ជាតិ
GADC នឹងតស៊ូផ្លូវច្បាប់ជួយរកយុត្តិធម៌ឲ្យកញ្ញា សាសា ប្រឆាំងលោក សុខ ប៊ុន
×![]()
ដោយ: ម៉ៅ សុផា
អង្គការយេនឌ័រ និងអភិវឌ្ឍន៍ដើម្បីកម្ពុជា (GADC) គ្រោងដាក់លិខិតទៅកាន់សាលាដំបូងរាជធានីភ្នំពេញ នៅពេលខាងមុខ ដើម្បីជំរុញឲ្យស្ថាប័នមួយនេះ ស្វះស្វែងរកយុត្តិធម៌ជូនកញ្ញា ឯក សុជាតា ហៅសាសា ដែលរងអំពើហិង្សាដ៏ធ្ងន់ធ្ងរពីសំណាក់លោក សុខ ប៊ុន ប្រធានក្រុមហ៊ុន TEHO Development និងជាប្រធានសមាគមអ្នកវាយតម្លៃអចលនវត្ថុកម្ពុជា ជាមួយក្រុមអង្គរក្សខ្លួន នៅកោះពេជ្រកាលពីថ្មីៗកន្លងទៅនេះ។ នេះជាការលើកឡើងរបស់លោកស្រី រស់ សុភាព នាយិការអង្គការយេនឌ័រ និងអភិវឌ្ឍន៍ដើម្បីកម្ពុជា។
ថ្លែងប្រាប់សារព័តមានថ្មីៗ លោកស្រី រស់ សុភាព នាយិការអង្គការយេនឌ័រ និងអភិវឌ្ឍន៍ដើម្បីកម្ពុជា បានឲ្យដឹងថា លោកស្រីនឹងពិភាក្សាជាមួយក្រុមបុគ្គលិកការងាររបស់ខ្លួន ដើម្បីសម្រេចដាក់លិខិតទៅកាន់សាលាដំបូងរាជធានីភ្នំពេញ ឲ្យជួយរកយុត្តិធម៌ពាក់ព័ន្ធនឹងអំពើហិង្សា ដែលកើតឡើងលើកញ្ញា ឯក សុជាតា កាលពីយប់ថ្ងៃ១ ឈានចូលព្រឹកថ្ងៃទី២ ខែកក្កដា កន្លងទៅថ្មីៗនេះ។ ប្រធានអង្គការរូបនេះបញ្ជាក់ថា៖ «ខាងអង្គការយើងនឹងដាក់លិខិតមួយ ទៅកាន់តុលាការ ដើម្បីឲ្យតុលាររកយុត្តិធម៌ឲ្យបានជូនជនរងគ្រោះ។ កន្លងមកយើងសង្កេតឃើញថា មន្ដ្រីអនុវត្តច្បាប់ហាក់ដូចជាមិនបានតឹងរឹងទេ អ្នកប្រព្រឹត្តនៅតែប្រព្រឹត្ត ជនរងគ្រោះនៅតែជាជនរងគ្រោះ»។
លោកស្រី បានបង្ហាញពីក្តីព្រួយបារម្ភ និងការហួសចិត្តយ៉ាងខ្លាំង ដែលឃើញបុរស ដែលត្រូវបានគេចាត់ទុកថា ជាអ្នកការពារនិងលើកស្ទួយស្ត្រី បែរជាប្រើកម្លាំងបាយដ៏ធ្ងន់ធ្ងរ និងឥតពិចារណាមកលើស្ដ្រីយ៉ាងដូច្នេះសោះ។ លោកស្រីសង្កត់ធ្ងន់ៗថា៖ «ទង្វើរបស់បុរសនោះអាចធ្វើដូច្នេះបាន ដោយសារតែភាពធូររលង់នៃការអនុវត្តច្បាប់ និងបង្ហាញពីការធ្លាក់ចុះសីលធម៌សង្គម ព្រមទាំងការបាត់បង់តម្លៃជាបុរសខ្លួនឯងផ្ទាល់។ បញ្ហាទាំងអស់នេះហើយ ដែលយើងទាំងអស់គ្នាគួរតែព្រួយបារម្ភ»។
ជាមួយគ្នាផងដែរ តំណាងរាស្ត្របក្សប្រឆាំង លោកស្រីមួ សុខហួ បានបង្ហោះលើទំព័រហ្វេសប៊ុករបស់ខ្លួនថា «ការប្រើអំពើហឹង្សាប្រឆាំងស្ត្រី គឺមិនអាចទទួលយកបានជាដាច់ខាត ហើយត្រូវតែដោះស្រាយតាមច្បាប់ ។ មិនគួរអនុញ្ញាតអោយគ្រាន់តែទទួលសំណង ហើយអនុញ្ញាតិអោយអ្នកប្រព្រឹត្តិបទឧក្រិដ្ឋមានសេរីភាពឡើយ។ អំពើហឹង្សាទៅលើស្ត្រី ជាបទឧក្រិដ្ឋប្រឆាំងសិទ្ធិមនុស្សរបស់ស្ត្រី។ យើងត្រូវតែរួមគ្នាបញ្ឈប់អំពើហឹង្សាមកលើស្ត្រី»។
គួរបញ្ជាក់ថា បន្ទាប់ពីជនរងគ្រោះដាក់ពាក្យបណ្តឹងទៅកាន់តុលាការ លោកព្រះរាជអជ្ញារង ហ៊ឹង ប៊ុនថននៃសាលាដំបូងរាជធានីភ្នំពេញ បានចេញដីកាកោះហៅ លោក សុខ ប៊ុន ឲ្យចូលខ្លួនបំភ្លឺកាលពីថ្ងៃទី៨ ម្សិលមិញនេះ។ តែរហូតមកដល់ពេលនេះបុរសជាឧកញ្ញ៉ារូបនេះ មិនទាន់បង្ហាញខ្លួននៅឡើយទេ។
យោងតាមឃ្លីបវីដេអូដែលថតដោយកាម៉េរ៉ាសុវត្ថិភាព គេសង្កេតឃើញសកម្មភាពវាយដំយ៉ាងធ្ងន់ធ្ងរពីបុរសម្នាក់ដែលគេអះអាងថា ជាលោក សុខ ប៊ុន និងអង្គរក្ស ទៅលើនាង សាសា អតីតពិធីការិនីទូរទស្សន៍នៅក្នុងហាងស្ថិតក្នុងបរិវេណកោះពេជ្យ កាលពីយប់ថ្ងៃទី២ ខែកក្កដា។ តាមបទសម្ភាសមួយជាមួយទូរទស្សន៍ CNC កញ្ញា សាសា បានអះអាងថា នាង និង សុខ ប៊ុន មិនដែលស្គាល់គ្នានោះឡើយ។ នាងបានបញ្ជាក់ថា ទំនាស់កើតឡើងបន្ទាប់ពីនាងព្យាយាមរារាំង លោក សុខ ប៊ុន និងក្រុមអង្គរក្ស មិនឲ្យនាំម្ចាស់ហាងជនជាតិជប៉ុនដែលជាមិត្តភក្តិរបស់នាងចេញទៅក្រៅ ខណៈដែលមិត្តភក្តិនោះកំពុងស្រវឹងជោគជាំ។ នាងបានទទួលរងការជេរប្រមាថពីសំណាក់អង្គរក្ស និងរងការវាយដំផ្ទាល់ពីសំណាក់លោក សុខ ប៊ុន។
ប៉ុន្តែជាមួយគ្នានេះផងដែរ មេធាវីលោក សុខ ប៊ុន ដែលមិនបានបញ្ចេញឈ្មោះ បាននិយាយប្រាប់គេហទំព័រ Fresh News ថា មានភ្លើងទើបមានផ្សែង ហើយកំហឹងរបស់លោក សុខ ប៊ុន បានកើតឡើងបន្ទាប់ពី សាសា បានជេប្រមាថ និងគប់ទូរសព្ទទៅលើលោក។
សូមរំឭកថា ការវាយដំជាន់ធាក់ដោយឥតសំចៃកម្លាំងពីសំណាក់លោក សុខ ប៊ុន រួមជាមួយអង្គរក្សខ្លួននេះ ជាទិដ្ឋភាពទីពីរហើយ ដែលបុរសប្រព្រឹត្តអំពើហិង្សាលើស្ត្រី។ កាលពីពេលកន្លងទៅថ្មីៗនេះ បុរសវ័យចំណាស់ម្នាក់បានទះកំផ្លៀងក្មេងស្រីអាយុ១៦ឆ្នាំ ជាសិស្សនៃ វិទ្យាល័យ ជា ស៊ីម បឹងកេងកង៕
ថ្លែងប្រាប់សារព័តមានថ្មីៗ លោកស្រី រស់ សុភាព នាយិការអង្គការយេនឌ័រ និងអភិវឌ្ឍន៍ដើម្បីកម្ពុជា បានឲ្យដឹងថា លោកស្រីនឹងពិភាក្សាជាមួយក្រុមបុគ្គលិកការងាររបស់ខ្លួន ដើម្បីសម្រេចដាក់លិខិតទៅកាន់សាលាដំបូងរាជធានីភ្នំពេញ ឲ្យជួយរកយុត្តិធម៌ពាក់ព័ន្ធនឹងអំពើហិង្សា ដែលកើតឡើងលើកញ្ញា ឯក សុជាតា កាលពីយប់ថ្ងៃ១ ឈានចូលព្រឹកថ្ងៃទី២ ខែកក្កដា កន្លងទៅថ្មីៗនេះ។ ប្រធានអង្គការរូបនេះបញ្ជាក់ថា៖ «ខាងអង្គការយើងនឹងដាក់លិខិតមួយ ទៅកាន់តុលាការ ដើម្បីឲ្យតុលាររកយុត្តិធម៌ឲ្យបានជូនជនរងគ្រោះ។ កន្លងមកយើងសង្កេតឃើញថា មន្ដ្រីអនុវត្តច្បាប់ហាក់ដូចជាមិនបានតឹងរឹងទេ អ្នកប្រព្រឹត្តនៅតែប្រព្រឹត្ត ជនរងគ្រោះនៅតែជាជនរងគ្រោះ»។លោកស្រី បានបង្ហាញពីក្តីព្រួយបារម្ភ និងការហួសចិត្តយ៉ាងខ្លាំង ដែលឃើញបុរស ដែលត្រូវបានគេចាត់ទុកថា ជាអ្នកការពារនិងលើកស្ទួយស្ត្រី បែរជាប្រើកម្លាំងបាយដ៏ធ្ងន់ធ្ងរ និងឥតពិចារណាមកលើស្ដ្រីយ៉ាងដូច្នេះសោះ។ លោកស្រីសង្កត់ធ្ងន់ៗថា៖ «ទង្វើរបស់បុរសនោះអាចធ្វើដូច្នេះបាន ដោយសារតែភាពធូររលង់នៃការអនុវត្តច្បាប់ និងបង្ហាញពីការធ្លាក់ចុះសីលធម៌សង្គម ព្រមទាំងការបាត់បង់តម្លៃជាបុរសខ្លួនឯងផ្ទាល់។ បញ្ហាទាំងអស់នេះហើយ ដែលយើងទាំងអស់គ្នាគួរតែព្រួយបារម្ភ»។
ជាមួយគ្នាផងដែរ តំណាងរាស្ត្របក្សប្រឆាំង លោកស្រីមួ សុខហួ បានបង្ហោះលើទំព័រហ្វេសប៊ុករបស់ខ្លួនថា «ការប្រើអំពើហឹង្សាប្រឆាំងស្ត្រី គឺមិនអាចទទួលយកបានជាដាច់ខាត ហើយត្រូវតែដោះស្រាយតាមច្បាប់ ។ មិនគួរអនុញ្ញាតអោយគ្រាន់តែទទួលសំណង ហើយអនុញ្ញាតិអោយអ្នកប្រព្រឹត្តិបទឧក្រិដ្ឋមានសេរីភាពឡើយ។ អំពើហឹង្សាទៅលើស្ត្រី ជាបទឧក្រិដ្ឋប្រឆាំងសិទ្ធិមនុស្សរបស់ស្ត្រី។ យើងត្រូវតែរួមគ្នាបញ្ឈប់អំពើហឹង្សាមកលើស្ត្រី»។
គួរបញ្ជាក់ថា បន្ទាប់ពីជនរងគ្រោះដាក់ពាក្យបណ្តឹងទៅកាន់តុលាការ លោកព្រះរាជអជ្ញារង ហ៊ឹង ប៊ុនថននៃសាលាដំបូងរាជធានីភ្នំពេញ បានចេញដីកាកោះហៅ លោក សុខ ប៊ុន ឲ្យចូលខ្លួនបំភ្លឺកាលពីថ្ងៃទី៨ ម្សិលមិញនេះ។ តែរហូតមកដល់ពេលនេះបុរសជាឧកញ្ញ៉ារូបនេះ មិនទាន់បង្ហាញខ្លួននៅឡើយទេ។យោងតាមឃ្លីបវីដេអូដែលថតដោយកាម៉េរ៉ាសុវត្ថិភាព គេសង្កេតឃើញសកម្មភាពវាយដំយ៉ាងធ្ងន់ធ្ងរពីបុរសម្នាក់ដែលគេអះអាងថា ជាលោក សុខ ប៊ុន និងអង្គរក្ស ទៅលើនាង សាសា អតីតពិធីការិនីទូរទស្សន៍នៅក្នុងហាងស្ថិតក្នុងបរិវេណកោះពេជ្យ កាលពីយប់ថ្ងៃទី២ ខែកក្កដា។ តាមបទសម្ភាសមួយជាមួយទូរទស្សន៍ CNC កញ្ញា សាសា បានអះអាងថា នាង និង សុខ ប៊ុន មិនដែលស្គាល់គ្នានោះឡើយ។ នាងបានបញ្ជាក់ថា ទំនាស់កើតឡើងបន្ទាប់ពីនាងព្យាយាមរារាំង លោក សុខ ប៊ុន និងក្រុមអង្គរក្ស មិនឲ្យនាំម្ចាស់ហាងជនជាតិជប៉ុនដែលជាមិត្តភក្តិរបស់នាងចេញទៅក្រៅ ខណៈដែលមិត្តភក្តិនោះកំពុងស្រវឹងជោគជាំ។ នាងបានទទួលរងការជេរប្រមាថពីសំណាក់អង្គរក្ស និងរងការវាយដំផ្ទាល់ពីសំណាក់លោក សុខ ប៊ុន។
ប៉ុន្តែជាមួយគ្នានេះផងដែរ មេធាវីលោក សុខ ប៊ុន ដែលមិនបានបញ្ចេញឈ្មោះ បាននិយាយប្រាប់គេហទំព័រ Fresh News ថា មានភ្លើងទើបមានផ្សែង ហើយកំហឹងរបស់លោក សុខ ប៊ុន បានកើតឡើងបន្ទាប់ពី សាសា បានជេប្រមាថ និងគប់ទូរសព្ទទៅលើលោក។
សូមរំឭកថា ការវាយដំជាន់ធាក់ដោយឥតសំចៃកម្លាំងពីសំណាក់លោក សុខ ប៊ុន រួមជាមួយអង្គរក្សខ្លួននេះ ជាទិដ្ឋភាពទីពីរហើយ ដែលបុរសប្រព្រឹត្តអំពើហិង្សាលើស្ត្រី។ កាលពីពេលកន្លងទៅថ្មីៗនេះ បុរសវ័យចំណាស់ម្នាក់បានទះកំផ្លៀងក្មេងស្រីអាយុ១៦ឆ្នាំ ជាសិស្សនៃ វិទ្យាល័យ ជា ស៊ីម បឹងកេងកង៕
© រក្សាសិទ្ធិដោយ thmeythmey.com
