ជាតិ
សង្គមជាតិ
លោក សួន សេរីរដ្ឋា នឹងស្វែងរកការដោះលែងសមាជិកលោក៣នាក់ទៀត
× លោក សួន សេរីរដ្ឋា ប្រធានបណ្ដោះអាសន្នគណបក្សអំណាចខ្មែរ បានទទួលព្រះរាជទានលើកលែងទោសពីព្រះមហាក្សត្រកាលពីថ្ងៃទី១០ កក្កដា ឆ្នាំ២០១៥ ។ លោក សួន សេរីរដ្ឋា មិនបានសប្បាយចិត្តនឹងការលើកលែងទោសនេះឡើយ ពីព្រោះតែសកម្មជនរបស់លោកចំនួន៣រូបទៀត មិនបានប្រព្រឹត្តទោសកំហុសដូចការចោទប្រកាន់នោះទេ តែត្រូវបានតុលាការចាប់ឃុំក្នុងពន្ធនាគារម្នាក់៦ឆ្នាំ។ ប្រធានបណ្ដោះអាសន្នគណបក្សអំណាចខ្មែររូបនេះ បន្ថែមថា រូបលោកនឹងបន្តការទាមទារ ឲ្យមានការដោះលែងសកម្មជនរបស់លោកចំនួន៣នាក់នេះ ដើម្បីឲ្យពួកគេមកចូលរួមជាមួយបក្សរបស់ខ្លួនវិញ។ ជាមួយគ្នានោះលោក រដ្ឋា ក៏បដិសេធថា គណបក្សលោកមិនមានការជ្រោមជ្រែងពីក្រោយ ដោយលោកនាយករដ្ឋមន្ត្រី ហ៊ុន សែន ដើម្បីបំបែកសំឡេងគណបក្សសង្គ្រោះជាតិឡើយ។
សូមបញ្ជាក់ថា កាលពីថ្ងៃទី ១៤ ខែមករា ឆ្នាំ ២០១៥ កន្លងទៅនេះ ចៅក្រមសាលាដំបូងរាជធានីភ្នំពេញ បានសម្រេចផ្តន្ទាសទោសកំបាំងមុខឲ្យលោក សួន សេរីរដ្ឋា ជាប់ពន្ធនាគារ ៧ឆ្នាំ និងពិន័យប្រាក់ ២៥លានរៀល។ ក្រៅពីលោក មានសមាជិក ៣នាក់ទៀតរបស់ខ្លួន ត្រូវផ្ដន្ទាទោសឲ្យជាប់ពន្ធនាគារម្នាក់ ៦ឆ្នាំ។ ក្រោយមកសាលាឧទ្ធរណ៍ បានចេញសាដីការរក្សាសេចក្តីសម្រេចរបស់សាលក្រមតុលាការសាលាដំបូង ហើយសាលដីកានេះ បានចូលជាស្ថាពរនៅថ្ងៃទី ២៨ ខែមិថុនា ឆ្នាំ ២០១៥ ៕
ជាបន្ដសូមលោក អ្នកនាងស្ដាប់បទសម្ភាសន៍ រវាងលោក រំដួល ចិត្រា អ្នកសារព័ត៌មានអេឡិចត្រូនិចថ្មីៗ ជាមួយលោក សួន សេរីរដ្ឋា ប្រធានគណបក្សអំណាចខ្មែរ តាមរយៈខ្សែទូរសព្ទដូចតទៅ៖
© រក្សាសិទ្ធិដោយ thmeythmey.com