កីឡាជាតិ
ជាតិ
World Cup៖ កម្ពុជាចាញ់អាហ្វហ្គានីស្ថាន ១-០ ខណៈជប៉ុន-សឹង្ហបុរី គ្មានគ្រាប់បញ្ចូលទី
រូបឆ្វេង៖ ក្រុមជម្រើសជាតិកម្ពុជាជាមួយអាហ្វហ្គានីស្ថាន រូបស្តាំ៖ ក្រុមជប៉ុនជាមួយសឹង្ហបុរី។ រូបថត ThmeyThmey និង AFP
×![]()
ការស៊ុតបាល់បញ្ចូលទីរបស់ខ្សែបម្រើអាហ្វហ្គានីស្ថាន Mustafa Zazai នៅ៤នាទីមុនបញ្ចប់ការប្រកួត បានធ្វើឲ្យក្រុមជម្រើសជាតិកម្ពុជា រងនូវការខកចិត្តជាលើកទីពីរនៅលើទឹកដីខ្លួនក្នុងនាមជាម្ចាស់ផ្ទះនៃការប្រកួតជម្រុះជុំទី២ ប្រចាំតំបន់អាស៊ី ក្នុងដំណើរឈានឆ្ពោះទៅកាន់ព្រឹត្តិការណ៍ World Cup ឆ្នាំ២០១៨ ។ មុនពេលដែលអាហ្វហ្គានីស្ថាន យកឈ្នះកម្ពុជា ១-០ ក្រុមជម្រើសជាតិជប៉ុន បានបើកការប្រកួតពូល E របស់ខ្លួនជាមួយនឹងលទ្ធផលស្មើ ០-០ ជាមួយភ្ញៀវសឹង្ហបុរី។
ក្រុមកីឡាបាល់ទាត់ជម្រើសជាតិកម្ពុជា បានផ្តល់នូវការរំភើបយ៉ាងខ្លាំងសម្រាប់ការប្រកួតនៅតង់ទីមួយ ដោយ ស៊ុន សុវណ្ណរិទ្ធី មានឱកាសយ៉ាងឆាប់រហ័សនៅនាទីដំបូង ក្រោយការទាត់ហ្វ្រីឃីតរបស់ នេន សុធារ័ត្ន ប៉ុន្តែសុវណ្ណរិទ្ធី ទាត់ខុសគោលដៅ។
អាហ្វហ្គានីស្ថាន មានឱកាសវាយលុកនៅតំបន់គ្រោះថ្នាក់ផងដែរសម្រាប់ក្រុមកម្ពុជា ជាពិសេសប្រធានក្រុម Djerlalundin Sharitya ខ្សែបម្រើ Esmat Shanwary និងខ្សែបម្រើ Mustafa Zazai។
នៅនាទី ទី១៣ ឈិន ឈឿន បានលើកបាល់ចេញពីមុំខាងស្តាំ ប៉ុន្តែ ឃួន ឡាបូរ៉ាវី តែតខុសគោលដៅ។ បន្ទាប់មក កែវ សុខផេង មានឱកាសលេង One-Two ជាមួយ ឃួន ឡាបូរ៉ាវ មុននឹងបោះឲ្យប្រធានក្រុម គួច សុគម្ភៈ ប៉ុន្តែ សុគម្ភៈ ទាត់បាល់ចេញក្រៅ។
ឈានដល់តង់ទីពីរ អាហ្វហ្គានីស្ថាន ហាក់បើកការវាយលុយខ្លាំងជាងមុន ដោយផ្តល់ការងារយ៉ាងច្រើនដល់អ្នកចាំទី អ៊ុំ សេរីរ័ត្ន។ ចាន់ វឌ្ឍនាកា បានចូលជំនួស ហួយ ផល្លីន នៅនាទី ទី៧០ ហើយតែមួយនាទីប៉ុណ្ណោះ វឌ្ឍនាកា មានឱកាសទាត់ទៅទីរបស់អាហ្វហ្គានីស្ថាន ប៉ុន្តែសំណាងមិនល្អ បាល់បានរមៀលទៅប៉ះនឹងរបាទី។
ទីបំផុត អាហ្វហ្គានីស្ថាន លុបលាងការខកចិត្តក្រោយចាញ់ស៊ីរី ៦-០ តាមរយៈការយកឈ្នះកម្ពុជា ១-០ នៅចុងម៉ោង។
ក្នុងការប្រកួតនេះ កីឡាករឈុត U-23 ចំនួន៨នាក់ត្រូវបានគ្រូបង្វឹកជប៉ុន លោក Kazunori Ohara ដាក់បញ្ចូលក្នុងជម្រើស១១នាក់ដំបូងសម្រាប់ជំនួបជាមួយអាហ្វហ្គានីស្ថាន។
កីឡាករជម្រើសជាតិកម្ពុជារួមមាន៖ អ៊ុំ សេរីរ័ត្ន (អ្នកចាំទី), សុខ សុវណ្ណ,នេន សុធារ័ត្ន (សាយ ពិសិដ្ឋ ៩០’), សឿយ វិសាល, ស៊ុន សុវណ្ណរិទ្ធី, ហួយ ផល្លីន (ចាន់ វឌ្ឍនាកា ៧០’), សុះ ស៊ូហាណា, ឈិន ឈឿន, កែវ សុខផេង (សួន វាសនា ៥៨’) ,ឃួន ឡាបូរ៉ាវី, គួច សុគម្ភៈ (ប្រធានក្រុម)។ កីឡាករបម្រុង៖ ស៊ូ យ៉ាទី (អ្នកចាំទី), ទៀង ទីនី, សុខ រិទ្ធី, វ៉ា សុខថន, ឃឹម បូរី, គឹម មករា, សំអឿន ពិដោរ, ឈុន សុធារ័ត្ន, ប្រាក់ ចាន់រតនា។
ដោយឡែក ក្រុមជម្រើសជាតិជប៉ុនដែលសំបូរទៅដោយកីឡាករឆ្នើមៗ បានបញ្ចប់ការប្រកួតត្រឹមស្មើ ០-០ ជាមួយសឹង្ហបុរី នៅកីឡដ្ឋាន Saitama Stadium 2002 ក្រុង Saitama ។
សម្រាប់ពូល E សឹង្ហបុរី ដែលបានយកឈ្នះកម្ពុជា ៤-០ និងស្មើ ០-០ ជាមួយជប៉ុន ឈរលេខមួយបណ្តោះអាសន្ន ខណៈស៊ីរី ឈរលេខ២ ដោយមាន៣ពិន្ទុស្មើអាហ្វហ្គានីស្ថាន។ ជប៉ុនដែលទើបប្រកួតបានមួយលើកមាន១ពិន្ទុ ខណៈកម្ពុជាមិនទាន់មានពិន្ទុរាប់ឡើយ៕
ក្រុមកីឡាបាល់ទាត់ជម្រើសជាតិកម្ពុជា បានផ្តល់នូវការរំភើបយ៉ាងខ្លាំងសម្រាប់ការប្រកួតនៅតង់ទីមួយ ដោយ ស៊ុន សុវណ្ណរិទ្ធី មានឱកាសយ៉ាងឆាប់រហ័សនៅនាទីដំបូង ក្រោយការទាត់ហ្វ្រីឃីតរបស់ នេន សុធារ័ត្ន ប៉ុន្តែសុវណ្ណរិទ្ធី ទាត់ខុសគោលដៅ។
អាហ្វហ្គានីស្ថាន មានឱកាសវាយលុកនៅតំបន់គ្រោះថ្នាក់ផងដែរសម្រាប់ក្រុមកម្ពុជា ជាពិសេសប្រធានក្រុម Djerlalundin Sharitya ខ្សែបម្រើ Esmat Shanwary និងខ្សែបម្រើ Mustafa Zazai។
នៅនាទី ទី១៣ ឈិន ឈឿន បានលើកបាល់ចេញពីមុំខាងស្តាំ ប៉ុន្តែ ឃួន ឡាបូរ៉ាវី តែតខុសគោលដៅ។ បន្ទាប់មក កែវ សុខផេង មានឱកាសលេង One-Two ជាមួយ ឃួន ឡាបូរ៉ាវ មុននឹងបោះឲ្យប្រធានក្រុម គួច សុគម្ភៈ ប៉ុន្តែ សុគម្ភៈ ទាត់បាល់ចេញក្រៅ។
ឈានដល់តង់ទីពីរ អាហ្វហ្គានីស្ថាន ហាក់បើកការវាយលុយខ្លាំងជាងមុន ដោយផ្តល់ការងារយ៉ាងច្រើនដល់អ្នកចាំទី អ៊ុំ សេរីរ័ត្ន។ ចាន់ វឌ្ឍនាកា បានចូលជំនួស ហួយ ផល្លីន នៅនាទី ទី៧០ ហើយតែមួយនាទីប៉ុណ្ណោះ វឌ្ឍនាកា មានឱកាសទាត់ទៅទីរបស់អាហ្វហ្គានីស្ថាន ប៉ុន្តែសំណាងមិនល្អ បាល់បានរមៀលទៅប៉ះនឹងរបាទី។
ទីបំផុត អាហ្វហ្គានីស្ថាន លុបលាងការខកចិត្តក្រោយចាញ់ស៊ីរី ៦-០ តាមរយៈការយកឈ្នះកម្ពុជា ១-០ នៅចុងម៉ោង។
ក្នុងការប្រកួតនេះ កីឡាករឈុត U-23 ចំនួន៨នាក់ត្រូវបានគ្រូបង្វឹកជប៉ុន លោក Kazunori Ohara ដាក់បញ្ចូលក្នុងជម្រើស១១នាក់ដំបូងសម្រាប់ជំនួបជាមួយអាហ្វហ្គានីស្ថាន។
កីឡាករជម្រើសជាតិកម្ពុជារួមមាន៖ អ៊ុំ សេរីរ័ត្ន (អ្នកចាំទី), សុខ សុវណ្ណ,នេន សុធារ័ត្ន (សាយ ពិសិដ្ឋ ៩០’), សឿយ វិសាល, ស៊ុន សុវណ្ណរិទ្ធី, ហួយ ផល្លីន (ចាន់ វឌ្ឍនាកា ៧០’), សុះ ស៊ូហាណា, ឈិន ឈឿន, កែវ សុខផេង (សួន វាសនា ៥៨’) ,ឃួន ឡាបូរ៉ាវី, គួច សុគម្ភៈ (ប្រធានក្រុម)។ កីឡាករបម្រុង៖ ស៊ូ យ៉ាទី (អ្នកចាំទី), ទៀង ទីនី, សុខ រិទ្ធី, វ៉ា សុខថន, ឃឹម បូរី, គឹម មករា, សំអឿន ពិដោរ, ឈុន សុធារ័ត្ន, ប្រាក់ ចាន់រតនា។
ដោយឡែក ក្រុមជម្រើសជាតិជប៉ុនដែលសំបូរទៅដោយកីឡាករឆ្នើមៗ បានបញ្ចប់ការប្រកួតត្រឹមស្មើ ០-០ ជាមួយសឹង្ហបុរី នៅកីឡដ្ឋាន Saitama Stadium 2002 ក្រុង Saitama ។
សម្រាប់ពូល E សឹង្ហបុរី ដែលបានយកឈ្នះកម្ពុជា ៤-០ និងស្មើ ០-០ ជាមួយជប៉ុន ឈរលេខមួយបណ្តោះអាសន្ន ខណៈស៊ីរី ឈរលេខ២ ដោយមាន៣ពិន្ទុស្មើអាហ្វហ្គានីស្ថាន។ ជប៉ុនដែលទើបប្រកួតបានមួយលើកមាន១ពិន្ទុ ខណៈកម្ពុជាមិនទាន់មានពិន្ទុរាប់ឡើយ៕
© រក្សាសិទ្ធិដោយ thmeythmey.com
