អន្តរជាតិ
នយោបាយអន្តរជាតិ
×![]()
ដោយ: ថ្មីៗ
តុលាការអេហ្ស៊ីបសម្រេចចុងក្រោយម្សិលមិញ ដោយរក្សាការដាក់ទោសប្រហារជិវិតអតីតប្រធានាធិបតី មហាមេត ម៉រស៊ី (Mohamed Morsi) ដោយរងការចោទប្រកាន់ថាជាអ្នកនៅពីក្រោយ ការវាយប្រហារប៉ូលិសក្នុងចលនាបដិវត្តន៍ឆ្នាំ ២០១១។ តួកគី អាមេរិក និងអង្គការសហប្រជាជាតិបានថ្កោលទោសអេហ្ស៊ីបនិងទាមទារឲ្យអេហ្ស៊ីបញ្ឈប់ចំណាត់ការព្រៃផ្សៃនេះ ដោយពួកគេអះអាងថាការកាត់ទោសនេះស្ថិតក្រោមឥទ្ធិពលនយោបាយប៉ុណ្ណោះ។
-
លោក មុំ ពិទូរ្យ លម្អិតព័ត៌មាននេះ
អតីតប្រធាធិបតីដែលឡើងកាន់តំណែដោយការបោះឆ្នោតត្រឹមត្រូវតាមគោលការណ៍ប្រជាធិបតេយ្យមហាមេត ម៉រស៊ី គេចមិនផុតពីទោសប្រហារជិវិតឡើយ។ តុលាការអេហ្ស៊ីបម្សិលមិញនេះបានប្រកាសគាំទ្រសាលក្រមកាត់ទោសប្រហារជីវិតអតីតប្រធានាធិបតីនេះ ក្រោមបទចោទជាប់ពាក់ព័ន្ធករណីហែកគុក និងការវាយប្រហារក្រុមប៉ូលិសក្នុងចលនាបដិវត្តន៍ប្រជាជនឆ្នាំ ២០១១។ បន្ថែមពីនេះ តុលាការដដែលក៏បានកាត់ទោសមេដឹកនាំម្នាក់នេះក្នុងសំណុំរឿងផ្សេងទៀត ឲ្យជាប់ពន្ធនាគារមួយជីវិត ដោយសារលួចយកការណ៍ឲ្យក្រុមហាម៉ាស ប៉ាឡេស្ទីន អ៊ីរ៉ង់ និងក្រុមហេស្បូឡានៅលីបង់ផង។
សេចក្តីសម្រេចរបស់តុលាការកំពុងតែធ្វើឲ្យសហគមន៍អន្តរជាតិព្រួយបារម្ភជាខ្លាំង ហើយការសម្រេចនេះក៏ស្ថិតក្រោមឥទ្ធិពលនយោបាយទៀត។ ប្រមុខស្ថាប័នអង្គការសហប្រជាជាតិលោក បានគីមូន បានសម្តែងក្តីបារម្ភ និងថ្កោលទោសតុលាការអេហ្ស៊ីបដែលធ្វើទុក្ខបុកម្នេញតែក្រុមភាតរឥស្លាម និងមិនមានឯករាជភាពក្នុងការកាត់ក្តីឡើយ។ លោក បាគីមូន សង្កត់ធ្ងន់ថា សហគមន៍អន្តរជាតិប្រឆាំងរាល់ការប្រើប្រាស់ទោសប្រហារជីវិត ដែលរំលោភសិទ្ធិមនុស្សយ៉ាងធ្ងន់ធ្ងរ ហើយលោកជឿថាការអនុវត្តសាលក្រមតុលាការដោយប្រហារជីវិតអតីតមេដឹកនាំស្របច្បាប់នេះនឹងធ្វើឲ្យប៉ះពាល់ដល់ស្ថិរភាពក្នុងប្រទេសអេហ្ស៊ីប។
ក្រៅពីលោក មហាម៉េត ម៉រស៊ី មេដឹកនាំក្រុមភារតឥស្លាម៤នាក់ផ្សេងទៀតក៏ប្រឈមនឹងកាត់ទោសប្រហារជីវិតដូចគ្នាដែរ។ កន្លងមកសមាជិកក្រុមភាតរឥស្លាមអេហ្ស៊ីបត្រូវបានរដ្ឋាភិបាលអេហ្ស៊ីបចាត់ទុកជាក្រុមភេរវកម្មផង ហើយសមាជិកក្រុមនេះជាច្រើនត្រូវបានគេសម្លាប់គ្មានឆ្លងកាត់ប្រព័ន្ធយុត្តធម៌ត្រឹមត្រូវឡើយ។
ដោយប្រធានាធិបតី តួកគីលោក RecepTayyipErdoganក៏បានរិះគន់អេហ្ស៊ីបខ្លាំងៗ និងអំពាវនាវឲ្យសហគមន៍អន្តរជាតិបង្ខំរដ្ឋាភិបាលក្រុង កៃរ៉ូ បញ្ឈប់ទង្វើព្រៃផ្សៃរបស់ខ្លួនជាប្រញាប់។ ប្រមុខរដ្ឋតួកគីបានហៅការគាំទ្រទោសប្រហារជីវិតលោក ម៉រស៊ី ជាអត្តឃាតប្រព័ន្ធយុត្តាធិការ និងសិទ្ធិជាមូលដ្ឋានរបស់ប្រជាជន។ លោកបានបន្ថែមថា ការសម្រេចរបស់តុលាការស្ថិតក្រោមការណែនាំរបស់របបដឹកនាំមិនស្របច្បាប់ដែលឡើងកាន់តំណែងដោយរដ្ឋប្រហាររបស់ឧត្តមសេនីយ៏ Abdel Fattah el-Sisi ប៉ុណ្ណោះ ហើយរាល់ទង្វើបំពារបំពានសិទ្ធិមនុស្សនឹងគំរាមកំហែងស្ថិរភាពនិងសន្តិភាពទូទាំងប្រទេសអេហ្ស៊ីបចៀសមិនផុតឡើយ។
ក្រៅពីមានការថ្កោលទោសពីខាងក្រៅ ប្រជាជនអេហ្ស៊ីបដែលជាសមាជិកក្រុមភាតរឥស្លាមបានអំពាវនាវឲ្យប្រជាជនអេហ្ស៊ីទាំងអស់ក្រោកឈរតវ៉ាប្រឆាំងសាលក្រមរបស់តុលាការនេះ។ គេឃើញមានក្រុមបាតុករនៅចាំតវ៉ាជាច្រើនថ្ងៃដែរនៅក្នុងទីក្រុងធំក្នុងប្រទេសអេហ្ស៊ីបហើយមានខ្លះទៀតរៀបចំបាតុកម្មនៅក្រៅប្រទេសមាននៅតួកគី និងនៅលីបង់ជាដើម៕
-
លោក មុំ ពិទូរ្យ លម្អិតព័ត៌មាននេះ
អតីតប្រធាធិបតីដែលឡើងកាន់តំណែដោយការបោះឆ្នោតត្រឹមត្រូវតាមគោលការណ៍ប្រជាធិបតេយ្យមហាមេត ម៉រស៊ី គេចមិនផុតពីទោសប្រហារជិវិតឡើយ។ តុលាការអេហ្ស៊ីបម្សិលមិញនេះបានប្រកាសគាំទ្រសាលក្រមកាត់ទោសប្រហារជីវិតអតីតប្រធានាធិបតីនេះ ក្រោមបទចោទជាប់ពាក់ព័ន្ធករណីហែកគុក និងការវាយប្រហារក្រុមប៉ូលិសក្នុងចលនាបដិវត្តន៍ប្រជាជនឆ្នាំ ២០១១។ បន្ថែមពីនេះ តុលាការដដែលក៏បានកាត់ទោសមេដឹកនាំម្នាក់នេះក្នុងសំណុំរឿងផ្សេងទៀត ឲ្យជាប់ពន្ធនាគារមួយជីវិត ដោយសារលួចយកការណ៍ឲ្យក្រុមហាម៉ាស ប៉ាឡេស្ទីន អ៊ីរ៉ង់ និងក្រុមហេស្បូឡានៅលីបង់ផង។
សេចក្តីសម្រេចរបស់តុលាការកំពុងតែធ្វើឲ្យសហគមន៍អន្តរជាតិព្រួយបារម្ភជាខ្លាំង ហើយការសម្រេចនេះក៏ស្ថិតក្រោមឥទ្ធិពលនយោបាយទៀត។ ប្រមុខស្ថាប័នអង្គការសហប្រជាជាតិលោក បានគីមូន បានសម្តែងក្តីបារម្ភ និងថ្កោលទោសតុលាការអេហ្ស៊ីបដែលធ្វើទុក្ខបុកម្នេញតែក្រុមភាតរឥស្លាម និងមិនមានឯករាជភាពក្នុងការកាត់ក្តីឡើយ។ លោក បាគីមូន សង្កត់ធ្ងន់ថា សហគមន៍អន្តរជាតិប្រឆាំងរាល់ការប្រើប្រាស់ទោសប្រហារជីវិត ដែលរំលោភសិទ្ធិមនុស្សយ៉ាងធ្ងន់ធ្ងរ ហើយលោកជឿថាការអនុវត្តសាលក្រមតុលាការដោយប្រហារជីវិតអតីតមេដឹកនាំស្របច្បាប់នេះនឹងធ្វើឲ្យប៉ះពាល់ដល់ស្ថិរភាពក្នុងប្រទេសអេហ្ស៊ីប។
ក្រៅពីលោក មហាម៉េត ម៉រស៊ី មេដឹកនាំក្រុមភារតឥស្លាម៤នាក់ផ្សេងទៀតក៏ប្រឈមនឹងកាត់ទោសប្រហារជីវិតដូចគ្នាដែរ។ កន្លងមកសមាជិកក្រុមភាតរឥស្លាមអេហ្ស៊ីបត្រូវបានរដ្ឋាភិបាលអេហ្ស៊ីបចាត់ទុកជាក្រុមភេរវកម្មផង ហើយសមាជិកក្រុមនេះជាច្រើនត្រូវបានគេសម្លាប់គ្មានឆ្លងកាត់ប្រព័ន្ធយុត្តធម៌ត្រឹមត្រូវឡើយ។
ដោយប្រធានាធិបតី តួកគីលោក RecepTayyipErdoganក៏បានរិះគន់អេហ្ស៊ីបខ្លាំងៗ និងអំពាវនាវឲ្យសហគមន៍អន្តរជាតិបង្ខំរដ្ឋាភិបាលក្រុង កៃរ៉ូ បញ្ឈប់ទង្វើព្រៃផ្សៃរបស់ខ្លួនជាប្រញាប់។ ប្រមុខរដ្ឋតួកគីបានហៅការគាំទ្រទោសប្រហារជីវិតលោក ម៉រស៊ី ជាអត្តឃាតប្រព័ន្ធយុត្តាធិការ និងសិទ្ធិជាមូលដ្ឋានរបស់ប្រជាជន។ លោកបានបន្ថែមថា ការសម្រេចរបស់តុលាការស្ថិតក្រោមការណែនាំរបស់របបដឹកនាំមិនស្របច្បាប់ដែលឡើងកាន់តំណែងដោយរដ្ឋប្រហាររបស់ឧត្តមសេនីយ៏ Abdel Fattah el-Sisi ប៉ុណ្ណោះ ហើយរាល់ទង្វើបំពារបំពានសិទ្ធិមនុស្សនឹងគំរាមកំហែងស្ថិរភាពនិងសន្តិភាពទូទាំងប្រទេសអេហ្ស៊ីបចៀសមិនផុតឡើយ។
ក្រៅពីមានការថ្កោលទោសពីខាងក្រៅ ប្រជាជនអេហ្ស៊ីបដែលជាសមាជិកក្រុមភាតរឥស្លាមបានអំពាវនាវឲ្យប្រជាជនអេហ្ស៊ីទាំងអស់ក្រោកឈរតវ៉ាប្រឆាំងសាលក្រមរបស់តុលាការនេះ។ គេឃើញមានក្រុមបាតុករនៅចាំតវ៉ាជាច្រើនថ្ងៃដែរនៅក្នុងទីក្រុងធំក្នុងប្រទេសអេហ្ស៊ីបហើយមានខ្លះទៀតរៀបចំបាតុកម្មនៅក្រៅប្រទេសមាននៅតួកគី និងនៅលីបង់ជាដើម៕
© រក្សាសិទ្ធិដោយ thmeythmey.com
