ពីនេះ ពីនោះ
×![]()
ដោយ: ថ្មីៗ
ម្តេចមិនឲ្យផ្ទាល់? 
(បទៈ កាកគតិ)
នេះនឹងសម្តែង ជួយគិតជ្រួយក្រែង ជួយពិចារណា
មានស្មូមចាស់ម្នាក់ អុចធូបប្រាថ្នា ក្នុងចិត្តសច្ចា
សុំការសង្គ្រោះ។
ជង្គង់លុតចុះ សុំក្តីសន្តោស សុំតែមួយរស់
ឱ! លោកតាអើយ ចៅឃ្លានបាក់ពោះ ខិតខំឈ្មុលឈ្មុស
មកជួបលោកតា ។
សុំមួយម៉ឺនមក នឹងអាលទៅរក អ្វីមកភោត្តា
បើអត់ពេលនេះ ខ្ញុំពិតមរណា សូមឬទ្ធិចេស្តា
ទ្រង់ប្រោសសម្តែង។
ចម្លាក់អ្នកតា ស្ងាត់មិនហើបហារ ស្ងៀមមួយកន្លែង
ស្មូមរឹតរអ៊ូ អូចៗម្នាក់ឯង ចិត្តស្រមៃក្រែង
ដូចក្តីបំណង។
ទោះគ្មានចម្លើយ ស្មូមមិនកន្តើយ នៅតែស្ម័គ្រផ្សង
មានម្នាក់ក្បែរនោះ អាណិតទ្វេដង ចិត្តល្អិតដូចល្អង
ប៉ងជួយគ្នីគ្នា។
លុយក្នុងហោប៉ៅ យកចេញមកក្រៅ ដៃរាប់ឈ្លេចលា
បានប្រាំមួយពាន់ ជូនជាសទ្ធា ក្រែងគ្រាន់មួយគ្រា
ស្មូមចាស់ដោះទ័ល។
ស្មូមយកពីដៃ គ្មាននឹកគុណស្រ័យ អ្នកដែលបានផ្តល់
បែរថា តាអើយ ម្តេចមិនឲ្យផ្ទាល់ មើលនែនៅសល់
តែប្រាំមួយពាន់។
អរគុណលោកតា មានចិត្តជ្រះថ្លា ទទួលបំណន់
តែលើកក្រោយទៀត តាតាមឲ្យទាន់ អ្នកហ៊ានបំភ័ន្ត
លួចលាក់លុយតា៕
និពន្ធដោយ៖PROEUNG Pranit, កែសម្រួល៖វិឆ័យ សុភី
(បទៈ កាកគតិ)
នេះនឹងសម្តែង ជួយគិតជ្រួយក្រែង ជួយពិចារណា
មានស្មូមចាស់ម្នាក់ អុចធូបប្រាថ្នា ក្នុងចិត្តសច្ចា
សុំការសង្គ្រោះ។
ជង្គង់លុតចុះ សុំក្តីសន្តោស សុំតែមួយរស់
ឱ! លោកតាអើយ ចៅឃ្លានបាក់ពោះ ខិតខំឈ្មុលឈ្មុស
មកជួបលោកតា ។
សុំមួយម៉ឺនមក នឹងអាលទៅរក អ្វីមកភោត្តា
បើអត់ពេលនេះ ខ្ញុំពិតមរណា សូមឬទ្ធិចេស្តា
ទ្រង់ប្រោសសម្តែង។
ចម្លាក់អ្នកតា ស្ងាត់មិនហើបហារ ស្ងៀមមួយកន្លែង
ស្មូមរឹតរអ៊ូ អូចៗម្នាក់ឯង ចិត្តស្រមៃក្រែង
ដូចក្តីបំណង។
ទោះគ្មានចម្លើយ ស្មូមមិនកន្តើយ នៅតែស្ម័គ្រផ្សង
មានម្នាក់ក្បែរនោះ អាណិតទ្វេដង ចិត្តល្អិតដូចល្អង
ប៉ងជួយគ្នីគ្នា។
លុយក្នុងហោប៉ៅ យកចេញមកក្រៅ ដៃរាប់ឈ្លេចលា
បានប្រាំមួយពាន់ ជូនជាសទ្ធា ក្រែងគ្រាន់មួយគ្រា
ស្មូមចាស់ដោះទ័ល។
ស្មូមយកពីដៃ គ្មាននឹកគុណស្រ័យ អ្នកដែលបានផ្តល់
បែរថា តាអើយ ម្តេចមិនឲ្យផ្ទាល់ មើលនែនៅសល់
តែប្រាំមួយពាន់។
អរគុណលោកតា មានចិត្តជ្រះថ្លា ទទួលបំណន់
តែលើកក្រោយទៀត តាតាមឲ្យទាន់ អ្នកហ៊ានបំភ័ន្ត
លួចលាក់លុយតា៕
និពន្ធដោយ៖PROEUNG Pranit, កែសម្រួល៖វិឆ័យ សុភី
© រក្សាសិទ្ធិដោយ thmeythmey.com
