ពីនេះ ពីនោះ
×![]()
ដោយ: ថ្មីៗ
មនុស្សដែលមានអារម្មណ៍ភ័យខ្លាច បាក់ទឹកចិត្ត គ្មានសង្ឃឹមក្នុងជីវិត និងមិនជឿជាក់លើសមត្ថភាពខ្លួនឯង ក្នុងការធ្វើកិច្ចការអ្វីមួយ គឺបញ្ជាក់ថាពួកគេមិនមានទំនុកចិត្តលើខ្លួនឯងបាត់ទៅហើយ។ ជាទូទៅមនុស្សកាន់តែលែងមានទំនុកចិត្តលើខ្លួនឯង គឺនៅពេលដែលពួកគេនិយាយជាមួយមនុស្សមានអំណាចជាងខ្លួន មនុស្សមានចំណេះដឹងខ្ពស់ជាងខ្លួន ជាពិសេសនិយាយនៅក្នុងចំណោមមហាជនរាប់រយនាក់ជាដើម។ តើគួរធ្វើយ៉ាងដូចម្តេចទើបអាចជម្នះនឹងឧបសគ្គនេះបាន?
១) កុំមើលងាយខ្លួនឯង៖ ត្រូវចេះលើកទឹកចិត្ត ឲ្យតម្លៃលើខ្លួនឯង គំទ្រនិងសរសើនូវអ្វីដែលខ្លួនឯងកំពុងធ្វើ។ ជាពិសេស មិនបន្ទច់បង្អាប់ខ្លួនឯង មិនរួញរា និងក្លាហានធ្វើកិច្ចការអ្វីមួយឬនិយាយជាសាធារណៈនៅចំពោះមុខមហាជនច្រើនរយនាក់ ដោយមិនខ្លាចគេសើចចំអកឡើយ។
២) មើលពីចំណុចល្អខ្លួនឯង៖ ត្រូវមានគំនិត ឬគិតបែបវិជ្ជមានមកលើខ្លួនឯង នៅពេលនោះអ្នកនឹងមានទឹកចិត្ត និងមានជំនឿលើខ្លួនឯងក្នុងការបំពេញកិច្ចដែលអ្នកចង់ធ្វើ ប្រកបដោយភាពប្រាកដប្រជា និងជឿជាក់លើខ្លួនឯង។
៣) ត្រូវមានទំនុកចិត្ត និងជឿជាក់លើសមត្ថភាពរបស់ខ្លួន៖ គឺអ្នកត្រូវគិតថាគេអាចធ្វើបាន ខ្ញុំក៏អាចធ្វើបានដែរ យ៉ាងហោចណាស់ក៏ត្រូវជឿជាក់លើសមត្ថភាពខ្លួនឯងថា ប្រសិនជាខ្ញុំធ្វើមិនបានល្អដូចគេ ក៏ខ្ញុំអាចធ្វើបានប្រហាក់ប្រែលនឹងគេដែរ។
៤) ត្រៀមលក្ខណៈមុននឹងធ្វើអ្វីមួយ៖ ការត្រៀមលក្ខណៈជាផ្នែកមួយដ៏សំខាន់ ព្រោះនៅពេលអ្នកបានត្រៀមចិត្ត ត្រៀមគំនិត និងរៀបចំកិច្ចការនោះរួចជាស្រេចហើយដើម្បីបំពេញវា ពេលនោះអ្វីៗហាក់បីដូចជារួចរាល់អស់។ ដូច្នេះអ្នកប្រាកដជាមិនមានបញ្ហាឬមានកង្វល់ក្នុងចិត្តឡើយ។
៥) អនុវត្តន៍៖ អ្នកត្រូវហាត់សមធ្វើកចិ្ចការនោះដដែលៗឲ្យក្លាយទៅជាទម្លាប់រហូតដល់ពេលដែលអ្នកដឹងខ្លួនឯងថា លេងភ័យក្លាច ហើយមានទំនុចចិត្ត និងជឿជាក់លើខ្លួនខ្លាំងថា អ្នកប្រាកដជាអាចធ្វើកិច្ចការនោះបានយ៉ាងល្អបំផុត៕
© រក្សាសិទ្ធិដោយ thmeythmey.com
