កីឡាជាតិ
បញ្ជីឈ្មោះកីឡាករ៣០នាក់ដំបូងរបស់ U-19 ជម្រើសជាតិត្រៀមពាន AFF U19
× សហព័ន្ធកីឡាបាល់ទាត់កម្ពុជា នឹងបញ្ជូនក្រុមបាល់ទាត់ជម្រើសជាតិក្រោមអាយុ១៩ ឆ្នាំ (U-19) របស់ខ្លួនទៅប្រកួតក្នុងពានរង្វាន់បាល់ទាត់យុវជន AFF U19 Championship 2015 ដែលនឹងរៀបចំនៅទីក្រុងវៀងចន្ទន៍ប្រទេសឡាវ ចុងខែសីហា ឆ្នាំ ២០១៥ ខាងមុខនេះ។
យោងតាមការឱ្យដឹងតាមរយៈហ្វេសប៊ុករបស់ក្លិបស្វាយរៀងក្រុមបាល់ទាត់ជម្រើសជាតិឈុតនេះនឹងប្រកួតមិត្តភាពចំនួន ២ ប្រកួត គឺនៅថ្ងៃទី ៩ និង ១៣ ខែ សីហា ឆ្នាំ ២០១៥ ស្របពេលបច្ចុប្បន្នមានកីឡាករ ៣០ នាក់ក្នុងបញ្ជីរបស់លោក ហុក សុជីវ័ន ដែលជាគ្រូបង្គោល។ នៅថ្ងៃទី២០ ខែកក្កដា នឹងក្រុមគ្រូបង្វឹកនឹងជម្រុះកីឡាករ៥នាក់ ចេញពីបញ្ជីនិងបន្តជម្រុះសម្រាប់បញ្ជីចុងក្រោយជាបន្តទៀត។
ខាងក្រោមជាបញ្ជីឈ្មោះកីឡាករទាំង ៣០នាក់ដំបូង៖
ក្លិបក្រសួងការពារជាតិ៖ អ៊ុំ សេរីរ័ត្ន, ទូច រូម៉ា,ម៉ែន មុន្នីរ៉ា, សុខ ហៀង, រឿម ចាន់រឿន, ច្រឹង ពលរដ្ឋ, ពុំ បារាំង, ឪ កាសាន់។
ស្វាយរៀងអែហ្វស៊ី៖ ជាម រតនា, ឈិន ឆៃនុត, អ៊ុក វ៉ាន់ណេ, គីម ហាប់, ផុន ភារ៉ា, គន្ធា រ៉ាវ៉ាន់, សឿង ខន្តី, ថារី សំណាង, ហួន សុវណ្ណពិសិដ្ធ។
បឹងកេតអង្គរអែហ្វស៊ី៖ លី វ៉ាហេទ, ហ៊ន គីណាល់, អំ ចាន់នូ។
ណាហ្គាវើល៖ សោម សុគន្ធដារ៉ា,ឆេង ម៉េង, ចិន វណ្ណះ,សេត រ៉ូស៊ីប។
បៀលប្រាយយូណាយធីត៖ អ៊ុច បញ្ញាសិដ្ធ, ស្លេះ ស៊េន, ថោង វិជ្ជា។
វេស្ទើនភ្នំពេញ៖ ញ៉ុក ហ៊ុយឡេង។
អាស៊ីអឺរ៉ុប៖ ចន្ថា ធនធាន។
ស៊ីម៉ាក់៖ ធឿន បញ្ញា។
ពានរង្វាន់ AFF U19 Championship 2015 នឹងចាប់ផ្ដើមប្រកួតពីថ្ងៃទី ២២ សីហា ដល់ ៤ កញ្ញា ឆ្នាំ ២០១៥ ដោយមានប្រទេសចូលរួមចំនួន ១១ (ដកតែឥណ្ឌូណេស៊ីចេញ)។ សម្រាប់ក្រុមកម្ពុជា ស្ថិតក្នុងពូល A ជាមួយថៃ អូស្ត្រាលី ប្រ៊ុយណេ ហ្វីលីពីន និង ឡាវ ហើយពូល B មាន វៀតណាម មីយ៉ាន់ម៉ា សិង្ហបុរី ទីម័រខាងកើត និង ម៉ាឡេស៊ី៕
© រក្សាសិទ្ធិដោយ thmeythmey.com