ពីនេះ ពីនោះ
ហេតុផលបួនយ៉ាងនាំអោយនាងបដិសេធការរួមភេទ
×
អារម្មណ៍របស់អ្នកំពុងតែពុះកញ្ជ្រោលចង់រួមភេទហើយនាងឆ្លើយ បដិសេធ។ តើអ្នកធ្លាប់ជួបរឿងបែបនេះទេ? វាមិនមានអ្វីចម្លែកនោះទេ។ អ្វីៗសុទ្ឋតែមានហេតុផលរបស់វា។ អ្នកគួរតែស្វែងយល់ហេតុផលប្រាំយ៉ាងខាងក្រោមនេះដើម្បីដឹងថា ហេតុអ្វីក៏នាងបដិសេធជាមួយអ្នក។
មិនមានចំណង់ផ្លូវភេទ
ការមិនមានចំណង់ផ្លូវភេទគឺ ជាការខ្វះចំណង់ផ្លូវភេទ ឬការចាប់អារម្មណ៍អំពីផ្លូវភេទ។ មានកត្តាជាច្រើនអាចនាំអោយកង្វះចំណង់ផ្លូវភេទដូចជា បម្រែបម្រួលអ័រម៉ូន, ជំងឺ និងការព្យាបាលជំងឺ (ឧទាហរណ៍ ជំងឺមហារីក និងការព្យាបាលដោយថ្នាំមហារីក), ការបាក់ទឹកចិត្ត, ស្ត្រេស និងអស់កម្លាំង។ ភាពធុញទ្រាន់ និងទម្លាប់រួមភេទដដែលៗក៏អាចធ្វើអោយខ្វះតណ្ហាផ្លូវភេទដែរ។
មិនអាចមានភាពស្រើបស្រាល
សម្រាប់មនុស្សស្រី ការដែលគ្មានសមត្ថភាពខាងរាងកាយទទួលបានភាពស្រើបស្រាលក្នុងពេលធ្វើ សកម្មភាពផ្លូវភែទច្រើនតែជាការកង្វះទឹករំអិលចេញពីទ្វារមាស។ ការដែលមិនអាចទទួលបានភាពស្រើបស្រាលក៏អាចទាក់ទងនឹងការថប់ អារម្មណ៍ ឬការភ្ញោចមិនគ្រប់គ្រាន់ដែរ។ អ្នកស្រាវជ្រាវជាច្រើនកំពុងតែធ្វើការស្រាវជ្រាវទៅលើរបៀបដែលលំហូរ ឈាមមានបញ្ហាទៅលើទ្វារមាស និងសេរ (Clitoris) ដែលជាហេតុនាំអោយស្ត្រីនោះមានបញ្ហាស្រើបស្រាលខាងផ្លូវភេទបាន។
មិនអាចឈានដល់ចំណុចកំពូល
ការដែលមិនអាចឈានដល់ចំណុចកំពូលក្នុងពេលរួមភេទអាចបណ្តាលមកពីមិន អាចរួមភេទបាន, គ្មានបទពិសោធន៍, កង្វះចំណេះដឹង និងកត្តាចិត្តសាស្ត្រដូចជា មានកំហុស, ថប់អារម្មណ៍ ឬធ្លាប់មានការប៉ះទង្គិច ឬបំពានខាងផ្លូវភេទពីមុនមក។ កត្តាផ្សេងៗទឿតមានដូចជា ការភ្ញោចមិនបានគ្រប់គ្រាន់, ប្រើថ្នាំ និងជំងឺរ៉ាំរ៉ៃ។
ឈឺចាប់ពេលរួមភេទ
ការឈឺចាប់ក្នុងពេលរួមភេទអាចបណ្តាលមកពីបញ្ហាមួយចំនួនដូចជា ជំងឺ Endometriosis, ដុំសាច់ក្នុងអាងត្រគាក, គីសអូវ៉ែ, រលាកទ្វារមាស, មិនសូវមានទឹករំអិល, ស្ងួតទ្វារមាស, មានជាលិការសន្លាកដោសយារតែវះកាត់, ឬជំងឺកាមរោគ។ ជំងឺមួយដែលមានឈ្មោះថា Vaginismus គឺជាការឈឺចាប់ខ្លាំង ឬការកន្ត្រាកសាច់ដុំនៅជុំវិញច្រកចូលរបស់ទ្វារមាសជាប់។ វាប្រហែលជាកើតឡើងលើស្ត្រីដែលភ័យខ្លាចនឹងការសូកបញ្ចូលលិង្គ ព្រោះនឹងធ្វើអោយនាងឈឺចាប់ខ្លាំង ហើយក៏ប្រហែលជាកើតឡើងដោសយារតែការភ័យខ្លាចនឹងការរួមភេទខុសពី ធម្មតា ឬធ្លាប់មានការបាក់បែក ឬពិសោធន៍បែបឈឺចាប់ខ្លាំងពីមុនមក៕
ផ្តល់សិទ្ធិដោយ៖ www.health.com.kh
© រក្សាសិទ្ធិដោយ thmeythmey.com