ពីនេះ ពីនោះ
×![]()
ដោយ: ធីតា
មនុស្សម្នាក់ៗសុទ្ធតែប្រាថ្នារស់នៅក្នុងភាពហ៊ឺហាសម្បូរសប្បាយ មិនចង់ស្គាល់ឡើយនូវទុក្ខវេទនាដោយសារជីវភាពខ្វះខាត។ អ្នកខ្លះព្យាយាមធ្វើការរកស៊ីរហូតក្លាយជាមហាសេដ្ឋី។
អ្នកខ្លះទៀតខិតខំរកមធ្យោបាយដើម្បីក្លាយជាសេដ្ឋីដូចគេដែរ។ ប៉ុន្តែ ទោះជាប្រឹងយ៉ាងណាក៏បានត្រឹមតែបង្គ្រន់ជីវភាពប្រចាំថ្ងៃប៉ុណ្ណោះ។ អ្នកអាចពិចារណាពីចំណុចមួយចំនួនដូចខាងក្រោមនេះទាក់ទិននឹងមូលហេតុដែលអ្នកមិនទាន់អាចក្លាយជាអ្នកមាន ៖
1. ចាយលុយខ្ជះខ្ជាយប្រៀបដូចជាសេដ្ឋី
ជាការពិតណាស់ ការចំណាយលុយទិញរបស់ថ្លៃៗ ដូចជារថយន្តទំនើប និងសម្លៀកបំពាក់ម៉ាកល្បីៗ ធ្វើឲ្យយើងមានអារម្មណ៍ល្អ។ ប៉ុន្តែ បើសិនជាអ្នកនៅតែចង់ចំណាយប្រាក់ទិញវត្ថុដែលអ្នកមិនត្រូវការជាចាំបាច់ទេនោះ អ្នកមិនអាចចាប់ផ្តើមសន្សំលុយបានឡើយ។
2. គ្មានផែនការច្បាស់លាស់
គ្មានគោលដៅកំណត់សម្រាប់រយៈខ្លី ឬវែង ក្តីស្រមៃក្លាយជាសេដ្ឋីប្រៀបបានដូចជាសុបិនដែលមិនអាចក្លាយទៅជាការពិត។ ការមិនកំណត់គោលដៅនេះបានក្លាយទៅជាលេសមួយដែលអ្នកយកមកអះអាងដើម្បីបោះចោលគំនិតសន្សំប្រាក់ ឬគំនិតបញ្ឈប់ការចាយវាយហួសព្រំដែន។
3. ពុំមានប្រាក់បម្រុង ៦ ខែសម្រាប់កិច្ចការបន្ទាន់
គេតែងតែនិយាយថា ត្រូវមានប្រាក់បម្រុងទុកយ៉ាងហោចណាស់ ៦ ខែនៃប្រាក់ចំណូលសម្រាប់ប្រើប្រាស់ក្នុងធុរៈបន្ទាន់។ ប៉ុន្តែ ការចំណាយដោយឥតព្រាងទុកតែងតែកើតមានជាហូរហែ។ តើធ្វើដូចម្តេចនឹងមានប្រាក់បម្រុង ? បើអ្នកសម្រេចចិត្តខ្ចីប្រាក់ធនាគារនោះ អ្នកនឹងត្រូវលិចលង់ក្នុងបំណុលហើយ។
4. ចាប់ផ្តើមយឺតពេល
ពេលវេលាកន្លងផុតទៅ ដោយឥតសន្សំប្រាក់ ធ្វើឲ្យឱកាសក្លាយជាអ្នកមានរបស់អ្នកកាន់តែរួញខោច។ តាមពិតទៅ ទោះជាអ្នកត្រូវចំណាយច្រើន ក៏អ្នកនៅតែអាចសន្សំប្រាក់បន្តិចបន្តួចដែរ។ អ្វីដែលសំខាន់គឺអ្នកបានចាប់ផ្តើមសន្សំ។ ទោះបីជាចាប់ផ្តើមយឺតពេលបន្តិចទៅហើយក៏ដោយ បើសិនជាអ្នកមានឆន្ទៈគ្រប់គ្រាន់ អ្នកនៅតែអាចក្លាយជាអ្នកមានបាន។
5. អ្នកសុខចិត្តត្អូញត្អែរជាជាងរើបម្រះ
« ជីវភាពប្រចាំថ្ងៃត្រូវចំណាយខ្ពស់ណាស់ » « ការវិនិយោគគឺជារឿងប្រថុយពេកហើយ » ទាំងអស់នេះគឺជាលេសនៃគំនិតមិនចង់សន្សំប្រាក់ វិនិយោគ ឬធ្វើផែនការផ្សេង។ អ្នកគួរតែបោះបង់ចោលនូវទម្លាប់មិនល្អទាំងនេះ ហើយខិតខំធ្វើអ្វីដែលអ្នកអាចធ្វើបានដើម្បីផ្លាស់ប្តូរខ្លួនឯង។
6. រស់សម្រាប់តែថ្ងៃនេះ ដោយមិនខ្វល់ពីថ្ងៃស្អែក
វាជាការពិបាកណាស់ក្នុងការគិតទៅដល់អនាគតដ៏វែងឆ្ងាយ ខណៈដែលការចំណាយចំពោះមុខមានជាបន្តបន្ទាប់។ ទោះជាយ៉ាងណាក៏ដោយ អ្នកត្រូវចាំទុក និងសួរខ្លួនឯងថា៖ « តើត្រូវចាយលុយពេលនេះ រួចសឹមបារម្ភជាក្រោយ ឬត្រូវសន្សំប្រាក់ទុកពេលនេះ ដើម្បីមានលុយចាយទៅថ្ងៃក្រោយ ? »
7. អ្នកចង់ក្លាយជាអ្នកមានដោយពឹងផ្អែកលើព្រេងសំណាង
អ្នកអាចនឹងមានសំណាងក្លាយជាអ្នកមាន ដោយការឈ្នះឆ្នោត។ ប៉ុន្តែ វិធីនេះមិនល្អទេ ព្រោះវានឹងទាញយកលុយដើមរបស់អ្នកទៅជាមួយរហូតទាល់តែអស់រលីងពីខ្លួន។ អ្នកគួរតែស្វែងរកចំណូលពីប្រភពផ្សេងៗគ្នា ដែលកម្រិតនៃការប្រថុយក៏ខុសៗគ្នាដែរ។
8. ទម្លាប់សន្សំដោយស្វ័យប្រវត្តិ
អាថ៌កំបាំងដែលអាចសន្សំប្រាក់បានច្រើននោះគឺ ទម្លាប់ជាស្វ័យប្រវត្តិនៃការសន្សំ។ ទម្លាបនេះធ្វើឲ្យអ្នកមិនសូវប្រឹងប្រែងខ្លាំងក្នុងការត្បិតត្បៀត។ ទោះជាប្រាក់សន្សំមានចំនួនតិចតួចក៏ដោយ ប៉ុន្តែទម្លាប់នៃការសន្សំដ៏ទៀងទាត់ និងការព្យាយាមបង្កើនបរិមាណជាលំដាប់អាចធ្វើឲ្យមានការប្រែប្រួលដ៏ធំមួយបាននាពេលអនាគត។
9. យល់ថាគ្មានភាពចាំបាច់
អ្នកអាចនឹងគិតថា មិនចាំបាច់ប្រឹងប្រែងសន្សំប្រាក់ទេ ព្រោះអ្នកអាចនឹងមានមនុស្សជួយទំនុកបម្រុង ឬអ្នកអាចនឹងមានការងារល្អដែលមានប្រាក់ខែច្រើនជាងមុនជាដើម។ តើអ្នកណាទៅដឹងថា នឹងមានអ្វីកើតឡើងពិតប្រាកដនោះ ? អ្នកគួរតែយកចិត្តទុកដាក់ធ្វើនូវអ្វីដែលអ្នកអាចគ្រប់គ្រងវាបាននៅពេលនេះវិញប្រសើរជាង។ សន្សំប្រាក់ចាប់ពីពេលនេះទៅដើម្បីជួយខ្លួនឯង។
10. ឆាប់ទទួលឥទ្ធិពលពីកត្តាផ្សេងៗ
អ្នកអាចនឹងចាយលុយច្រើនដោយសារការនាំមិត្តស្រីទៅទិញអីវ៉ាន់ ឬវាអាចជាចរិកផ្ទាល់ខ្លួនអ្នកដែលចូលចិត្តដើរចាយលុយ រហូតលែងអាចគ្រប់គ្រងខ្លួនឯងបាន។ អ្នកមិនត្រូវបណ្តោយឲ្យឥទ្ធិពលអវិជ្ជមានទាំងនេះមកគ្រប់គ្រងអ្នកទេ។ ត្រូវយកគោលដៅនៃការសន្សំប្រាក់ដាក់ពីមុខ។ ហេតុនេះ រាល់ពេលអ្នកទាញកាបូបលុយ អ្នកអាចនឹងទុកប្រាក់ខ្លះ៕
ប្រែសម្រួលពីគេហទំព័រ www.time.com
អ្នកខ្លះទៀតខិតខំរកមធ្យោបាយដើម្បីក្លាយជាសេដ្ឋីដូចគេដែរ។ ប៉ុន្តែ ទោះជាប្រឹងយ៉ាងណាក៏បានត្រឹមតែបង្គ្រន់ជីវភាពប្រចាំថ្ងៃប៉ុណ្ណោះ។ អ្នកអាចពិចារណាពីចំណុចមួយចំនួនដូចខាងក្រោមនេះទាក់ទិននឹងមូលហេតុដែលអ្នកមិនទាន់អាចក្លាយជាអ្នកមាន ៖
1. ចាយលុយខ្ជះខ្ជាយប្រៀបដូចជាសេដ្ឋី
ជាការពិតណាស់ ការចំណាយលុយទិញរបស់ថ្លៃៗ ដូចជារថយន្តទំនើប និងសម្លៀកបំពាក់ម៉ាកល្បីៗ ធ្វើឲ្យយើងមានអារម្មណ៍ល្អ។ ប៉ុន្តែ បើសិនជាអ្នកនៅតែចង់ចំណាយប្រាក់ទិញវត្ថុដែលអ្នកមិនត្រូវការជាចាំបាច់ទេនោះ អ្នកមិនអាចចាប់ផ្តើមសន្សំលុយបានឡើយ។
2. គ្មានផែនការច្បាស់លាស់
គ្មានគោលដៅកំណត់សម្រាប់រយៈខ្លី ឬវែង ក្តីស្រមៃក្លាយជាសេដ្ឋីប្រៀបបានដូចជាសុបិនដែលមិនអាចក្លាយទៅជាការពិត។ ការមិនកំណត់គោលដៅនេះបានក្លាយទៅជាលេសមួយដែលអ្នកយកមកអះអាងដើម្បីបោះចោលគំនិតសន្សំប្រាក់ ឬគំនិតបញ្ឈប់ការចាយវាយហួសព្រំដែន។
3. ពុំមានប្រាក់បម្រុង ៦ ខែសម្រាប់កិច្ចការបន្ទាន់
គេតែងតែនិយាយថា ត្រូវមានប្រាក់បម្រុងទុកយ៉ាងហោចណាស់ ៦ ខែនៃប្រាក់ចំណូលសម្រាប់ប្រើប្រាស់ក្នុងធុរៈបន្ទាន់។ ប៉ុន្តែ ការចំណាយដោយឥតព្រាងទុកតែងតែកើតមានជាហូរហែ។ តើធ្វើដូចម្តេចនឹងមានប្រាក់បម្រុង ? បើអ្នកសម្រេចចិត្តខ្ចីប្រាក់ធនាគារនោះ អ្នកនឹងត្រូវលិចលង់ក្នុងបំណុលហើយ។
4. ចាប់ផ្តើមយឺតពេល
ពេលវេលាកន្លងផុតទៅ ដោយឥតសន្សំប្រាក់ ធ្វើឲ្យឱកាសក្លាយជាអ្នកមានរបស់អ្នកកាន់តែរួញខោច។ តាមពិតទៅ ទោះជាអ្នកត្រូវចំណាយច្រើន ក៏អ្នកនៅតែអាចសន្សំប្រាក់បន្តិចបន្តួចដែរ។ អ្វីដែលសំខាន់គឺអ្នកបានចាប់ផ្តើមសន្សំ។ ទោះបីជាចាប់ផ្តើមយឺតពេលបន្តិចទៅហើយក៏ដោយ បើសិនជាអ្នកមានឆន្ទៈគ្រប់គ្រាន់ អ្នកនៅតែអាចក្លាយជាអ្នកមានបាន។
5. អ្នកសុខចិត្តត្អូញត្អែរជាជាងរើបម្រះ
« ជីវភាពប្រចាំថ្ងៃត្រូវចំណាយខ្ពស់ណាស់ » « ការវិនិយោគគឺជារឿងប្រថុយពេកហើយ » ទាំងអស់នេះគឺជាលេសនៃគំនិតមិនចង់សន្សំប្រាក់ វិនិយោគ ឬធ្វើផែនការផ្សេង។ អ្នកគួរតែបោះបង់ចោលនូវទម្លាប់មិនល្អទាំងនេះ ហើយខិតខំធ្វើអ្វីដែលអ្នកអាចធ្វើបានដើម្បីផ្លាស់ប្តូរខ្លួនឯង។
6. រស់សម្រាប់តែថ្ងៃនេះ ដោយមិនខ្វល់ពីថ្ងៃស្អែក
វាជាការពិបាកណាស់ក្នុងការគិតទៅដល់អនាគតដ៏វែងឆ្ងាយ ខណៈដែលការចំណាយចំពោះមុខមានជាបន្តបន្ទាប់។ ទោះជាយ៉ាងណាក៏ដោយ អ្នកត្រូវចាំទុក និងសួរខ្លួនឯងថា៖ « តើត្រូវចាយលុយពេលនេះ រួចសឹមបារម្ភជាក្រោយ ឬត្រូវសន្សំប្រាក់ទុកពេលនេះ ដើម្បីមានលុយចាយទៅថ្ងៃក្រោយ ? »
7. អ្នកចង់ក្លាយជាអ្នកមានដោយពឹងផ្អែកលើព្រេងសំណាង
អ្នកអាចនឹងមានសំណាងក្លាយជាអ្នកមាន ដោយការឈ្នះឆ្នោត។ ប៉ុន្តែ វិធីនេះមិនល្អទេ ព្រោះវានឹងទាញយកលុយដើមរបស់អ្នកទៅជាមួយរហូតទាល់តែអស់រលីងពីខ្លួន។ អ្នកគួរតែស្វែងរកចំណូលពីប្រភពផ្សេងៗគ្នា ដែលកម្រិតនៃការប្រថុយក៏ខុសៗគ្នាដែរ។
8. ទម្លាប់សន្សំដោយស្វ័យប្រវត្តិ
អាថ៌កំបាំងដែលអាចសន្សំប្រាក់បានច្រើននោះគឺ ទម្លាប់ជាស្វ័យប្រវត្តិនៃការសន្សំ។ ទម្លាបនេះធ្វើឲ្យអ្នកមិនសូវប្រឹងប្រែងខ្លាំងក្នុងការត្បិតត្បៀត។ ទោះជាប្រាក់សន្សំមានចំនួនតិចតួចក៏ដោយ ប៉ុន្តែទម្លាប់នៃការសន្សំដ៏ទៀងទាត់ និងការព្យាយាមបង្កើនបរិមាណជាលំដាប់អាចធ្វើឲ្យមានការប្រែប្រួលដ៏ធំមួយបាននាពេលអនាគត។
9. យល់ថាគ្មានភាពចាំបាច់
អ្នកអាចនឹងគិតថា មិនចាំបាច់ប្រឹងប្រែងសន្សំប្រាក់ទេ ព្រោះអ្នកអាចនឹងមានមនុស្សជួយទំនុកបម្រុង ឬអ្នកអាចនឹងមានការងារល្អដែលមានប្រាក់ខែច្រើនជាងមុនជាដើម។ តើអ្នកណាទៅដឹងថា នឹងមានអ្វីកើតឡើងពិតប្រាកដនោះ ? អ្នកគួរតែយកចិត្តទុកដាក់ធ្វើនូវអ្វីដែលអ្នកអាចគ្រប់គ្រងវាបាននៅពេលនេះវិញប្រសើរជាង។ សន្សំប្រាក់ចាប់ពីពេលនេះទៅដើម្បីជួយខ្លួនឯង។
10. ឆាប់ទទួលឥទ្ធិពលពីកត្តាផ្សេងៗ
អ្នកអាចនឹងចាយលុយច្រើនដោយសារការនាំមិត្តស្រីទៅទិញអីវ៉ាន់ ឬវាអាចជាចរិកផ្ទាល់ខ្លួនអ្នកដែលចូលចិត្តដើរចាយលុយ រហូតលែងអាចគ្រប់គ្រងខ្លួនឯងបាន។ អ្នកមិនត្រូវបណ្តោយឲ្យឥទ្ធិពលអវិជ្ជមានទាំងនេះមកគ្រប់គ្រងអ្នកទេ។ ត្រូវយកគោលដៅនៃការសន្សំប្រាក់ដាក់ពីមុខ។ ហេតុនេះ រាល់ពេលអ្នកទាញកាបូបលុយ អ្នកអាចនឹងទុកប្រាក់ខ្លះ៕
ប្រែសម្រួលពីគេហទំព័រ www.time.com
© រក្សាសិទ្ធិដោយ thmeythmey.com
