លោក ហ៊ុន សែន ប្រកាសបន្តវប្បធម៌សន្ទនា ក្នុងថ្ងៃកំណើតបក្ស

ជាតិ

លោក ហ៊ុន សែន ប្រកាសបន្តវប្បធម៌សន្ទនា ក្នុងថ្ងៃកំណើតបក្ស

28, Jun 2015 , 8:20 am

រូបភាព

សមាជិកគណបក្សប្រជាជនកម្ពុជាក្នុងថ្ងៃរម្លឹកខួបឆ្នាំទី៦៤នៃកំណើតគណបក្ស

ដោយ: លាង ដឺលុច (Leang Delux)

លោក ហ៊ុន សែន ប្រធានគណបក្សប្រជាជនកម្ពុជាគឺជាអ្នកអានសុន្ទរកថា៩ទំព័រនៅក្នុងថ្ងៃកំណើតគណបក្សលើកទី៦៤នៅថ្ងៃទី២៨មិថុនានេះ។ នៅក្នុងសុន្ទរកថានោះ ប្រធានគណបក្សប្រជាជនកម្ពុជាបានប្រកាសលើកកម្ពស់វប្បធម៌សន្ទនាជាមួយចលនានយោបាយផ្សេងៗ ។

ប្រធានគណបក្សប្រជាជនកម្ពុជា លោក ហ៊ុន សែន និងជានាយករដ្ឋមន្ត្រីផងនោះ បានរំឮកអំពីសមិទ្ធផលជាច្រើន ដែលបង្ហាញថាគណបក្សដឹកនាំប្រទេសតាំងពីក្រោយការដួលរលំរបបខ្មែរក្រហមមកនេះ សម្រេចបាន។ ក្នុងចំណោមស្នាដៃចុងក្រោយ លោក ហ៊ុន សែន ក៏មិនបានបំភ្លេចលើកឡើងអំពីវប្បធម៌សន្ទនា ដែលលោកបានបង្កើតជាមួយលោក សម រង្ស៊ី ប្រធានគណបក្សសង្គ្រោះជាតិនោះឡើយ។ វប្បធម៌សន្ទនានេះត្រូវបានប្រធានគណបក្សកាន់អំណាច បញ្ជាក់ថា វាគឺជាផ្នែកមួយនៃនយោបាយសាមគ្គីប្រជាជាតិទាំងមូល។

«គណបក្សប្រជាជនកម្ពុជាប្រកាន់ជំហរយ៉ាងរឹងមាំក្នុងការថែរក្សាការពាររាល់សមិទ្ធផលនៃសង្គមជាតិ ជាពិសេសគឺសន្តិភាព និងស្ថិរភាពនយោបាយដេលជាសមិទ្ធផលដ៏ធំធេងមិនអាចកាត់ថ្លៃបាន។ យើងនឹងបន្តលើកកម្ពស់ វប្បធម៌សន្ទនា ជាមួយគណបក្សនយោបាយទាំងអស់ ដោយបញ្ចប់ការប្រឈមមុខគ្នា ក្នុងគោលបំណងធានាឲ្យបាននូវស្មារតីសាមគ្គីប្រជាជាតិទាំងមូល ធានានូវបរិយាកាសនយោបាយល្អ ប្រសើរប្រកបដោយស្ថិរភាព ក៏ដូចជាធានានូវការជឿទុកចិត្តរបស់អ្នកវិនិយោគទាំងក្នុង និងក្រៅប្រទេស»។ នេះគឺជាការថ្លែងរបស់លោក ហ៊ុន សែន។

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

4 ម៉ោង

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

6 ថ្ងៃ

អត្ថបទពេញនិយមបន្ថែម