ជាតិ
សង្គមជាតិ
×![]()
នៅក្នុងជំនួបទ្វេភាគីរវាងកម្ពុជានិងថៃ កាលពីថ្ងៃទី១០-១១ កក្កដាកន្លងទៅតំណាងរដ្ឋាភិបាលនៃប្រទេសទាំងពីរ អនុញ្ញាតឲ្យប្រជាជនរស់នៅតំបន់ព្រំដែនអាចទៅធ្វើការនៅថៃ ហើយវិលល្ងាចឬស្នាក់នៅថៃបានត្រឹមរយៈពេល១៥ទៅ៣០ថ្ងៃ។ ចំពោះបញ្ហាពលករខ្មែរដែលថៅកែទូកនេសាទថៃធ្វើបាបវិញ កម្ពុជាស្នើទៅថៃថា ធ្វើយ៉ាងណាកុំឲ្យថៅកែទូកនេសាទថៃទទួលយកពលករខ្មែរមិនស្របច្បាប់ទៅធ្វើការទៀត។ នេះបើតាមសេចក្តីប្រកាសព័ត៌មានរបស់ក្រសួងការបរទេស និងសហប្រត្តបត្តិការអន្តរជាតិនៅថ្ងៃទី១៣ កក្កដានេះ។ 
លទ្ធផលនៃជំនួបចរចារទ្វេភាគីរវាងរដ្ឋមន្ត្រីការបរទេស និងសហប្រតិបត្តិការអន្តរជាតិ លោក ហោ ណាំហុង និងរដ្ឋមន្ត្រីការបរទេសថៃ លោក ថាណាសក្តិ ប៉ាទិម៉ា ប្រាកន បានចុះហត្ថលេខាលើកិច្ចព្រមព្រៀងមួយ ដែលអនុញ្ញាតឲ្យប្រជាជនរស់នៅតំបន់ព្រំដែនអាចទៅធ្វើការនៅប្រទេសថៃ ហើយវិលល្ងាចឬអាចស្នាក់នៅក្នុងប្រទេសថៃបានរយៈពេលពី១៥ទៅ៣០ថ្ងៃ។នៅក្នុងការចរចារនោះក៏បានសម្រេចថា អនុញ្ញាតឲ្យពលករខ្មែរប្រហែល ៥០, ០០០នាក់ ដែលមិនទាន់បានពន្យាពេលប័ណ្ណស្នាក់នៅបណ្តោះអាសន្នមុនថ្ងៃផុតកំណត់ ថ្ងៃទី៣០ ខែមិនថុនា ឆ្នាំ២០១៥ អាចបន្តស្នាក់នៅរហូតដល់ខែមិនា ឆ្នាំ២០១៦ ដើម្បីបំពេញបែបបទក្លាយជាពលករស្របច្បាប់។
ទន្ទឹមនឹងនេះ លោក ហោ ណាំហុង ក៏បានលើកពីបញ្ហាពលករខ្មែរដែលត្រូវថៅកែទូកនេសាទថៃធ្វើបាបមកពិភាក្សាផងដែរ ហើយទាំងនាយករដ្ឋមន្ត្រីថៃ ទាំងរដ្ឋមន្ត្រីការបរទេសថៃ បានសំណូមពរឲ្យកម្ពុជាធ្វើយ៉ាងណាឲ្យពលករតាមទូកនេសាទជាពលករស្របច្បាប់ ដើម្បីជៀសវាងការរំលោភបំពានរបស់ថៅកែទូកនេសាទមកលើពលករខ្មែរ។ឆ្លើយបតនឹងបញ្ហានេះ លោកឧបកនាយករដ្ឋមន្ត្រី ហោ ណាំហុង បានសន្យាថានឹងធ្វើការងារនេះជាមួយក្រសួងការងារកម្ពុជា ហើយលោក ហោ ណាំហុង ក៏ស្នើទៅថៃវិញថា ធ្វើយ៉ាងណាកុំឲ្យថៅកែទូកនេសាទថៃទទួលយកពលករខ្មែរដែលមិនស្របច្បាប់ទៅធ្វើការទៀត។
ជាមួយគ្នាដែរនៅក្នុងដំណើរទស្សនកិច្ចផ្លូវការនៅប្រទេសថៃកាលពីថ្ងៃទី១០-១១ កក្តដានេះរដ្ឋមន្ត្រីវប្បធម៌នៃប្រទេសទាំងពីរក៏បានចុះហត្ថលេខាស្តីពីការប្រគល់និងទទួលវត្ថុបុរាណខ្មែរចំនួន១៦ដុំ ដែលរដ្ឋាភិបាលថៃបានឯកភាពជូនមកកម្ពុជាវិញ។ទន្ទឹមនឹងនេះ កម្ពុជាក៏បានស្នើរឲ្យរដ្ឋាភិបាលថៃ អនុញ្ញាតឲ្យអ្នកជំនាញកម្ពុជា ទៅពិនិត្យមើលវត្ថុបុរាណចំនួន២០ដុំផ្សេងទៀត ក្នុងគោលបំណងស្នើឲ្យភាគីថៃប្រគល់វត្ថុបុរាណដែលជារបស់ខ្មែរមកកម្ពុជាវិញផងដែរ។
ដោយឡែកភាគីទាំងពីរ ក៏បានពិភាក្សាពីការបើកច្រកស្ទឹងបត់-បានណងអៀនថ្មីមួយរវាងកម្ពុជានិងថៃ ដើម្បីសម្រួលដល់ការដឹកទំនិញរវាងប្រទេសទាំងពីរ ហើយទុកច្រកប៉ោយប៉ែតសម្រាប់តែទេសចរណ៏ប៉ុណ្ណោះ។ ករណីមួយផ្សេងទៀតប្រទេសទាំងពីរក៏បានឯកភាពគ្នាបើកច្រកអន្តរជាតិអានសេះ ខេត្តព្រះវិហារ និងអានម៉ា ខេត្តអ៊ុប៊ុនរាជធានីរបស់ថៃ ដើម្បីសម្រួលដល់ការប្រកបរបរ និងជំនួញជួញដូររបស់ប្រជាជននៅក្នុងតំបន់នោះផងដែរ៕
លទ្ធផលនៃជំនួបចរចារទ្វេភាគីរវាងរដ្ឋមន្ត្រីការបរទេស និងសហប្រតិបត្តិការអន្តរជាតិ លោក ហោ ណាំហុង និងរដ្ឋមន្ត្រីការបរទេសថៃ លោក ថាណាសក្តិ ប៉ាទិម៉ា ប្រាកន បានចុះហត្ថលេខាលើកិច្ចព្រមព្រៀងមួយ ដែលអនុញ្ញាតឲ្យប្រជាជនរស់នៅតំបន់ព្រំដែនអាចទៅធ្វើការនៅប្រទេសថៃ ហើយវិលល្ងាចឬអាចស្នាក់នៅក្នុងប្រទេសថៃបានរយៈពេលពី១៥ទៅ៣០ថ្ងៃ។នៅក្នុងការចរចារនោះក៏បានសម្រេចថា អនុញ្ញាតឲ្យពលករខ្មែរប្រហែល ៥០, ០០០នាក់ ដែលមិនទាន់បានពន្យាពេលប័ណ្ណស្នាក់នៅបណ្តោះអាសន្នមុនថ្ងៃផុតកំណត់ ថ្ងៃទី៣០ ខែមិនថុនា ឆ្នាំ២០១៥ អាចបន្តស្នាក់នៅរហូតដល់ខែមិនា ឆ្នាំ២០១៦ ដើម្បីបំពេញបែបបទក្លាយជាពលករស្របច្បាប់។
ទន្ទឹមនឹងនេះ លោក ហោ ណាំហុង ក៏បានលើកពីបញ្ហាពលករខ្មែរដែលត្រូវថៅកែទូកនេសាទថៃធ្វើបាបមកពិភាក្សាផងដែរ ហើយទាំងនាយករដ្ឋមន្ត្រីថៃ ទាំងរដ្ឋមន្ត្រីការបរទេសថៃ បានសំណូមពរឲ្យកម្ពុជាធ្វើយ៉ាងណាឲ្យពលករតាមទូកនេសាទជាពលករស្របច្បាប់ ដើម្បីជៀសវាងការរំលោភបំពានរបស់ថៅកែទូកនេសាទមកលើពលករខ្មែរ។ឆ្លើយបតនឹងបញ្ហានេះ លោកឧបកនាយករដ្ឋមន្ត្រី ហោ ណាំហុង បានសន្យាថានឹងធ្វើការងារនេះជាមួយក្រសួងការងារកម្ពុជា ហើយលោក ហោ ណាំហុង ក៏ស្នើទៅថៃវិញថា ធ្វើយ៉ាងណាកុំឲ្យថៅកែទូកនេសាទថៃទទួលយកពលករខ្មែរដែលមិនស្របច្បាប់ទៅធ្វើការទៀត។
ជាមួយគ្នាដែរនៅក្នុងដំណើរទស្សនកិច្ចផ្លូវការនៅប្រទេសថៃកាលពីថ្ងៃទី១០-១១ កក្តដានេះរដ្ឋមន្ត្រីវប្បធម៌នៃប្រទេសទាំងពីរក៏បានចុះហត្ថលេខាស្តីពីការប្រគល់និងទទួលវត្ថុបុរាណខ្មែរចំនួន១៦ដុំ ដែលរដ្ឋាភិបាលថៃបានឯកភាពជូនមកកម្ពុជាវិញ។ទន្ទឹមនឹងនេះ កម្ពុជាក៏បានស្នើរឲ្យរដ្ឋាភិបាលថៃ អនុញ្ញាតឲ្យអ្នកជំនាញកម្ពុជា ទៅពិនិត្យមើលវត្ថុបុរាណចំនួន២០ដុំផ្សេងទៀត ក្នុងគោលបំណងស្នើឲ្យភាគីថៃប្រគល់វត្ថុបុរាណដែលជារបស់ខ្មែរមកកម្ពុជាវិញផងដែរ។
ដោយឡែកភាគីទាំងពីរ ក៏បានពិភាក្សាពីការបើកច្រកស្ទឹងបត់-បានណងអៀនថ្មីមួយរវាងកម្ពុជានិងថៃ ដើម្បីសម្រួលដល់ការដឹកទំនិញរវាងប្រទេសទាំងពីរ ហើយទុកច្រកប៉ោយប៉ែតសម្រាប់តែទេសចរណ៏ប៉ុណ្ណោះ។ ករណីមួយផ្សេងទៀតប្រទេសទាំងពីរក៏បានឯកភាពគ្នាបើកច្រកអន្តរជាតិអានសេះ ខេត្តព្រះវិហារ និងអានម៉ា ខេត្តអ៊ុប៊ុនរាជធានីរបស់ថៃ ដើម្បីសម្រួលដល់ការប្រកបរបរ និងជំនួញជួញដូររបស់ប្រជាជននៅក្នុងតំបន់នោះផងដែរ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
