ជាតិ
សង្គមជាតិ
ពលរដ្ឋប្រទះឃើញរូបចម្លាក់២ដុំនៅមុខអង្គរពេលភ្ជួរដីធ្វើស្រែ រូបភាព៖ ហ្វេសប៊ុក
× សៀមរាប៖ ពលរដ្ឋនៅតំបន់អង្គរ បានប្រទះឃើញរូបចម្លាក់បុរាណចំនួន២ដុំ។ ការប្រទះឃើញរូបចម្លាក់នៅពេលនេះ ខណៈដែលពលរដ្ឋកំពុងភ្ជួរដីធ្វើស្រែ ដែលមានទីតាំងមិនឆ្ងាយប៉ុន្មានពីបរិវេណមុខប្រាសាទអង្គរវត្ត។
ពលរដ្ឋដែលជាកសិកររស់នៅមុខអង្គរវត្ត បានប្រទះឃើញរូបចម្លាក់ចំនួន២ដុំ ដែលមិនទាន់កំណត់អត្តសញ្ញាណនៅឡើយ។ រូបទាំងនោះ មានរូបអ្នកតា និងរូបអប្សរា។ បច្ចុប្បន្ន រូបចម្លាក់ទាំង២ខាងលើ ត្រូវបានពលរដ្ឋប្រគល់ឲ្យអាជ្ញាធរអប្សរា ដើម្បីថែរក្សាទុក។
តាមរូបភាពដែលបានចែកចាយក្នុងបណ្តាញសង្គមហ្វេសប៊ុក ហើយដែលត្រូវគេប៉ាន់ស្មានថា រូបមួយៗមានទម្ងន់ពី៣០ ទៅ៤០គីឡូក្រាម។ មន្ត្រីនៃអាជ្ញាធរជាតិអប្សរា មិនទាន់អាចទំនាក់ទំនងបាននៅឡើយទេ នៅរសៀលនេះ៕
ព័ត៌មានបន្ថែមនឹងលម្អិតនៅពេលក្រោយ
© រក្សាសិទ្ធិដោយ thmeythmey.com