កីឡាជាតិ
ជាតិ
ខេមបូឌានលីក៖ កីឡាករ៥សញ្ជាតិផ្សេងៗស៊ុតបាល់បញ្ចូលទីនៅថ្ងៃព្រហស្បតិ៍នេះ
× ភ្នំពេញក្រោន បានយកឈ្នះខេមបូឌានថាយហ្គឺរ ៣-១ ណាហ្គាវើលឈ្នះអាស៊ីអឺរ៉ុប ៣-០ ខណៈស្វាយរៀងបញ្ចប់ក្នុងលទ្ធផលស្មើ ៣-៣ ជាមួយចំណូលថ្មីស៊ីម៉ាក់ យូណាយធីត ក្នុងប្រកួតបញ្ចប់សប្តាហ៍ទី៣នៃក្របខណ្ឌមិត្តហ្វូនខេមបូឌានលីកឆ្នាំ២០១៥ នៅថ្ងៃទី៩ ខែកក្កដា។
ជ័យជម្នះ២លើកជាប់គ្នា បានឲ្យភ្នំពេញក្រោនឡើងទៅឈរលេខមួយបណ្តោះអាសន្នប្រចាំសប្តាហ៍ប្រកួតទីបីនៅលើទីលាន RSN របស់ខ្លួន។ សារី ម៉ាត់ណូរ៉ូទីន រកបានគ្រាប់បញ្ចូលទីបើកឆាកនៅដើមតង់ទីមួយ ហើយខ្សែប្រយុទ្ធនីហ្សេរីយ៉ា Bisan George តែតបញ្ចូលទីចំនួន២គ្រាប់ សម្រាប់ភ្នំពេញក្រោន ខណៈកីឡាករជប៉ុន Masato Yoshihara វាយបកមួយគ្រាប់សម្រាប់ខេមបូឌានថាយហ្គឺ។ លទ្ធផល ៣-១ ត្រូវបានរក្សារហូតដល់បញ្ចប់ការប្រកួត។
រីឯជំនួបនៅលើទីលានស្វាយរៀង ខ្សែប្រយុទ្ធ Dzarma Bata បាននាំឲ្យម្ចាស់ផ្ទះចែករំលែក១ពិន្ទុជាមួយក្រុមចំណូលថ្មី ស៊ីម៉ាក់ នៅក្នុងនាទី៨២ ជាមួយនឹងលទ្ធផលស្មើ ៣-៣ ។ ផាន់នី អ៊ីរដ្ឋា រកបានមួយគ្រាប់នៅដើមតង់សម្រាប់ស្វាយរៀង ខណៈ Dzarma Bata បំពេញបាន២គ្រាប់ ខណៈ ខ្សែប្រយុទ្ធអាមេរិក Janzen Anthony រកបានបីគ្រាប់តែម្នាក់ឯកសម្រាប់ស៊ីម៉ាក់។
សម្រាប់ការប្រកួតនៅលើទីលានស្តាតចាស់ ខ្សែប្រយុទ្ធ ឃឹម បូរី រកបាន២គ្រាប់ និង ខ្សែបម្រើហ្គីណេ Barry Lelouma ទាត់បាល់ប៉េណាល់ទីមួយគ្រាប់ដើម្បីនាំឲ្យណាហ្គាវើលឈ្នះអាស៊ីអឺរ៉ុប ៣-០ នាការប្រកួតសប្តាហ៍ទីបី៕
© រក្សាសិទ្ធិដោយ thmeythmey.com