ពីនេះ ពីនោះ
×![]()
ដោយ: ថ្មីៗ
មនុស្សគ្រប់គ្នាសុទ្ធតែជាមេដឹកនាំ គ្រាន់តែអ្នកខ្លះជាអ្នកដឹកនាំខ្លួនឯងដើម្បីឆ្ពោះទៅរកគោលដៅមួយ រីឯអ្នកខ្លះជាអ្នកដឹកនាំក្រុមដែលមានមនុស្សច្រើននាក់ ដើម្បីធ្វើកិច្ចការអ្វីមួយឲ្យទទួលបានលិទ្ធផលអ្វីមួយដែលពួកគេពេញចិត្ត។ ប្រសិនជា មិនមានគន្លឹះឬវិធីសាស្ត្រដឹកនាំទេនោះ នោះអាចជោគជ័យឡើយ។ តើមានគន្លឹះឬយុទ្ធសាស្ត្រអ្វីខ្លះ ដើម្បីដឹកនាំសមាជិកក្រុមមួយឲ្យជោគជ័យ?
ទី១) ត្រូវមានអត្តចរិត និងសីលធម៌ល្អ៖ អ្នកដឹកនាំល្អត្រូវតែជាមនុស្សដែលមានអត្តចរិត និងក្រមសីលធម៌ល្អបំផុត ដើម្បីរស់នៅក្នុងភាពជាពលរដ្ឋល្អ និងជាគំរូដល់កូនក្រុមផង ដោយត្រូវចេះឲ្យតម្លៃ ចេះដាក់ខ្លួន ប្រើពាក្យសំដៅពីរោះ...។
ទី២) ត្រូវស្គាល់សមាជិកក្រុមឲ្យបានច្បាស់៖ អ្នកដឹកនាំល្អត្រូវតែជាមនុស្សដែលស្គាល់ពីសុខទុក្ខ ដឹងពីកម្រិតចំណេះដឹង ទេព្យកោសល្យ អត្តចរិត និងសមត្ថភាពរបស់សមាជិកក្រុមម្នាក់ៗបានច្បាស់ មុននឹងបែងចែកកិច្ចការឲ្យពួកគេអនុវត្តន៍។
ទី៣) ត្រូវមានគំនិតច្នៃប្រឌិតខ្ពស់៖ អ្នកដឹកនាំល្អត្រូវតែជាមនុស្សដែលមានគំនិតច្នៃប្រឌិតខ្ពស់ក្នុងការរៀបំផែនការយុទ្ធសាស្ត្រ ឬធ្វើឲ្យការងារក្រុមកាន់តែរឹងមាំនិងខ្លាំង និងត្រូវមានបញ្ញានិងសមត្ថភាពក្នុងការដោះស្រាយបញ្ហា និងហានីភ័យនាននៅក្នុងក្រុមការងារ។
ទី៤) ត្រូវមានទំនាក់ទំនងល្អ និងពូកែលើកទឹកចិត្ត៖ អ្នកដឹកនាំល្អត្រូវតែជាមនុស្សដែលមានទំនាក់ទំនងយ៉ាងជិតស្និតជាមួយនឹងសមាជិកក្រុម និងត្រូវមានទំនាក់ទំនងល្អជាមួយអ្នកដទៃឲ្យបានកាន់តែច្រើន។ ជាពិសេស ជាមនុស្សដែលពូកែលើកទឹកចិត្តដល់កូនក្រុមដោយការសរសេរ ការចែករំលែកចំណេះដឹង ការយកចិត្តទុក និងជួយបំពេញចំណុចខ្វះខាតដល់កូនក្រុម និងផ្តល់ឱកាសដល់អ្នកទន់ខ្សោងឲ្យគេមានឱកាសដូចអ្នកខ្លាំងដែរ។
ទី៥) ត្រូវមានទំនួលខុសត្រូវខ្ពស់៖ អ្នកដឹកនាំល្អត្រូវតែជាមនុស្សដែលចេះទទួលយកកំហុសនៅពេលដែលខ្លួនធ្វើខុស មិនធ្វើអ្វីមួយយកមុខមាត់តែឯង ចេះទទួលយកគំនិតពីកូនក្រុមមកពិចារណា និងចេញមុខដោះស្រាយបញ្ហានៅពេលមានបញ្ហាកើតឡើងម្តង៕
© រក្សាសិទ្ធិដោយ thmeythmey.com
