បើស្អែកនៅមាន

ពីនេះ ពីនោះ

បើស្អែកនៅមាន

04, Jul 2015 , 2:16 pm

រូបភាព

ដោយ: ថ្មីៗ

                             បើស្អែកនៅមាន
                              (បទពាក្យ៧)

បើស្អែកនៅមានកុំចុះចាញ់   ត្រូវខំប្រឹងវិញកុំរាថយ
ប្រឈមឧបសគ្គកុំបកក្រោយ   ទោះដួលក៏ដោយគង់ក្រោកបាន។

បើស្អែកនៅមានកុំទ្រុធទ្រោម      កុំញ៉ាកចុះញ៉មត្រូវប្រឹងប្រាណ
ទោះបីថ្ងៃលិចរះវិញបាន                    ច្នោះមនុស្សគ្រប់ប្រាណកុំអល់អែក។

បើស្អែកនៅមានកុំទន់ជ្រាយ             កុំលង់ផុងងាយនឹងទឹកភ្នែក
ត្រូវប្រឹងរឹងមាំកុំទ្រាំដេក      បង្ហូរទឹកភ្នែកឥតបានការ។

បើស្អែកនៅមានកុំប្រមាថ      ពេលនាំឲ្យខាតបង់អាសារ
ដៃមានជើងមានប្រឹងធ្វើការ             ខួរក្បាលបញ្ញាប្រើការទៅ។

បើស្អែកនៅមានកុំបោះបង់             គិតត្រូវផ្លូវត្រង់ផ្ចង់សំដៅ
តូចក្តីធំក្តីការកុំនៅ          ធ្វើចុះធ្វើទៅនឹងចម្រើន។

បើស្អែកនៅមានកុំបីខ្លាច   តាំងចិត្តអង់អាចធ្វើឲ្យកើន
ឲ្យកើតប្រយោជន៍ជាកំណើន   ចម្រុងចម្រើនដល់សង្គម៕

        និពន្ធដោយ៖ ប៊ុន ពិសី, កែសម្រួល៖ វិឆ័យ សុភី

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

2 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ

1 សប្តាហ៍

«បុរាណ»និង«បូរាណ» មានអត្ថន័យដូចគ្នា

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

អត្ថបទពេញនិយមបន្ថែម