឡដ្ឋានជាតិដូចគ្នា។ វគ្គនេះគឺជាការត្រៀមខ្លួនដល់គ្រប់ក្លិបទាំងអស់ មុនរៀបចំការប្រកួតដែលមានលក្ខណៈ ទៅវិញទៅមក (Home/Away) ក្នុងរដូវកាល ២០១៥ នេះ៕
សម្រាប់វគ្គគ្រូបង្វឹកបាល់ទាត់ (FIFA MA Coaching Course 2015) រៀបចំចាប់ពីថ្ងៃទី ១៨ ដល់ ២២ ខែ ឧសភា ឆ្នាំ ២០១៥ នៅក្នុងបរិវេណពហុកីឡដ្ឋានជាតិ ដោយមានសិក្ខាកាមចូលរួមជាច្រើននាក់ដែលសុទ្ធតែជាគ្រូបង្វឹក គ្រូជំនួយ និង មន្ត្រីមកពីតាមក្លិបនានា ក្រោមការបង្ហាត់ពីលោក Frederick Roy Millar ជនជាតិអៀកឡង់ ដែលជាមន្ត្រីរបស់សហព័ន្ធកីឡាបាល់ទាត់អន្តរជាតិ (FIFA)។
វគ្គដែលសហការជាមួយ FIFA នេះផ្ដល់បទពិសោធន៍បន្ថែមដល់គ្រូបង្វឹកដែលដឹកនាំក្រុមក្នុងលីកកំពូលនៅកម្ពុជា ឱ្យកាន់តែច្បាស់ពី រៀបចំក្រុម ការរៀបចំកម្មវិធីហ្វឹកហាត់ ការរៀបចំរូបមន្ដនៃការលេង ព្រមទាំងសិក្សាពីទ្រឹស្ដី និង ការអនុវត្តន៍ផងដែរ។
ចំណែកវគ្គសិក្សាមួយទៀតគឺ បណ្ដុះបណ្ដាលមន្ត្រីគ្រប់គ្រងព្រឹត្តិការណ៍បាល់ទាត់ ដែលរៀបចំឡើងនៅថ្ងៃទី ២៣ ខែ ឧសភា ឆ្នាំ ២០១៥ នៅក្នុងពហុកីឡដ្ឋានជាតិដូចគ្នា។ វគ្គនេះគឺជាការត្រៀមខ្លួនដល់គ្រប់ក្លិបទាំងអស់ មុនរៀបចំការប្រកួតដែលមានលក្ខណៈ ទៅវិញទៅមក (Home/Away) ក្នុងរដូវកាល ២០១៥ នេះ៕
© រក្សាសិទ្ធិដោយ thmeythmey.com
