ពីនេះ ពីនោះ
×![]()
ដោយ: ថ្មីៗ
មនុស្សភាគច្រើនមិនបានដឹងថាទាំងពីរនេះ មួយណាខុស ឬមួយណាត្រូវនោះទេ ហើយក៏មិនដឹងថាប្រើក្នុងន័យខុសគ្នាយ៉ាងដូចម្តេចនោះដែរ។ បើតាមវចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ពីអត្ថន័យនៃការប្រើពាក្យពីរនេះខុសគ្នាយ៉ាងដូច្នេះថា៖
ទី១) ពាក្យ«ចាក» ជានាមមានន័យថា ឈ្មោះឈើតចសារជាតិមួយប្រភេទ សន្តាននឹងជ្រែ តែជុះក្នុងទឹក, ស្លឹកប្រើប្រក់ផ្ទះ, ផ្លែខ្ចីប្រើបរិភោគបាន ដូចផ្លែត្នោតខ្ចី, ច្រើនមានសម្បូណ៌ នៅក្នុងដែនកម្ពុជាក្រោម គឺស្លឹកចាក និងផ្លែចាក។ បើជាកិរិយាសព្ទវិញ មានន័យថា បែកគ្នា, ឃ្លាតពីគ្នា។ ឧទាហរណ៍៖ ចាំដល់ផ្លូវបែកខាងមុខ សឹមយើងចាកគ្នា, តាំងពីខ្ញុំចាកអំពីភូមិកំណើតនេះទៅ ២០ឆ្នាំហើយ ខ្ញុំទើបនឹងមកឃើញស្រុកវិញក្នុងថ្ងៃនេះឯង។
ទី២) ពាក្យ«ចាក់» ជាកិរិយាសព្ទមានន័យថា បុះដោយគ្រឿងប្រហារមានមុខស្រួច។ យកអ្វីៗក្រៅអំពីគ្រឿងប្រហារបុះ ឬរុក។ ឧទាហរណ៍៖ ចាក់ក្រឡេក, ចាក់ប្រឡែង...។ ម្យ៉ាងទៀត មានន័យថា រលាក់អ្វីមួយចេញពីក្នុងអ្វីមួយដាក់ទៅក្នុង, ទៅលើវត្ថុ ឬទីកន្លែងផ្សេង។ ឧទាហរណ៍៖ ចាក់ទឹក, ចាក់សំរាម។ ល៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
