ពីនេះ ពីនោះ
រញីប្រផេះ សម្បូរនៅប្រទេសកម្ពុជា ភូមា ថៃ ចិន និងឥណ្ឌូចិន
× រញីប្រផេះ សម្បូរនៅប្រទេសកម្ពុជា ភូមា ថៃ ចិន និងឥណ្ឌូចិន
(Nyctiebusbengalensis)
ភិនភាគ៖ រញីប្រផេះជាទូទៅវាមានពណ៌ផ្សេងៗគ្នា ចាប់ពីត្នោតប្រផេះព្រលែតទៅក្រហមត្នោត និងមានឆ្នូតពណ៌ត្នោតចាប់ពីក្បាលរហូតដល់ពាក់កណ្តាលខ្នង ឬដល់គល់កន្ទុយ និងមានលក្ខណៈស្រដៀងគ្នាទៅនឹងរញីភ្លើងដែរ។ វាមានពណ៌ត្នោតចាស់ពទ្ធ័ជុំវិញរង្វង់ភ្នែកទាំងពីរ និងមានរោមឆ្នូត ពណ៌សតាមបណ្តោយខ្ទង់ច្រមុះ។
ជីវសាស្ត្រ៖ ជាសត្វរាត្រីចររស់នៅ និងរកស៊ីនៅពេលយប់នៅតាមដើមឈើតំបន់ព្រៃស្រោង ព្រៃពាក់កណ្តាលស្រោង និងអាចមានវត្តមាននៅតាមចម្ការផងដែរ។ អាហាររបស់វាមានសត្វល្អិត សត្វស្លាប និងផ្លែឈើ។ ជាសត្វចូលចិត្តរស់នៅឯកឯង ហើយធ្វើចលនាបំលាស់ទីយឺតៗមិនសូវរហ័សរហួនដូចសត្វដទៃ។ រញីប្រផេះអាចរស់នៅបានរហូតដល់អាយុ១៤ឆ្នាំ។
រប៉ាយរស់នៅ៖ រញីប្រផេះមានវត្តមានស្ទើរគ្រប់ទីកន្លែងនៃប្រទេសកម្ពុជា ពិសេសវត្តមានវាសម្បូរនៅខាងលិចទន្លេមេគង្គ នៅប្រទេសឥណ្ឌាភាគឦសាន្តរហូតដល់ ប្រទេសភូមា ភាគខាងត្បួងនៃប្រទេសចិន ឥណ្ឌូចិន និងប្រទេសថៃ។
ស្ថានភាពអភិរក្ស៖ រញីប្រផេះស្ថិតក្នុងក្រុមមានដោយកម្រ និងស្ថិតនៅក្នុងបញ្ជីឧបសម្ព័ន្ធ I នៃអនុសញ្ញាសាយតេស។ ប្រភេទនេះត្រូវបានចុះក្នុងបញ្ជីក្រហម IUCN (DD) ជាប្រភទមិនទាន់ព័ត៌មាន និងទិន្នន័យគ្រប់គ្រាន់លើពិភពលោក។ វាកំពុងរងគ្រោះដោយសារការបរបាញ់ ទាក់ចាប់ និងការធ្វើអាជីវកម្ម៕
© រក្សាសិទ្ធិដោយ thmeythmey.com