កីឡាជាតិ
ជាតិ
ជម្រុះ World Cup៖ កម្ពុជា និងអាហ្វហ្គានីស្ថាន ប៉ះគ្នាលើកដំបូងនាល្ងាចនេះ
អ្នកគាំទ្រក្រុមជម្រើសជាតិកម្ពុជានាជំនួបកន្លងមកជាមួយសឹង្ហបុរី
×![]()
កម្ពុជា និងអាហ្វហ្គានីស្ថាន សុទ្ធតែទទួលរងនូវការខកចិត្តនាការប្រកួតបើកឆាកពូល E ក្នុងវគ្គជម្រុះជុំទីពីរប្រចាំតំបន់អាស៊ីនៃព្រឹត្តិការណ៍ World Cup ឆ្នាំ២០១៨ ។ កាលពីថ្ងៃទី១១ ខែមិថុនា កម្ពុជាបានចាញ់សឹង្ហបុរី ៤-០ នៅពហុកីឡដ្ឋានជាតិ មុនពេលដែលស៊ីរីបានលត់អាហ្វហ្គានីស្ថាន ៦-០ នៅប្រទេសអ៊ីរ៉ង់ដែលជាទឹកដីកណ្តាល។ នាវេលាម៉ោង៦ និង៣០នាទី ល្ងាចនេះ ក្រុមខកចិត្តទាំងពីរ កម្ពុជា-អាហ្វហ្គានីស្ថានប៉ះគ្នាជាលើកដំបូងក្នុងប្រវត្តិសាស្ត្របាល់ទាត់ ដោយក្រុមទាំងពីរសន្លឹងរក៣ពិន្ទុរៀងៗខ្លួន។
ក្នុងជំនួបលើកដំបូងជាមួយអាហ្វហ្គានីស្ថានដែលជាក្រុមស្ថិតនៅចន្លោះតំបន់អាស៊ីកណ្តាល និងអាស៊ីខាងត្បូង គ្រូបង្វឹកជនជាតិជប៉ុន លោក Kazunori Ohara បានកោះហៅកីឡាករពីឈុតស៊ីហ្គេមចំនួន១១នាក់ មកជួយក្រុម ហើយបានជម្រុះចេញកីឡាករក្នុងចំនួនដូចគ្នា។
លោក Ohara ទទួលស្គាល់ថា ក្រុមជម្រើសជាតិកម្ពុជាស្ថិតក្នុងដំណាក់កាលមួយដ៏ពិបាកបន្ទាប់ពីចាញ់សឹង្ហបុរី ប៉ុន្តែលោកសង្ឃឹមថា វត្តមានកីឡាករឆ្នើមៗមួយចំនួនពីឈុតស៊ីហ្គេម នឹងផ្តល់ភាពវិជ្ជមានដល់កម្ពុជា ជាពិសេសក្រុមអ្នកគាំទ្រក្នុងចំនួនដ៏ច្រើនសន្ធឹកសន្ធាប់។
« កីឡាករដែលត្រូវបានជម្រុះចេញ ក៏ជាកីឡាករដ៏ល្អផងដែរ ដូចជា ប៊ិន ធារី ជាដើម ប៉ុន្តែយើងមានជម្រើសដែលល្អប្រសើរជាងនេះ។ យើងធ្វើការតាមដានយ៉ាងខ្លាំងចំពោះកីឡាករដែលលេងក្នុងព្រឹត្តិការណ៍កីឡាស៊ីហ្គេម ខ្ញុំសង្ឃឹមថា កម្ពុជានឹងធ្វើបានល្អ»។ នេះជាការអះអាងរបស់គ្រូបង្វឹកក្រុមជម្រើសជាតិកម្ពុជា។
ជាមួយគ្នានេះផងដែរ ប្រធានក្រុម គួច សុគម្ភៈ បានស្វាគមន៍វត្តមានរបស់កីឡាករឆ្នើម១១នាក់ពីឈុតស៊ីហ្គេម ដែលរួមមាន ប្រាក់ មុន្នីឧត្តម, ចាន់ វឌ្ឍនាកា, ឈិន ឈឿន, កែវ សុខផេង, ហួយ ផល្លីន, នេន សុធារ័ត្ន, សំអឿន ពិដោរ, សឿយ វិសាល, សុខ សុវណ្ណ, សុះ ស៊ូហាណា និងអ្នកចាំទី អ៊ុំ សេរីរ័ត្ន។ សុគម្ភៈ បានលើកឡើងថា៖ «ក្រុមកីឡាករពីឈុតស៊ីហ្គេម មិនមែនជាកម្លាំងថ្មីឡើយ ពួកយើងធ្លាប់ហាត់ និងលេងជាមួយគ្នា ដូច្នេះសម្រាប់ជំនួបជាមួយអាហ្វហ្គានីស្ថាន យើងនឹងមិនមានបញ្ហាលើទម្រង់លេងនោះឡើយ»។
ថ្លែងក្នុងសន្និសីទសារព័ត៌មាននៅពហុកីឡដ្ឋានជាតិ កាលពីថ្ងៃម្សិលមិញផងដែរ លោក Slaven Skeledzic គ្រូបង្វឹកអាល្លឺម៉ង់ដើមកំណើតបូស្នី រំពឹងថា ក្រុមអាហ្វហ្គានីស្ថានរបស់លោកអាចលុបលាងការខកចិត្តដើម្បីដណ្តើមឲ្យបាន៣ពិន្ទុពីម្ចាស់ផ្ទះកម្ពុជា។
លោកបានបញ្ជាក់ថា៖ «យើងបានចាញ់ស៊ីរី ៦-០ ខណៈដែលអ្នកចាំទីរបស់យើងមានបញ្ហារបួស ហើយវាជាដ៏អស្ចារ្យផងដែរសម្រាប់ស៊ីរី ដែលបានស៊ុតបាល់បញ្ចូលទីនៅរាល់ឱកាសដែលខ្លួនមាននៅក្នុងការប្រកួត។ កម្ពុជាសំបូរទៅដោយកីឡាករដែលមានសមត្ថភាព ប៉ុន្តែកីឡាកររបស់ខ្ញុំនឹងមានការប្រឹងប្រែង១០០ភាគរយដើម្បីយកឈ្នះម្ចាស់ផ្ទះឲ្យបាន»។
ប្រធានក្រុមអាហ្វហ្គានីស្ថាន Djelaludin Sharityar ដែលធ្លាប់លេងក្នុងក្របខណ្ឌថ្នាក់តំបន់នៅអាល្លឺម៉ង់ ក្របខណ្ឌនៅប្រទេសបារ៉ែន និងស៊ីប បានតាំងចិត្តផងដែរថា ក្រុមរបស់ខ្លួននឹងចាកចេញពីកម្ពុជាជាមួយនឹងជ័យជម្នះ។
បើយោងតាមតារាងចំណាត់ថ្នាក់ចុងក្រោយរបស់ហ្វីហ្វា (FIFA World Ranking) អាហ្វហ្គានីស្ថានស្ថិតក្នុងចំណាត់ថ្នាក់ទី១៥១ ខណៈកម្ពុជាស្ថិតនៅចំណាត់ថ្នាក់ទី១៧៨ ។ នៅមុនចាញ់ ស៊ីរី ៦-០ អាហ្វហ្គានីស្ថាន បានយកឈ្នះឡាវ ២-០ និងស្មើបង់ក្លាដែស ១-១ ក្នុងជំនួបមិត្តភាពអន្តរជាតិ ខណៈកម្ពុជា នៅមុនពេលចាញ់សឹង្ហបុរី ៤-០ នៅចំពោះមុខក្រុមអ្នកគាំទ្រជាង៦ម៉ឺននាក់ ក្រុមលោក Ohara បានបញ្ចប់ក្នុងលទ្ធផលស្មើ ១-១ ជាមួយឡាវ និងយកឈ្នះមីយ៉ាន់ម៉ារ ១-០ នាជំនួបមិត្តភាពអន្តរជាតិដូចគ្នា។
ជាមួយគ្នានេះផងដែរ ក្រុមជម្រើសជាតិជប៉ុនបើកការប្រកួតពូល E របស់ខ្លួនដោយត្រូវទទួលក្រុមសឹង្ហបុរី នាវេលាម៉ោង៥ និង៣០នាទី នៅកីឡដ្ឋាន Saitama Stadium 2002៕
ក្នុងជំនួបលើកដំបូងជាមួយអាហ្វហ្គានីស្ថានដែលជាក្រុមស្ថិតនៅចន្លោះតំបន់អាស៊ីកណ្តាល និងអាស៊ីខាងត្បូង គ្រូបង្វឹកជនជាតិជប៉ុន លោក Kazunori Ohara បានកោះហៅកីឡាករពីឈុតស៊ីហ្គេមចំនួន១១នាក់ មកជួយក្រុម ហើយបានជម្រុះចេញកីឡាករក្នុងចំនួនដូចគ្នា។
លោក Ohara ទទួលស្គាល់ថា ក្រុមជម្រើសជាតិកម្ពុជាស្ថិតក្នុងដំណាក់កាលមួយដ៏ពិបាកបន្ទាប់ពីចាញ់សឹង្ហបុរី ប៉ុន្តែលោកសង្ឃឹមថា វត្តមានកីឡាករឆ្នើមៗមួយចំនួនពីឈុតស៊ីហ្គេម នឹងផ្តល់ភាពវិជ្ជមានដល់កម្ពុជា ជាពិសេសក្រុមអ្នកគាំទ្រក្នុងចំនួនដ៏ច្រើនសន្ធឹកសន្ធាប់។
« កីឡាករដែលត្រូវបានជម្រុះចេញ ក៏ជាកីឡាករដ៏ល្អផងដែរ ដូចជា ប៊ិន ធារី ជាដើម ប៉ុន្តែយើងមានជម្រើសដែលល្អប្រសើរជាងនេះ។ យើងធ្វើការតាមដានយ៉ាងខ្លាំងចំពោះកីឡាករដែលលេងក្នុងព្រឹត្តិការណ៍កីឡាស៊ីហ្គេម ខ្ញុំសង្ឃឹមថា កម្ពុជានឹងធ្វើបានល្អ»។ នេះជាការអះអាងរបស់គ្រូបង្វឹកក្រុមជម្រើសជាតិកម្ពុជា។
ជាមួយគ្នានេះផងដែរ ប្រធានក្រុម គួច សុគម្ភៈ បានស្វាគមន៍វត្តមានរបស់កីឡាករឆ្នើម១១នាក់ពីឈុតស៊ីហ្គេម ដែលរួមមាន ប្រាក់ មុន្នីឧត្តម, ចាន់ វឌ្ឍនាកា, ឈិន ឈឿន, កែវ សុខផេង, ហួយ ផល្លីន, នេន សុធារ័ត្ន, សំអឿន ពិដោរ, សឿយ វិសាល, សុខ សុវណ្ណ, សុះ ស៊ូហាណា និងអ្នកចាំទី អ៊ុំ សេរីរ័ត្ន។ សុគម្ភៈ បានលើកឡើងថា៖ «ក្រុមកីឡាករពីឈុតស៊ីហ្គេម មិនមែនជាកម្លាំងថ្មីឡើយ ពួកយើងធ្លាប់ហាត់ និងលេងជាមួយគ្នា ដូច្នេះសម្រាប់ជំនួបជាមួយអាហ្វហ្គានីស្ថាន យើងនឹងមិនមានបញ្ហាលើទម្រង់លេងនោះឡើយ»។
ថ្លែងក្នុងសន្និសីទសារព័ត៌មាននៅពហុកីឡដ្ឋានជាតិ កាលពីថ្ងៃម្សិលមិញផងដែរ លោក Slaven Skeledzic គ្រូបង្វឹកអាល្លឺម៉ង់ដើមកំណើតបូស្នី រំពឹងថា ក្រុមអាហ្វហ្គានីស្ថានរបស់លោកអាចលុបលាងការខកចិត្តដើម្បីដណ្តើមឲ្យបាន៣ពិន្ទុពីម្ចាស់ផ្ទះកម្ពុជា។
លោកបានបញ្ជាក់ថា៖ «យើងបានចាញ់ស៊ីរី ៦-០ ខណៈដែលអ្នកចាំទីរបស់យើងមានបញ្ហារបួស ហើយវាជាដ៏អស្ចារ្យផងដែរសម្រាប់ស៊ីរី ដែលបានស៊ុតបាល់បញ្ចូលទីនៅរាល់ឱកាសដែលខ្លួនមាននៅក្នុងការប្រកួត។ កម្ពុជាសំបូរទៅដោយកីឡាករដែលមានសមត្ថភាព ប៉ុន្តែកីឡាកររបស់ខ្ញុំនឹងមានការប្រឹងប្រែង១០០ភាគរយដើម្បីយកឈ្នះម្ចាស់ផ្ទះឲ្យបាន»។
ប្រធានក្រុមអាហ្វហ្គានីស្ថាន Djelaludin Sharityar ដែលធ្លាប់លេងក្នុងក្របខណ្ឌថ្នាក់តំបន់នៅអាល្លឺម៉ង់ ក្របខណ្ឌនៅប្រទេសបារ៉ែន និងស៊ីប បានតាំងចិត្តផងដែរថា ក្រុមរបស់ខ្លួននឹងចាកចេញពីកម្ពុជាជាមួយនឹងជ័យជម្នះ។
បើយោងតាមតារាងចំណាត់ថ្នាក់ចុងក្រោយរបស់ហ្វីហ្វា (FIFA World Ranking) អាហ្វហ្គានីស្ថានស្ថិតក្នុងចំណាត់ថ្នាក់ទី១៥១ ខណៈកម្ពុជាស្ថិតនៅចំណាត់ថ្នាក់ទី១៧៨ ។ នៅមុនចាញ់ ស៊ីរី ៦-០ អាហ្វហ្គានីស្ថាន បានយកឈ្នះឡាវ ២-០ និងស្មើបង់ក្លាដែស ១-១ ក្នុងជំនួបមិត្តភាពអន្តរជាតិ ខណៈកម្ពុជា នៅមុនពេលចាញ់សឹង្ហបុរី ៤-០ នៅចំពោះមុខក្រុមអ្នកគាំទ្រជាង៦ម៉ឺននាក់ ក្រុមលោក Ohara បានបញ្ចប់ក្នុងលទ្ធផលស្មើ ១-១ ជាមួយឡាវ និងយកឈ្នះមីយ៉ាន់ម៉ារ ១-០ នាជំនួបមិត្តភាពអន្តរជាតិដូចគ្នា។
ជាមួយគ្នានេះផងដែរ ក្រុមជម្រើសជាតិជប៉ុនបើកការប្រកួតពូល E របស់ខ្លួនដោយត្រូវទទួលក្រុមសឹង្ហបុរី នាវេលាម៉ោង៥ និង៣០នាទី នៅកីឡដ្ឋាន Saitama Stadium 2002៕
© រក្សាសិទ្ធិដោយ thmeythmey.com
