ជាតិ
សង្គមជាតិ
×![]()
ដោយ: ថ្មីៗ
អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) កំពុងបើកសវនាការលើកទីមួយ ទាក់ទងនឹងបណ្តឹងសាទុក្ខរបស់លោក នួន ជា និងលោក ខៀវ សំផន និងសហព្រះរាជអាជ្ញាប្រឆាំងនឹងសាលក្រមរបស់អង្គជំនុំជម្រះសាលាដំបូងក្នុងសំណុំរឿង០០២/០១ ។ សវនាការនេះ គ្រោងនឹងរៀបចំធ្វើពីថ្ងៃទី២ ទី៣ ទី៦ខែកក្កដា ហើយថ្ងៃទី៧ ខែកក្កដា ២០១៥ គឺជាថ្ងៃបម្រុង ប្រសិនបើត្រូវការពេលវេលាបន្ថែម។ 
លោក នេត ភក្ត្រា អ្នកនាំពាក្យសាលាក្តីខ្មែរក្រហម បានឲ្យដឹងថា អង្គជំនុំជម្រះ នឹងស្តាប់សក្ខីកម្មរបស់សាក្សី៣រូប ដែលអង្គជំនុំជម្រះបានសម្រេចកោះហៅតាមសេចក្តីសម្រេចចុះថ្ងៃទី ២៩ ខែឧសភា ឆ្នាំ២០១៥ ។ ដោយឡែកសម្រាប់សវនាការបន្ថែមទៀត ដែលត្រូវរួមបញ្ចូលនូវសារណាផ្ទាល់មាត់លើបញ្ហាដែលបានលើកឡើង នៅក្នុងបណ្តឹងសាទុក្ខនោះ អង្គជំនុំជម្រះ នឹងធ្វើការកំណត់កាលបរិច្ឆេទទៅតាមពេលវេលាសមស្រប។
លោក នួន ជា និង ខៀវ សំផន បានធ្វើបណ្តឹងសាទុក្ខប្រឆាំងនឹងសាលក្រមរបស់អង្គជំនុំជម្រះសាលាដំបូង ដែលបានចេញនៅក្នុងខែសីហា ឆ្នាំ២០១៤ ។ លើសពីនេះ សហព្រះរាជអាជ្ញា បានដាក់បណ្តឹងសាទុក្ខ ដោយកម្រិតត្រឹមតែស្វែងរកដំណោះស្រាយដែលប្រកាសដោយអង្គជំនុំជម្រះតុលាការកំពូលទាក់ទងនឹងភាពអាចអនុវត្តបាននូវទម្រង់ពង្រីកបន្ថែមនៃសហឧក្រិដ្ឋកម្មរួម ដែលហៅថា«សហឧក្រិដ្ឋកម្មរួមទម្រង់ទី III» (JCE III) នៅចំពោះមុខ អ.វ.ត.ក។
បើតាមសេចក្តីប្រកាសព័ត៌មានសាលាក្តីខ្មែរក្រហម អង្គជំនុំជម្រះមិនទាន់ដឹងទេថា តើនឹងមានការសវនាការលើបណ្តឹងសាទុក្ខច្រើនជាងសវនាការដែលបានគ្រោងទុកសម្រាប់ខែកក្កដា ឆ្នាំ ២០១៥នេះដែរឬទេ? អង្គជំនុំជម្រះតុលាការកំពូលមិនទាន់ធ្វើការសម្រេចលើសំណើដែលស្នើសុំកោះហៅសាក្សីបន្ថែមមួយចំនួនទៀតនៅឡើយទេ។ ដូច្នេះវាអាស្រ័យទៅលើសេចក្តីសម្រេចលើសំណើទាំងនេះ ហើយសវនាការស្តាប់ការផ្តល់សក្ខីកម្មរបស់សាក្សីផ្សេងទៀតអាចនឹងត្រូវរៀបចំឡើង។ លើសពីនេះទៀត អង្គជំនុំជម្រះតុលាការកំពូលនឹងស្តាប់សារណាផ្ទាល់បញ្ហាដែលបានលើកឡើងនៅក្នុងបណ្តឹងសាទុក្ខនោះនៅក្នុងសវនាការនាពេលខាងមុខ។
សូមជម្រាបជូនថា ជនជាប់ចោទ នួន ជា និង ខៀវ សំផន នៅតែគ្មានទោស ដរាបណា អង្គជំនុំជម្រះតុលាការកំពូលមិនទាន់សម្រេចលើបញ្ហានៃបណ្តឹងសាទុក្ខនេះ។ ប៉ុន្តែបើទោះជា បណ្តឹងសាទុក្ខនេះមានភាពស្មុគស្មាញ អង្គជំនុំជម្រះតុលាការកំពូលបានកំណត់ថា នឹងប្រកាសសាល ដីកាលើបណ្តឹងសាទុក្ខនេះ នៅក្នុងអំឡុងត្រីមាសទី១ ឆ្នាំ២០១៦ ។
សូមបញ្ជាក់ថា សំណុំរឿង០០២/០១ គឺជាការជំនុំជម្រះលើកទីមួយ នៃការជំនុំជម្រះយ៉ាងតិចពីរ ប្រឆាំងនឹងលោក ខៀវ សំផន ជាប្រមុខរដ្ឋនៃកម្ពុជាប្រជាធិបតេយ្យ និងលោក នួន ជា អតីតអនុលេខាបក្សកុម្មុយនីស្តកម្ពុជា។ បទចោទនៅក្នុងសំណុំរឿង ០០២/០១ គឺផ្តោតលើបទឧក្រិដ្ឋប្រឆាំងមនុស្សជាតិ ដែលរងការចោទប្រកាន់ក្នុងអំឡុងពេលជម្លៀសនៅទីក្រុងភ្នំពេញ ក្នុងខែមេសា ឆ្នាំ ១៩៧៥ និង ការផ្លាស់ទីដោយបង្ខំបន្តបន្ទាប់ពីតំបន់ដទៃទៀត រួមទាំង ការកាប់សម្លាប់ដែលរងការចោទប្រកាន់នៅទួលពោធិ៍ជ្រៃ ក្នុងខេត្តពោធិ៍សាត់៕
លោក នេត ភក្ត្រា អ្នកនាំពាក្យសាលាក្តីខ្មែរក្រហម បានឲ្យដឹងថា អង្គជំនុំជម្រះ នឹងស្តាប់សក្ខីកម្មរបស់សាក្សី៣រូប ដែលអង្គជំនុំជម្រះបានសម្រេចកោះហៅតាមសេចក្តីសម្រេចចុះថ្ងៃទី ២៩ ខែឧសភា ឆ្នាំ២០១៥ ។ ដោយឡែកសម្រាប់សវនាការបន្ថែមទៀត ដែលត្រូវរួមបញ្ចូលនូវសារណាផ្ទាល់មាត់លើបញ្ហាដែលបានលើកឡើង នៅក្នុងបណ្តឹងសាទុក្ខនោះ អង្គជំនុំជម្រះ នឹងធ្វើការកំណត់កាលបរិច្ឆេទទៅតាមពេលវេលាសមស្រប។
លោក នួន ជា និង ខៀវ សំផន បានធ្វើបណ្តឹងសាទុក្ខប្រឆាំងនឹងសាលក្រមរបស់អង្គជំនុំជម្រះសាលាដំបូង ដែលបានចេញនៅក្នុងខែសីហា ឆ្នាំ២០១៤ ។ លើសពីនេះ សហព្រះរាជអាជ្ញា បានដាក់បណ្តឹងសាទុក្ខ ដោយកម្រិតត្រឹមតែស្វែងរកដំណោះស្រាយដែលប្រកាសដោយអង្គជំនុំជម្រះតុលាការកំពូលទាក់ទងនឹងភាពអាចអនុវត្តបាននូវទម្រង់ពង្រីកបន្ថែមនៃសហឧក្រិដ្ឋកម្មរួម ដែលហៅថា«សហឧក្រិដ្ឋកម្មរួមទម្រង់ទី III» (JCE III) នៅចំពោះមុខ អ.វ.ត.ក។
បើតាមសេចក្តីប្រកាសព័ត៌មានសាលាក្តីខ្មែរក្រហម អង្គជំនុំជម្រះមិនទាន់ដឹងទេថា តើនឹងមានការសវនាការលើបណ្តឹងសាទុក្ខច្រើនជាងសវនាការដែលបានគ្រោងទុកសម្រាប់ខែកក្កដា ឆ្នាំ ២០១៥នេះដែរឬទេ? អង្គជំនុំជម្រះតុលាការកំពូលមិនទាន់ធ្វើការសម្រេចលើសំណើដែលស្នើសុំកោះហៅសាក្សីបន្ថែមមួយចំនួនទៀតនៅឡើយទេ។ ដូច្នេះវាអាស្រ័យទៅលើសេចក្តីសម្រេចលើសំណើទាំងនេះ ហើយសវនាការស្តាប់ការផ្តល់សក្ខីកម្មរបស់សាក្សីផ្សេងទៀតអាចនឹងត្រូវរៀបចំឡើង។ លើសពីនេះទៀត អង្គជំនុំជម្រះតុលាការកំពូលនឹងស្តាប់សារណាផ្ទាល់បញ្ហាដែលបានលើកឡើងនៅក្នុងបណ្តឹងសាទុក្ខនោះនៅក្នុងសវនាការនាពេលខាងមុខ។
សូមជម្រាបជូនថា ជនជាប់ចោទ នួន ជា និង ខៀវ សំផន នៅតែគ្មានទោស ដរាបណា អង្គជំនុំជម្រះតុលាការកំពូលមិនទាន់សម្រេចលើបញ្ហានៃបណ្តឹងសាទុក្ខនេះ។ ប៉ុន្តែបើទោះជា បណ្តឹងសាទុក្ខនេះមានភាពស្មុគស្មាញ អង្គជំនុំជម្រះតុលាការកំពូលបានកំណត់ថា នឹងប្រកាសសាល ដីកាលើបណ្តឹងសាទុក្ខនេះ នៅក្នុងអំឡុងត្រីមាសទី១ ឆ្នាំ២០១៦ ។
សូមបញ្ជាក់ថា សំណុំរឿង០០២/០១ គឺជាការជំនុំជម្រះលើកទីមួយ នៃការជំនុំជម្រះយ៉ាងតិចពីរ ប្រឆាំងនឹងលោក ខៀវ សំផន ជាប្រមុខរដ្ឋនៃកម្ពុជាប្រជាធិបតេយ្យ និងលោក នួន ជា អតីតអនុលេខាបក្សកុម្មុយនីស្តកម្ពុជា។ បទចោទនៅក្នុងសំណុំរឿង ០០២/០១ គឺផ្តោតលើបទឧក្រិដ្ឋប្រឆាំងមនុស្សជាតិ ដែលរងការចោទប្រកាន់ក្នុងអំឡុងពេលជម្លៀសនៅទីក្រុងភ្នំពេញ ក្នុងខែមេសា ឆ្នាំ ១៩៧៥ និង ការផ្លាស់ទីដោយបង្ខំបន្តបន្ទាប់ពីតំបន់ដទៃទៀត រួមទាំង ការកាប់សម្លាប់ដែលរងការចោទប្រកាន់នៅទួលពោធិ៍ជ្រៃ ក្នុងខេត្តពោធិ៍សាត់៕
© រក្សាសិទ្ធិដោយ thmeythmey.com
