ពីនេះ ពីនោះ
នៅអង់គ្លេស ការចោះត្រចៀកកូនដោយចិត្តឯងនឹងក្លាយជារឿងខុសច្បាប់ឬ ?
× តើឪពុកម្តាយមានសិទ្ធិចោះត្រចៀកកូនដែរឬទេ ? កិច្ចពិភាក្សាអំពីប្រធានបទនេះត្រូវបានធ្វើឡើងនៅចក្រភពអង់គ្លេស បន្ទាប់ពីមានញត្តិស្នើឲ្យបញ្ឈប់ការចោះត្រចៀកកូនតាមចិត្តឪពុកម្តាយ ដោយចាត់ទុកថា នេះជាទង្វើមិនឲ្យតម្លៃចំពោះកូន។ម្យ៉ាងទៀត វាជាសម្រេចរបស់ឪពុកម្តាយ មិនមែនជាជម្រើសរបស់កូនទេ។ ការយល់ព្រមពីកូនគឺជារឿងចាំបាច់ ដោយត្រូវរង់ចាំដល់អាយុណាមួយដែលត្រូវកំណត់ដោយច្បាប់។
តំណាងរាស្ត្រមួយរូបមកពីគណបក្សពលករនៃប្រទេសនេះបានមានប្រសាសន៍ថា លោកមានបំណងស្នើឲ្យសភាអនុម័តការហាមឃាត់ចោះត្រចៀកកូនដោយចិត្តឯងនេះ ឬបើមិនដូច្នោះទេ សភាត្រូវកំណត់អាយុក្មេងជាអតិប្បរមាណាមួយសម្រាប់ចោះត្រចៀក។
លោក Tim Ballard អនុប្រធានក្រុមគ្រូពេទ្យឯកទេសទូទៅនៅអង់គ្លេសបានពន្យល់ថា ជួនកាល ការសម្រេចចិត្តចោះត្រចៀកកូនពាក់ព័ន្ធនឹងវប្បធម៌។ ប៉ុន្តែ លោកផ្តល់អនុសាសន៍ថា មិនត្រូវចោះកន្លែងណាផ្សេងនៃរាងកាយក្រៅពីទងត្រចៀកទេ។ ម្យ៉ាងទៀត ការចោះត្រចៀកនេះត្រូវតែធ្វើក្នុងលក្ខខណ្ឌប្រកបដោយអនាម័យខ្ពស់ដោយមានអ្នកដែលឯកទេសត្រឹមត្រូវ ហើយត្រូវតាមដានស្លាកស្នាមនោះឲ្យបានត្រឹមត្រូវ៕
© រក្សាសិទ្ធិដោយ thmeythmey.com