ជាតិ
សង្គមជាតិ
ក្រសួងព្រមានក្រុមហ៊ុនទូរសព្ទដែលលក់ស៊ីមកាត មិនថតចម្លងអត្តសញ្ញាណប័ណ្ណ
× រដ្ឋមន្ត្រីក្រសួងប្រៃសណីយ៍ និងទូរគមនាគមន៍បានព្រមានថាក្រសួងនឹង ធ្វើការផាកពិន័យចំពោះក្រុមហ៊ុនទូរសព្ទ័ចល័តណា ដែលនៅតែបន្តចែកចាយ និងលក់ស៊ីមកាត ដោយមិនបានថតចម្លងអត្តសញ្ញាណប័ណ្ណពីទៅអតិថិជន។
ការព្រមានរបស់ ថ្នាក់ដឹកនាំក្រសួងប្រៃសណីយ៍ និងទូរគមនាគមន៍នេះ បានធ្វើឡើងនៅក្នុងពិធីបើកដំណើរការសេវាដឹកជញ្ជូនអ្នកដំណើរ នៅព្រឹកថ្ងៃទី២៩ ខែមិថុនាឆ្នាំ២០១៥ ។ ក្រៅពីថ្លែងព្រមាន លោកប្រាក់ សុខុន ក៏ជំរុញឱ្យក្រុមការងារជំនាញទូរគមនាគមន៍កម្ពុជា ពន្លឿនកិច្ចសហការជាមួយក្រសួងមហាផ្ទៃ ដើម្បីកំណត់ការផាកពិន័យនេះ។
ដើម្បីកុំឲ្យជនខិលខូចមួយចំនួនប្រព្រឹត្តអំពើមិនគប្បី ដូចជាគំរាមកំហែងអ្នកដទៃ បោកប្រាក់លុយកាក់ជាដើម។ ការចែកចាយស៊ីម និងលក់ស៊ីមទៅឱ្យអតិថិជនដែលមិនបានថតចម្លងអត្តសញ្ញាណប័ណ្ណ នឹងធ្វើឱ្យសមត្ថកិច្ចពិបាកក្នុងការកំណត់អត្តសញ្ញាណនៅពេលមានបញ្ហាណាមួយកើតឡើង៕
ប្រភព៖AKP
© រក្សាសិទ្ធិដោយ thmeythmey.com