ពីនេះ ពីនោះ
×![]()
ដោយ: ថ្មីៗ
ការអភិវឌ្ឍខ្លួនឯង គឺជាគ្រឹះដ៏រឹងមាំ និងសំខាន់បំផុតដែលមនុស្សយើងមិនអាចខ្លះបានឡើយ។ ការអភិវឌ្ឍខ្លួនឯងដោយខ្លួនឯង គឺត្រូវអភិវឌ្ឍន៍ទាំងរាងកាយ និងចិត្តគំនិត មិនអាចចោលមួយណាបានឡើយ។ តើគួរអភិវឌ្ឍន៍ខ្លួនឯង ដោយខ្លួនឯងយ៉ាងដូចម្តេច?
ការអភិវឌ្ឍខ្លួនឯងដោយខ្លួនឯង មិនមែនចាំបាច់តែរៀននៅតាមសាលារៀននោះទេ។ ការអភិវឌ្ឍន៍ខ្លួនឯងដោយខ្លួនឯងផ្នែករាងកាយ គឺចាំបាច់ត្រូវមានទម្លាប់ហាត់ប្រាណឲ្យបានទៀងទាត់ បរិភោគអាហារឲ្យបានទៀងទាត់ និងមានអនាម័យល្អ បរិភោគទឹកឲ្យបានគ្រប់គ្រាន់តាមកម្រិតស្តង់ដារ ពោលគឺត្រូវបរិភោគទឹកឲ្យបាន២ទៅ៣លីត្រក្នុង១ថ្ងៃ និងត្រូវរស់នៅកន្លែងដែលមានផាសុខភាពល្អផងដែរ។
ចំណែកការអភិវឌ្ឍន៍ខ្លួនឯងដោយខ្លួនឯងផ្នែកចិត្តគំនិត(ការអប់រំចិត្តនិងគំនិតខ្លួនឯង)វិញ គឺត្រូវអានសៀវភៅរបស់បុគ្គលឆ្នើមៗ រៀនសូត្រតាមជនគំរូ និងល្បីៗ រៀនសូត្រតាមពាក្យអប់រំទូន្នានរបស់សាសនា ឬអ្នកប្រាជ្ញឲ្យបានបំផុត ទាំងនេះសុទ្ធតែជាការអភិវឌ្ឍន៍ខ្លួនឯងដូចគ្នា។ លើសពីនេះទៅទៀត គឺធ្វើការងារស្ម័គ្រចិត្តយកបទពិសោធន៍ និងត្រូវរៀនស្វែងយល់ពីខ្លួនឯង ពោលគឺត្រូវស្គាល់ខ្លួនឯង ស្គាល់ពីទេព្យកោសល្យ ដឹងពីចំណុចខ្លាំង-ខ្សោយខ្លួនឯងឲ្យបានច្បាស់ និងចំបាច់ត្រូវដឹងពីចំណង់ចំណូលចិត្ត ថាតើគោលដៅជីវិតខ្លួនឯង ចង់ធ្វើក្លាយជាមនុស្សបែបណានៅថ្ងៃអនាគត? ។
ចំណុចសំខាន់ៗនៃការអភិវឌ្ឍខ្លួនខាងលើនេះ គឺសុទ្ធតែជាគ្រឹះដែលមនុស្សជោគជ័យនៅក្នុងជីវិតបានយកមករៀនសូត្រ យកមកវ៉ឹកហាត់ក្នុងជីវិត យកមកអប់រំរាងកាយ និងចិត្តគំនិត។ ល៕
© រក្សាសិទ្ធិដោយ thmeythmey.com
