នាការប្រកួតបើកឆាកពូល E នៃវគ្គជម្រុះជុំទីពីរប្រចាំតំបន់អាស៊ីនៃព្រឹត្តិការណ៍ World Cup ជាមួយក្រុមជម្រើសជាតិសឹង្ហបុរីកាលពីល្ងាចថ្ងៃព្រហស្បតិ៍ កម្ពុជាទទួលបានអ្នកគាំទ្រប្រមាណ៦ម៉ឺននាក់ ដែលជាកំណត់ត្រាដ៏គួរឲ្យកត់សម្គាល់ក្នុងវិស័យកីឡានៅកម្ពុជា។ ប៉ុន្តែទោះបីជាយ៉ាងណាក៏ដោយ ក្រុមអ្នកគាំទ្រកម្ពុជាបានទទួលរងនូវការខកចិត្ត បន្ទាប់ពីសឹង្ហបុរី បានទម្លាយសំណាញ់កម្ពុជាបីគ្រាប់នៅតង់ទីមួយ និងមួយគ្រាប់ទៀតនៅតង់ទីពីរ ដើម្បីទទួលបាន៣ពិន្ទុដ៏សំខាន់។