ពីនេះ ពីនោះ
រញីភ្លើង កំពុងរងគ្រោះដោយសារការបរបាញ់ ការទាក់ចាប់ និងការធ្វើអាជីវកម្ម...
×![]()
ដោយ: ថ្មីៗ
ភិនភាគ៖ រញីភ្លើងមានរោមពណ៌ក្រហមត្នោតភ្លី និងមានលាយពណ៌ប្រាក់ពាសពេញលើខ្នងមានឆ្នូតត្នោតចាស់នៅលើខ្នង ហើយឆ្នូតនេះកើតមាន និងបាត់ទៅវិញនៅតាមរដូវ។ កាលនៅតូចពុំមានឆ្នូតខ្នងទេ រោមពណ៌ក្រហមព្រឿងៗពទ្ធ័ជុំវិញរង្វង់ភ្នែក និងមានភ្នែកធំៗពណ៌ត្នោត។ វាមានរោមខ្លីក្រាស់ពណ៌សនៅលើថ្ពាល់ និងមានរោមពណ៌លនៅខ្ទង់ច្រមុះ ហើយដោយឡែកនៅរង្វង់ភ្នែកមានរោមពណ៌ត្នោត។
ជីវសាស្ត្រ៖ ជាសត្វរាត្រីចររកស៊ីនៅពេលយប់ និងដេកនៅពេលថ្ងៃតាមជំពាមមែកឈើ។ វាស៊ីសត្វល្អិត សត្វស្លាប និងផ្លែឈើជាអាហារ។ រញីចូលចិត្តរស់នៅព្រៃស្រោង ព្រៃពាក់កណ្តាលស្រោង និងចំការ។ ហើយជាសត្វចូលចិត្តរស់នៅតែឯកឯង។ សត្វប្រភេទនេះពេលខ្លះអាចបង្កើតកូនម្តងបានពីរ ហើយកូនរបស់វារស់នៅជាមួយមេពី៦-៩ខែ។
រប៉ាយរស់នៅ៖ រញីភ្លើងមានវត្តមាននៅភាគខាងកើតទន្លេមេគង្គនៃប្រទេសកម្ពុជា នៅអាស៊ីអាគ្នេយ៍ កោះស៊ូម៉ាត្រា និងបរណេអូ។
ស្ថានភាពអភិរក្ស៖ រញីភ្លើងស្ថិតក្នុងក្រុមប្រភេទមានដោយកម្រ និងស្ថិតនៅក្នុងបញ្ជីឧបសម្ពញ័ន្ធ I នៃអនុសញ្ញាសាយតេស។ ប្រភេទនេះត្រូវបានចុះក្នុងបញ្ជីក្រហម IUCN (VU) ជាប្រភេទងាយរងគ្រោះលើពិភពលោក។ ប្រភេទនេះកំពុងរងគ្រោះថ្នាក់ដោយសារការបរបាញ់ ការទាក់ចាប់ និងការធ្វើអាជីវកម្ម៕
© រក្សាសិទ្ធិដោយ thmeythmey.com
